മോഡിക്ക് വിസ; യുഎസ് തീരുമാനത്തില് മാറ്റമില്ല
തങ്ങളുടെ വിസ പോളിസി ഏറെക്കാലമായി നിലനിന്നുപോരുന്നതാണ്. അതില് ഒരുമാറ്റവും ഇല്ല. മോഡിക്ക് അമേരിക്കന് വിസയ്ക്ക് വേണ്ടി അപേക്ഷിക്കാം എന്ന മുന്നിലപാടില് ഉറച്ചുനില്ക്കുന്നതായും സ്റ്റേറ്റ് ഡിപ്പാര്ട്ട്മെന്റ് വക്താവ് മാരി ഹാര്ഫ് പറഞ്ഞു.
മറ്റേതൊരു ആളെയും പോലെ നരേന്ദ്രമോഡിക്കും അമേരിക്കന് വിസയ്ക്ക് വേണ്ടി അപേക്ഷിക്കാം. മോഡിയുടെ അപേക്ഷ അമേരിക്ക പരിഗണിക്കും. മോഡിക്ക് വിസ ലഭിക്കുമോ എന്ന കാര്യം ഇപ്പോള് പറയാന് പറ്റില്ല. റിവ്യൂ കഴിയുന്നത് വരെ അദ്ദേഹം കാത്തിരിക്കേണ്ടി വരുമെന്നും ഹാര്ഫ് പറഞ്ഞു.
ഇന്ത്യയിലെ ആഭ്യന്തര രാഷ്ട്രീയ കാര്യങ്ങളില് ഇടപെടാന് അമേരിക്കയ്ക്ക് താല്പര്യമില്ല. അത്തരം കാര്യങ്ങളെക്കുറിച്ച് അഭിപ്രായം പറയാന് താന് ഉദ്ദേശിക്കുന്നില്ലെന്നും അവര് പറഞ്ഞു. 2002 ല് ഗുജറാത്തില് നടന്ന വംശീയ കലാപങ്ങളുടെ പോരിലാണ് അമേരിക്ക നരേന്ദ്രമോഡിക്ക് വിസ നിഷേധിച്ചത്.
മോഡിക്ക് വിസ നിഷേധിച്ച നടപടി തുടരണമെന്ന് ആവശ്യപ്പെട്ട് 65 ഇന്ത്യന് എം പിമാര് യു എസ് പ്രസിഡണ്ട് ബറാക് ഒബാമയ്ക്ക് കത്തയച്ചത് അടുത്തിടെ വന് വാര്ത്തയായിരുന്നു. 12 പാര്ട്ടികളില്പ്പെട്ട എം പി മാരാണ് ഇന്ത്യന് നേതാവിനെ അമേരിക്കയില് പ്രവേശിപ്പിക്കരുത് എന്ന് ആവശ്യപ്പെട്ട് യു എസ് പ്രസിഡണ്ടിന് കത്തയച്ചത്.