Click it and Unblock the Notifications
Just In
Don't Miss
-
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
ജാസ്മിനും ഗബ്രിയും ഫേക്ക് ആണ്, അവരുടെ ബന്ധം സത്യമല്ല! ബിഗ് ബോസിലെ അവസ്ഥകളെ പറ്റി യമുന റാണി -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി -
IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി -
ഐപിഎല് ശമ്പളം 16 കോടി, ബിസിസിഐ നല്‍കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇറാന്‍, ഉത്തര കൊറിയ ഒളിംപിക്‌സ് താരങ്ങള്‍ക്ക് സാംസംഗ് ഫോണ്‍ നല്‍കില്ലെന്ന് ദക്ഷിണ കൊറിയ!
സോള്‍: വെള്ളിയാഴ്ച ആരംഭിക്കുന്ന ശീതകാല ഒളിംപിക്‌സിനെത്തുന്ന ഇറാന്റെയും ഉത്തരകൊറിയയുടെയും താരങ്ങള്‍ക്ക് സ്മാര്‍ട്ട്‌ഫോണ്‍ ലഭിക്കില്ല. മറ്റുള്ളവര്‍ക്ക് ഉപഹാരമായി നല്‍കുന്നതുപോലെ സാംസംഗ് സ്മാര്‍ട്ട്‌ഫോണ്‍ ഈ രണ്ട് രാജ്യക്കാര്‍ക്ക് കൊടുക്കാനാവില്ലെന്നാണ് ആതിഥേയ രാഷ്ട്രമായ ദക്ഷിണ കൊറിയന്‍ നിലപാട്. ഇരുരാജ്യങ്ങള്‍ക്കുമെതിരേ നിലനില്‍ക്കുന്ന അന്താരാഷ്ട്ര ഉപരോധത്തിന്റെ പശ്ചാത്തലത്തിലാണ് തീരുമാനമെന്ന് പിയോംഗ് ചാംഗ് ഒളിംപിക്‌സ് സംഘാടകരെ ഉദ്ധരിച്ച് ഔദ്യോഗിക വാര്‍ത്താ ഏജന്‍സിയായ യോന്‍ഹാപ് റിപ്പോര്‍ട്ട് ചെയ്തു.
ഒളിംപിക്‌സ് താരങ്ങള്‍ക്കും അന്താരാഷ്ട്ര ഒളിംപിക് കമ്മിറ്റി ഉദ്യോഗസ്ഥര്‍ക്കും നല്‍കുന്നതിനായി നാലായിരത്തോളം ഗാലക്‌സി നോട്ട് 8 ഒളിംപിക് എഡിഷന്‍ സ്മാര്‍ട്ട്‌ഫോണുകളാണ് സാംസംഗ് ഇലക്ട്രോണിക്‌സ് വിതരണം ചെയ്യുന്നത്. എന്നാല്‍ 22 ഉത്തരകൊറിയന്‍ താരങ്ങള്‍ക്കും നാല് ഇറാനിയന്‍ താരങ്ങള്‍ക്കും നല്‍കില്ലെന്നാണ് കമ്പനി നിലപാട്. സ്മാര്‍ട്ട് ഫോണുകള്‍ സൈനിക ആവശ്യങ്ങള്‍ക്കായി ഉപയോഗിക്കാനിടയുണ്ടെന്നാണ് ഇതിന് അധികൃതര്‍ പറയുന്ന ന്യായം. ഈ രണ്ട് രാജ്യക്കാര്‍ക്ക് സ്മാര്‍ട്ട് ഫോണ്‍ പോലുള്ള ആഢംബര സാധനങ്ങള്‍ നല്‍കുന്നത് യു.എന്‍ ഉപരോധപ്രകാരം നിയമവിരുദ്ധമാണെന്നും അവര്‍ ചൂണ്ടിക്കാട്ടി.
എന്നാല്‍ തീരുമാനത്തിനെതിരേ ഇറാന്‍ പ്രതിഷേധവുമായി രംഗത്തെത്തിയിട്ടുണ്ട്. സാംസംഗ് ഉല്‍പ്പന്നങ്ങളുടെ മിഡിലീസ്റ്റിലെ സുപ്രധാന മാര്‍ക്കറ്റാണ് ഇറാന്‍. സാംസംഗിന്റെ സ്മാര്‍ട്ട് ഫോണുകള്‍ക്കു പുറമെ, വാഷിംഗ് മെഷീന്‍, ടെലിവിഷന്‍, എയര്‍ കണ്ടീഷണര്‍ തുടങ്ങിയവയ്ക്ക് ഇറാനില്‍ വന്‍ ഡിമാന്റാണ്. ഇറാനിലെ 51 ശതമാനം പേരും ഉപയോഗിക്കുന്നത് സൗത്ത് കൊറിയന്‍ ഉല്‍പന്നമായ സാംസംഗ് ഫോണാണെന്ന് ഇറാനിലെ ഏറ്റവും വലിയ ആന്‍ഡ്രോയിഡ് ആപ്ലിക്കേഷന്‍ മാര്‍ക്കറ്റായ കഫേ ബസാര്‍ ഈയിടെ പ്രസിദ്ധീകരിച്ച റിപ്പോര്‍ട്ടില്‍ വ്യക്താക്കിയിരുന്നു.
