തങ്ങളോട് കളിച്ചാൽ ഇങ്ങനെയിരിക്കും, മിസൈല് പരീക്ഷണവിജയം ആഘോഷമാക്കി ഉത്തരകൊറിയ
ലോകരാജ്യങ്ങൾക്കു മുമ്പിൽ ഉത്തരകൊറിയയുടെ ശക്തിയും മഹത്വവും മനസിലാക്കി കൊടുക്കാൻ ഉത്തരകൊറിയയുടെ ആണവ പരീക്ഷണത്തിന് കഴിഞ്ഞുവെന്നും അതിൽ തങ്ങൾ അഭിമാനിക്കുന്നുണ്ടെന്നും ജനങ്ങൾ പറയുന്നു.
സിയൂൾ: ബാലിസ്റ്റിക് മിസൈൽ പരീക്ഷണ വിജയം ആഘോഷിച്ച് ഉത്തരകൊറിയ. സംഘം ചേർന്ന് നൃത്തം ചെയ്യുകയും പടക്കം പൊട്ടിച്ചുമാണ് ഉത്തരകൊറിയൻ ജനങ്ങൾ മിസൈൽ പിരീക്ഷണത്തിന്റെ വിജയം ആഘോഷിക്കുന്നത്. ലോകരാജ്യങ്ങൾക്കു മുമ്പിൽ ഉത്തരകൊറിയയുടെ ശക്തിയും മഹത്വവും മനസിലാക്കി കൊടുക്കാൻ ഉത്തരകൊറിയയുടെ ആണവ പരീക്ഷണത്തിന് കഴിഞ്ഞുവെന്നും അതിൽ തങ്ങൾ അഭിമാനിക്കുന്നുണ്ടെന്നും ജനങ്ങൾ പറയുന്നു.
അമേരിക്കയെ പൂർണ്ണമായും നശിപ്പിക്കാൻ ശേഷിയുണ്ടെന്നു ഉത്തരകൊറിയ അവകാശപ്പെടുന്ന് ആണവമിസൈൽ ബുധനാഴ്ചയാണ് വിജയകരമായി പരീക്ഷിച്ചത്. ഉത്തരകൊറിയയ്ക്കെതിരെ അമേരിക്കയും യുഎന്നും ഉപരോധം ഏർപ്പെടുത്തിയിട്ടും അതൊന്നും പരിഗണിക്കാതെയായിരുന്നു പുതിയ പരീക്ഷണം. ഇതിനു പിന്നാലെ ഉത്തരകൊറിയയ്ക്കെതിരെ ശക്തമായ വിമർശനവുമായി അന്തരാഷ്ട്ര സമൂഹങ്ങൾ രംഗത്തെത്തിയിട്ടുണ്ട്.
ഇനിയൊരു യുദ്ധമുണ്ടായാൽ അതിനു കാരണം ഉത്തരകൊറിയ മാത്രമായിരിക്കുമെന്ന് അമേരിക്കൻ യുഎൻ പ്രതിനിധി നിക്കി ഹാലെ പറഞ്ഞു. യുദ്ധമുണ്ടായാൽ ഉത്തരകൊറിയൻ ഭരണകൂടത്തെ വേരോടെ നശിപ്പിക്കും. എന്നാൽ പ്രശ്നങ്ങൾ നയതന്ത്ര ചർച്ചയിലൂടെ പരിഹരിക്കാനാണ് തങ്ങൾ ആഗ്രഹിക്കുന്നതെന്നും ഹാലെ യുഎന്നിൽ പറഞ്ഞു.
Click it and Unblock the Notifications
Sign in with Google