യുഎസിൽ റസ്റ്റോറന്റിൽ വെടിവെയ്പ്: മൂന്ന് മരണം, നാല് പേർക്ക് പരിക്ക്, നഗ്നനായെത്തി വെടിയുതിർത്തു!
വാഷിംഗ്ടണ്: അമേരിക്കയിൽ റസ്റ്റേറന്റിലുണ്ടായ വെടിവെയ്പിൽ മൂന്ന് പേർ കൊല്ലപ്പെട്ടു. നാല് പേർക്ക് പരിക്കേൽക്കുകയും ചെയ്തിട്ടുണ്ട്. നാഷ് വില്ലയിലെ ഒരു റസ്റ്റോറന്റിലാണ് നഗ്നനായെത്തിയ അക്രമി വെടിയുതിർത്തത്. ടെന്നസി പോലീസിനെ ഉദ്ധരിച്ച് മാധ്യമങ്ങളാണ് ഇക്കാര്യം റിപ്പോര്ട്ട് ചെയ്യുന്നത്. പ്രാദേശിക സമയം പുലർച്ചെ 3.35നായിരുന്നു സംഭവമുണ്ടായത്. സംഭവത്തോടെ ഓടി രക്ഷപ്പെട്ട അക്രമിയെ പിടികൂടാനുള്ള നീക്കങ്ങളാണ് നാഷ് വില്ലെ പോലീസ് നടത്തിവരുന്നത്.
29കാരനായ ട്രാവിസ് റെയ്കിംഗാണ് അക്രമിയെന്ന് പോലീസ് തിരിച്ചറിഞ്ഞിട്ടുണ്ട്. റെയ്ക്കിംഗ് രജിസ്ട്രേഷനുള്ള വാഹനത്തിലാണ് രക്ഷപ്പെട്ടത്. നഗ്നനായെത്തിയ യുവാവ് റസ്റ്റോറന്റിലുണ്ടായിരുന്നവർക്കെതിരെ നിരത്തിവെടിവെക്കുകയായിരുന്നു. മൂന്നുപേര് സംഭവസ്ഥലത്തുവെച്ച് തന്നെ മരിക്കുകയായിരുന്നുവെന്നാണ് മാധ്യമറിപ്പോർട്ടുകൾ. കുറ്റവാളിയെ കണ്ടെത്താനുള്ള ശ്രമങ്ങള് പോലീസ് നടത്തിവരികയാണ്. അക്രമിയുടെ കയ്യിൽ നിന്ന് തോക്ക് പിടിച്ചുവാങ്ങിയെങ്കിലും അക്രമിയെ പിടികുടാൻ കഴിഞ്ഞിരുന്നില്ല.