ആപ്പിളും മൈക്രോസോഫ്റ്റും വീണു.. ലോകത്തിലെ ഏറ്റവും മൂല്യമുള്ള കമ്പനിയായി എന്വിഡിയ, വിപണിമൂല്യം ഇത്ര!
ലോകത്തിലെ ഏറ്റവും മൂല്യമുള്ള കമ്പനിയായി ചിപ്പ് നിര്മാതാക്കളായ എന്വിഡിയ. ചരിത്രത്തില് ആദ്യമായി 4 ട്രില്യണ് ഡോളര് വിപണി മൂല്യം നേടിയ ആദ്യത്തെ പൊതു കമ്പനിയായി എന്വിഡിയ മാറി. എഐ രംഗത്ത് ഉണ്ടായ കുതിച്ചുചാട്ടമാണ് എന്വിഡിയയുടെ നേട്ടത്തിന് ആധാരം. കുത്തകഭീമന്മാരായ ആപ്പിളിനും മൈക്രോസോഫ്റ്റിനും പോലും സാധിക്കാത്ത നേട്ടമാണ് എന്വിഡിയ നേടിയിരിക്കുന്നത്.
എന്വിഡിയയുടെ ഓഹരികള് ഏകദേശം 2.4% ഉയര്ന്ന് 164 ഡോളര് ആയി. ആര്ട്ടിഫിഷ്യല് ഇന്റലിജന്സ് സാങ്കേതികവിദ്യകള്ക്കുള്ള ഡിമാന്ഡില് തുടര്ച്ചയായ കുതിച്ചുചാട്ടമാണ് ലോകത്താകമാനം ഉണ്ടായിരിക്കുന്നത്. ആര്ട്ടിഫിഷ്യല് ഇന്റലിജന്സ് ഉല്പ്പന്നങ്ങള് നിര്മ്മിക്കുന്നതില് എന്വിഡിയയുടെ ചിപ്പുകളും അനുബന്ധ സോഫ്റ്റ്വെയറുകളും ലോകത്തിലെ തന്നെ മുന്നിരക്കാരായാണ് കണക്കാക്കപ്പെടുന്നത്.
2023 ജൂണില് ആണ് എന്വിഡിയ ആദ്യമായി 1 ട്രില്യണ് ഡോളര് വിപണി മൂല്യം കൈവരിച്ചത്. ഏകദേശം ഒരു വര്ഷത്തിനുള്ളില് മൂന്നിരട്ടിയിലധികം വിപണി മൂല്യം വര്ദ്ധിച്ചതോടെ കമ്പനി വലിയ കുതിച്ചുചാട്ടമാണ് നടത്തിയിരിക്കുന്നത്. 3 ട്രില്യണ് ഡോളറില് കൂടുതല് വിപണി മൂല്യമുള്ള മറ്റ് യുഎസ് സ്ഥാപനങ്ങളായ ആപ്പിളിനെയും മൈക്രോസോഫ്റ്റിനെയും അപേക്ഷിച്ച് വളരെ വേഗത്തിലാണ് ഇത്.
2022 ല് 3 ട്രില്യണ് ഡോളര് മൂല്യത്തിലെത്തിയ ആദ്യ കമ്പനിയാണ് ആപ്പിള്. ഏകദേശം 3.75 ട്രില്യണ് ഡോളര് വിപണി മൂല്യമുള്ള യുഎസിലെ രണ്ടാമത്തെ വലിയ കമ്പനിയാണ് മൈക്രോസോഫ്റ്റ്. വാള്സ്ട്രീറ്റിന്റെ ബെഞ്ച്മാര്ക്ക് ഓഹരി സൂചികയായ എസ് & പി 500 ന്റെ മൊത്തം 7.3% ന് തുല്യമാണ് എന്വിഡിയയുടെ മൂല്യം. ആപ്പിളും മൈക്രോസോഫ്റ്റും യഥാക്രമം ഏകദേശം 7% ഉം 6% ഉം ആണ്.
ഡൊണാള്ഡ് ട്രംപിന്റെ താരിഫ് യുദ്ധം ആഗോള വിപണികളെ പിടിച്ചുകുലുക്കിയ ഏപ്രിലിലെ ഏറ്റവും താഴ്ന്ന നിരക്കുകളില് നിന്ന് എന്വിഡിയ ഏകദേശം 74% തിരിച്ചുപിടിച്ചു. യുഎസ് കയറ്റുമതി നിയന്ത്രണങ്ങള് എന്വിഡിയയെ ചൈനയ്ക്ക് അവരുടെ ഏറ്റവും നൂതനമായ ചിപ്പുകള് വില്ക്കുന്നതില് നിന്ന് വിലക്കുന്നു. അതേസമയം കമ്പനി ഈ നിയന്ത്രണം പിന്വലിച്ചു. എന്നാല് യുഎസുമായി കരാറുകളില് ഏര്പ്പെടുന്ന വ്യാപാര പങ്കാളികളെക്കുറിച്ചുള്ള ശുഭാപ്തിവിശ്വാസം ഓഹരികള് ഉയര്ത്തി.
ഇതോടെ എസ് & പി 500 എക്കാലത്തെയും ഉയര്ന്ന നിലയിലെത്തി. അതിനിടെ വെഡ്ബുഷിലെ ടെക് അനലിസ്റ്റായ ഡാനിയല് ഐവ്സ്, 4 ട്രില്യണ് ഡോളര് മൂല്യമുള്ള മാര്ക്കറ്റ് ക്ലബ്ബില് കൂടുതല് വലിയ ടെക് ഭീമന്മാര് എന്വിഡിയയിലേക്ക് വരുമെന്ന് പ്രവചിച്ചു. മൈക്രോസോഫ്റ്റ് അധികം വൈകാതെ 4 ട്രില്യണ് ഡോളര് എത്തും. അടുത്ത 18 മാസത്തിനുള്ളില് ടെക് ഭീമന്മാര് ശ്രദ്ധ കേന്ദ്രീകരിക്കുന്നത് 5 ട്രില്യണ് ഡോളറിലായിരിക്കും എന്നും അദ്ദേഹം പ്രവചിച്ചു.
Click it and Unblock the Notifications
Sign in with Google