നീന്തല് താരം ഇയാന് തോര്പ്പ് സ്വവര്ഗ്ഗരതിക്കാരന്?
സിഡ്നി: നീന്തല് രംഗത്തെ ഇതിഹാസ താരമായ ഇയാന് തോര്പ്പ് ഒരു സ്വവര്ഗ്ഗ രതിക്കാരനാണോ... ആണെന്നാണ് റിപ്പോര്ട്ടുകള് പറയുന്നത്. ഓസ്ട്രേലിയയിലെ ഒരു ടെലിവിഷന് ചാനലിന് നല്കിയ അഭ്മുഖത്തില് തോര്പ്പ് തന്റെ ലൈംഗിക താത്പര്യം തോര്പ് വ്യക്തമാക്കിയതത്രെ. അഭിമുഖം ഇതുവരെ സംപ്രേഷണം ചെയ്തിട്ടില്ല.
നീന്തലില് അഞ്ച് ഒളിംപിക്സ് സ്വര്ണമെഡല് ജേതാവാണ് ഇയാന് തോര്പ്. മൂന്ന് വെളിമെഡലുകളും ഒരു വെങ്കലവും തോര്പ്പിന്റെ ഒളിംപിക് അക്കൗണ്ടിലുണ്ട്. കൂടാതെ 22 ലോക റെക്കോര്ഡുകളും.
നീന്തല് കുളത്തിലെ സുന്ദരനായ തോര്പ്പിന്റെ ലൈംഗികതയെക്കുറിച്ച് ഏറെ ഊഹാപോഹങ്ങളാണ് പടര്ന്നിരുന്നത്. എന്നാല് 2012 ല് പ്രസിദ്ധീകരിച്ച ആത്മകഥയില് താനൊരു സാധാരണ മനുഷ്യനാണെന്ന് തോര്പ് വ്യക്തമാക്കുന്നുണ്ട്. സ്ത്രീകളോടാണ് തനിക്ക് താത്പര്യമെന്നും കുടുംബവും കുട്ടികളുമൊക്കെ വേണമെന്നും ആത്മകഥയില് തോര്പ് എഴുതിയിരുന്നു.
31 കാരനായ തോര്പ്പ് 2012 ല് ആണ് നീന്തലില് നിന്ന് വിരമിച്ചത്. ആത്മകഥയില് കാര്യങ്ങളൊക്കെ പറഞ്ഞിരുന്നെങ്കിലും ആരാധകരുടെ സംശയങ്ങള് മാറിയിരുന്നില്ല.
സണ്ഡെ ടെലഗ്രാഫ് ആണ് തോര്പ്പിനെ സംബന്ധിച്ച് ഇപ്പോഴത്തെ വാര്ത്ത പുറത്ത് വിട്ടിരിക്കുന്നത്. ഓസ്ട്രേലിയയിലെ ചാനല് 10 എന്ന ചാനലിലാണ് അഭിമുഖം സംപ്രേഷണം ചെയ്യുക.