ഉരുളക്കിഴങ്ങില് പേരെഴുതി അയച്ചാല് നേടാം ആറ് ലക്ഷം രൂപ വരെ
ഉരുളക്കിഴങ്ങ് ബിസിനസ് വ്യത്യസ്ത രീതിയിലും നടത്താം. ഉരുളക്കിഴങ്ങില് പേരെഴുതി അയച്ചു കൊടുത്ത് ലക്ഷങ്ങള് വാങ്ങുന്ന യുവാവിനെക്കുറിച്ച് നിങ്ങള് കേട്ടിട്ടുണ്ടോ..? ഉരുളക്കിഴങ്ങ് കൊണ്ട് പല വിഭവങ്ങളും ഉണ്ടാക്കാം, ഇതുമാത്രമാണോ ഇതിനെ കൊണ്ട് ചെയ്യാന് കഴിയുക. അല്ല..എന്നു തെളിയിച്ചിരിക്കുകയാണ് അലെക്സ് ക്രേഗ് എന്ന 24കാരന്.
വെറും പച്ച ഉരുളക്കിഴങ്ങ് അയച്ച് ലക്ഷങ്ങള് സമ്പാദിക്കുന്ന അലെക്സിന്റെ ബിസിനസ് അത്ഭുതകരം തന്നെ. വ്യത്യസ്തമായ ആശയം ഉണ്ടെങ്കില് ഇതെല്ല, ഇതിലപ്പുറവും നേടാന് കഴിയുമെന്നാണ് ഇയാള് കാണിച്ചു തരുന്നത്.
ഇപ്പോള്,വിദേശ രാജ്യങ്ങളില് തരംഗമായിരിക്കുന്നത് ഉരുളക്കിഴങ്ങ് മെസേജാണ്. മെസേജുകള് ഉരുളക്കിഴങ്ങില് എഴുതി അയച്ചു കൊടുത്താല് മാത്രം മതി. ഇങ്ങനെയൊരു ആശയം മനസ്സില് തോന്നിയപ്പോള് അലെക്സ് എന്ന ചെറുപ്പക്കാരന് ആദ്യം പറഞ്ഞത് തന്റെ പ്രണയിനിയോടാണ്. എന്നാല് ഇതുകേട്ട എല്ലാവരും അലെക്സിനെ പരിഹാസത്തോടെ നോക്കുകയും ചിരിച്ചു തള്ളുകയുമാണ് ഉണ്ടായത്.
എന്നാല്, ഇങ്ങനെയൊരു ബിസിനസുമായി മുന്നോട്ട് പോകാനായിരുന്നു അലെക്സ് തീരുമാനിച്ചത്. പിന്നീട് അലെക്സ് റെഡ്ഡിറ്റ് പോലുള്ള ഓണ്ലൈന് സൈറ്റുകളില് പരസ്യം നല്കി. പരസ്യം നല്കി രണ്ടാം ദിവസം തന്നെ ആളുകള് ഓര്ഡര് ചെയ്തു തുടങ്ങി. പിന്നീട് ഈ ബിസിനസ് ക്ലിക്ക് ആയതോടെ ലക്ഷങ്ങള് അലെക്സിനെ തേടിയെത്തി.
നിങ്ങളുടെ വിലാസവും എന്ത് മെസേജാണ് നിങ്ങള്ക്ക് വേണ്ടതെന്നും ഇവരുടെ സൈറ്റില് പോയി ടൈപ്പ് ചെയ്ത് അയക്കുക. പത്ത് ഡോളറോളമാകും ഒരു ഉരുളക്കിഴങ്ങ് പാഴ്സല് അയയ്ക്കാന്. ഇവരുടെ സൈറ്റ് കാണാന് ഇവിടെ ക്ലിക്ക് ചെയ്യുക.