കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മികച്ച ചിത്രത്തിനുള്ള ഓസ്കാർ പുരസ്കാരം ഗ്രീൻ ബുക്കിന്; റാമി മാലിക് മികച്ച നടൻ, ഒലീവിയ മികച്ച നടി

Google Oneindia Malayalam News

മികച്ച ചിത്രത്തിനുള്ള 91-ാമത് ഓസ്കാർ പുരസ്കാരം ഗ്രീൻ ബുക്കിന്. ബെഹീമിയൻ റാപ്സഡിയിലെ പുരസ്കാരത്തിന് റമി മാലെക് മികച്ച നടനുള്ള പുരസ്കാരം സ്വന്തമാക്കി. ഒലിവിയ കോൾമാനാണ് മികച്ച നടി. ദി ഫേവ്റൈറ്റിലെ അഭിനയത്തിനാണ് ഒലിവിയ പുരസ്കാരം സ്വന്തമാക്കിയത്. മെക്സിക്കൻ ചിത്രം റോമയിലൂടെ അൽഫോൺസോ ക്വാറോൺ മികച്ച സംവിധായകനും , ഛായാഗ്രഹാകനുമുള്ള പുരസ്കാരം സ്വന്തമാക്കി.

നാല് പുരസ്കാരങ്ങൾ സ്വന്തമാക്കിയ ബെഹീമിയൻ റാപ്സഡിയാണ് ഓസ്കാർ വേദിയിൽ താരമായത്. മികച്ച നടന് പുറമെ ചിത്രസംയോജനം, ശബ്ദലേഖനം, ശബ്ദമിശ്രണം എന്നിവയ്ക്കുള്ള പുരസ്കാരങ്ങളും ചിത്രം സ്വന്തമാക്കി. ബ്ലാക്ക് പാന്തറും റോമയും മൂന്ന് പുരസ്കാരങ്ങൾ വീതം നേടി.

oscar

ഉത്തർപ്രദേശിലെ സ്ത്രീജീവിതങ്ങളുടെ കഥ പറയുന്ന പീരിഡ്, എന്റ് ഓഫ് സെന്റൻസ് മികച്ച ഹ്രസ്വ ഡോക്യുമെന്ററിക്കുള്ള പുരസ്കാരം നേടി. റെജീന കിംഗാണ് മികച്ച സഹനടി. ഇഫ് ബിൽ സ്ട്രീറ്റ് കുഡ് ടോക്ക് എന്ന ചിത്രത്തിലെ പ്രകടനത്തിനാണ് പുരസ്കാരം. ഗ്രീൻ ബുക്കിലൂടെ മഹേർഷല അലി മികച്ച സഹനടനുള്ള പുരസ്കാരം സ്വന്തമാക്കി.

മികച്ച വസ്ത്രാലങ്കാരം, ഒറിജിനൽ സ്കോർ, പ്രൊഡക്ഷൻ ഡിസൈൻ എന്നിവയുൾപ്പെടെ 3 പുരസ്കാരങ്ങളാണ് ബ്ലാക്ക് പാന്തർ നേടിയത്. സ്പൈഡർമാൻ: ഇന്റൂ ദി സ്പൈഡർ വേഴ്സ് എന്ന ചിത്രം മികച്ച ആനിമേറ്റഡ് ഫീച്ചർ ഫിലിമിനുള്ള പുരസ്കാരം സ്വന്തമാക്കി.

മികച്ച വിദേശ ഭാഷാ ചിത്രത്തിനുൾപ്പെടെ 3 അവാർഡുകളാണ് റോമയ്ക്ക് ലഭിച്ചത്. ചമയം , കേശാലങ്കാരം എന്നിവയ്ക്കുള്ള ഓസ്കാർ പുരസ്കാരം വൈസ് സ്വന്തമാക്കി. ഫസ്റ്റ് മാൻ മികച്ച വിഷ്യൽ ഇഫക്ടിനുള്ള പുരസ്കാരം നേടി. ഫീച്ചർ വിഭാഗത്തിലെ മികച്ച ഡോക്യുമെന്ററിയായി ഫ്രീ സോളോ തിര‍ഞ്ഞെടുക്കപ്പെട്ടു.

English summary
91st oscar awards winners. green book is the best film.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X