Click it and Unblock the Notifications
Just In
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഹോളിവുഡിലെ പീഡന കഥകള്‍ അവസാനിക്കുന്നില്ല, ഓസ്‌കര്‍ അക്കാദമി ചീഫ് ജോണ്‍ ബെയ്‌ലിയും കുരുക്കില്‍!
ഹോളിവുഡിലെ പ്രമുഖ ക്യാമറാമാന്‍ കൂടിയാണ് ബെയ്‌ലി
ലോസ് ആഞ്ചല്‍സ്: ഹോളിവുഡില്‍ വമ്പന്‍മാര്‍ക്കെതിരെയുള്ള പീഡന കഥകള്‍ നിത്യേന പുറത്തുവന്നുകൊണ്ടിരിക്കുകയാണ്. പ്രമുഖ നിര്‍മാതാവ് ഹാര്‍വി വെയ്ന്‍സ്റ്റീനെതിരെ പ്രമുഖ നടിമാര്‍ അടക്കമുള്ളവര്‍ പീഡന ആരോപണവുമായി രംഗത്തെത്തിയിരുന്നു. അതൊന്നും നിഷേധിക്കാനും അദ്ദേഹം നിന്നിരുന്നില്ല. പിന്നീട് പല നടന്‍മാര്‍ക്കെതിരെയും നിര്‍മാതാക്കാള്‍ക്കെതിരെയും ഇത്തരം ആരോപണങ്ങള്‍ വന്നിരുന്നു. ഇപ്പോഴിതാ വിശ്വവിഖ്യാത ഓസ്‌കര്‍ അക്കാദമിയുടെ ചെയര്‍മാന്‍ ജോണ്‍ ബെയ്‌ലി തന്നെ ലൈംഗിക പീഡന കുരുക്കില്‍പ്പെട്ടിരിക്കുകയാണ്.
മൂന്നു പേരാണ് അദ്ദേഹം പീഡിപ്പിച്ചു എന്ന് വെളിപ്പെടുത്തിയിരിക്കുന്നത്. അതേസമയം ഓസ്‌കര്‍ അക്കാദമി പീഡന പരമ്പരകള്‍ നിരന്തരം പുറത്തുവരുന്ന പശ്ചാത്തലത്തില്‍ നേരത്തെ പുതിയ മാര്‍ഗനിര്‍ദേശങ്ങള്‍ കൊണ്ടുവന്നിരുന്നു. അതിന് ശേഷം വരുന്ന ആദ്യ പരാതിയാണിത്. ഹോളിവുഡിലെ പ്രമുഖ ക്യാമറാമാന്‍ കൂടിയാണ് ബെയ്‌ലി. എന്നാല്‍ വിഷയത്തോട് ഇതുവരെ അദ്ദേഹം പ്രതികരിച്ചിട്ടില്ല. അതേസമയം പരാതികളെല്ലാം അക്കാദമി പരിശോധിച്ചു കൊണ്ടിരിക്കുകയാണ്. ഇതില്‍ സത്യമുണ്ടെന്ന് കണ്ടെത്തിയാല്‍ നടപടിയെടുക്കുമെന്നാണ് അക്കാദമി നല്‍കുന്ന സൂചന.
അമേരിക്കന്‍ സൊസൈറ്റി ഓഫ് സിനിമാറ്റോഗ്രാഫേഴ്‌സിന്റെ ആജീവനാന്ത പുരസ്‌കാരം ലഭിച്ച ക്യാമറാമാനാണ് ബെയ്‌ലി. അമേരിക്കന്‍ ഗിഗോലോ, ദ ബിഗ് ചില്‍, ഗ്രൗണ്ട്‌ഹോഗ് ഡേ എന്നിവ അദ്ദേഹത്തിന്റെ പ്രശസ്ത ചിത്രങ്ങളാണ്. ഇപ്പോള്‍ കിട്ടിയ പരാതി ബെയ്‌ലിക്കെതിരെയാണെന്ന് സ്ഥിരീകരിക്കാന്‍ ഓസ്‌കര്‍ അക്കാദമി തയ്യാറായിട്ടില്ല. എന്നാല്‍ ആരോപണങ്ങളെ തുടര്‍ന്ന് ബെയ്‌ലി രാജിവെക്കുകയാണെങ്കില്‍ മേക്കപ്പ് ആര്‍ട്ടിസ്റ്റായ ലൂയിസ് ബര്‍വെല്‍ ഓസ്‌കര്‍ അക്കാദമി പ്രസിഡന്റാവും. നിലവില്‍ ബര്‍വെല്ലാണ് വൈസ് പ്രസിഡന്റ്.
