തിരഞ്ഞെടുപ്പിനിടെ യുഎസിൽ കൊവിഡ് രോഗികൾ 90 ലക്ഷം കടന്നു; ഇന്ത്യയിൽ 80 ലക്ഷത്തിന് അടുത്ത് കേസുകൾ
വാഷിംഗ്ടണ്: തിരഞ്ഞെടുപ്പ് പ്രചരങ്ങള് ശക്തമായി നടക്കുന്നതിനിടെയിലും അമേരിക്കയില് കൊവിഡ് രോഗികളുടെ എണ്ണത്തില് വീണ്ടും വര്ദ്ധനവുണ്ടാകുന്നു. ഇതുവരെ പുറത്തുവന്ന കണക്ക് പ്രകാരം അമേരിക്കയില് ആകെ രോഗം സ്ഥിരീകരിച്ചവരുടെ എണ്ണം 90 ലക്ഷം കടന്നു. 90,380,30 പേര്ക്കാണ് ഇവിടെ രോഗം സ്ഥിരീകരിച്ചത്. ഇവരില് 2,32,084 പേര്ക്കാണ് അമേരിക്കയില് കൊവിഡ് ബാധിച്ച് മരിച്ചിരിക്കുന്നത്.1039 പേരും കഴിഞ്ഞ ദിവസം മാത്രം മരിച്ചതാണ്. ഇതുവരെ 5,877,964 പേരാണ് അമേരിക്കയില് നിന്ന് കൊവിഡ് മുക്തി നേടിയത്.
അതേസമയം, ഇന്ത്യയില് കൊവിഡ് രോഗികളുടെ എണ്ണം പ്രതിദിനം കുറയുകയാണ്. കഴിഞ്ഞ 24 മണിക്കൂറില് രാജ്യത്ത് ആകെ 43,893 പേര്ക്കാണ് കൊവിഡ് സ്ഥിരീകരിച്ചത് ഇതോടെ ഇന്ത്യയില് ആകെ രോഗികളുടെ എണ്ണം 80 ലക്ഷത്തിന് അടുത്തെത്തിയിരിക്കുകയാണ്. ഏറ്റവും അവസാനമായി പുറത്തുവന്ന കണക്ക് പ്രകാരം ഇന്ത്യയില് 79,90,322 പേര്ക്കാണ് രോഗം ബാധിച്ചത്. ഇവരില് 6,10,803 പേര് ഇപ്പോഴും ആശുപത്രിയില് തുടരുകയാണ്. 72,59,509 പേരാണ് ഇന്ത്യയില് നിന്ന് രോഗമുക്തി നേടിയത്.
രാജ്യത്ത് കഴിഞ്ഞ 24 മണിക്കൂറില് ആകെ 1,20,010 പേര്ക്കാണ് കൊവിഡ് ബാധിച്ച് ജീവന് നഷ്ടമായത്. കഴിഞ്ഞ 24 മണിക്കൂറില് മാത്രം 508 പേര് മരണപ്പെട്ടു. അതേസമയം, രാജ്യത്ത് രോഗമുക്തി നേടുന്നവരുടെ എണ്ണത്തില് വലിയ വര്ദ്ധനവ് രേഖപ്പെടുത്തുന്നത് ഇന്ത്യയ്ക്ക് ആശ്വാസമാണ്. ഇന്ത്യയില് ഏറ്റവും കൂടുതല് പേര്ക്ക് രോഗം സ്ഥിരീകരിച്ച സംസ്ഥാനങ്ങളില് ഒന്നാണ് മഹാരാഷ്ട്ര. ഇതുവരെ 16,54,028 പേര്ക്കാണ് മഹാരാഷ്ട്രയില് രോഗം ബാധിച്ചിരിക്കുന്നത്.
Click it and Unblock the Notifications
Sign in with Google