കോവിഡ് വാക്സിന് ഉല്പ്പാദനത്തിന് പിഴവുകള്, സംശയമുയര്ത്തി ഓക്സ്ഫോര്ഡിന്റെ പരീക്ഷണ ഫലങ്ങള്
ലണ്ടന്: ഓക്സ്ഫോര്ഡിന്റെയും ആസ്ട്രാ സെനക്കയുടെയും കോവിഡ് വാക്സിനെ ചൊല്ലി ആഗോള തലത്തില് സംശയങ്ങള്. കഴിഞ്ഞ ദിവസം നിര്മാണത്തില് ചില പിഴവുകള് ഉണ്ടെന്ന് ഓക്സ്ഫോര്ഡ് കഴിഞ്ഞ ദിവസം പറഞ്ഞിരുന്നു. ഇതോടെ കോവിഡ് വാക്സിന് പരീക്ഷണങ്ങള് ഫലപ്രദമായിരുന്നോ എന്ന ചോദ്യമാണ് ഉയരുന്നത്. ദിവസങ്ങള്ക്ക് മുമ്പ് വാക്സിന് വലിയ തോതില് വിജയകരമാണെന്ന് ഓക്സ്ഫോര്ഡ് അവകാശപ്പെട്ടിരുന്നു. അതേസമയം തന്നെ ചിലയാളുകള്ക്ക് വേണ്ട വിധത്തില് വാക്സിന് ലഭിച്ചില്ലെന്ന കാര്യം ആസ്ട്രാ സെനെക്ക വെളിപ്പെടുത്തിയിരുന്നില്ല.
അതേസമയം ചിലര്ക്ക് കുറഞ്ഞ ഡോസ് നല്കിയാണ് സംശയങ്ങള് വര്ധിക്കാന് കാരണം. ഇവര്ക്ക് സാധാരണ രണ്ട് ഫുള് ഡോസുകള് ലഭിച്ചവരേക്കാള് കൂടുതല് സംരക്ഷണം ലഭിച്ചിരുന്നുവെന്നാണ് കണ്ടെത്തല്. ഇത് ഗുരുതര വീഴ്ച്ച കൂടിയാണ്. കുറഞ്ഞ ഡോസ് ലഭിച്ചവരില് 90 ശതമാനം വാക്സിന് വിജയിച്ചിരുന്നു. എന്നാല് രണ്ട് ഡോസ് മുഴുവനായും ലഭിച്ചവരില് വെറും 62 ശതമാനം മാത്രമാണ് വാക്സിന് ഫലിച്ചത്. മൊത്തം 70 ശതമാനത്തോളം ഇഫക്ടീവാണ് വാക്സിനെന്ന് ഇവര് രേഖപ്പെടുത്തിയിരുന്നു. ദിവസങ്ങള്ക്ക് മുമ്പ് വാക്സിന് പലരിലുമായി പരീക്ഷിക്കാന് തീരുമാനിച്ചിരുന്നു.
അതേസമയം എല്ലാവിധ സുരക്ഷയും പാലിച്ച് തന്നെ പരീക്ഷണം നടത്തുമെന്നും ഓക്സ്ഫോര്ഡ് പറഞ്ഞിരുന്നു. ഇതിന് ശേഷമാണ് ഓക്സ്ഫോര്ഡ് പരീക്ഷണം നടത്തി വിശദീകരിച്ചത്. ചിലതില് പ്രശ്നങ്ങള് ഉള്ളത് കൊണ്ട് പകുതി ഡോസാണ് നല്കിയതെന്നും ഓക്സ്ഫോര്ഡ് പറഞ്ഞിരുന്നു. രണ്ട് ഗ്രൂപ്പുകളിലായി പരീക്ഷണം നടത്താണെന്നും, നിര്മാണത്തിലെ പിഴവുകള് പരിഹരിച്ചതായും ഓക്സ്ഫോര്ഡ് പിന്നീട് അറിയിച്ചു. എന്നാല് കുറഞ്ഞ ഡോസ് കുറഞ്ഞ പേരില് പരീക്ഷിക്കുന്നത് കൊണ്ട് ഇത് എത്രത്തോളം ഗുണം ചെയ്യുമെന്ന് അറിയില്ലെന്നാണ് ആരോഗ്യ മേഖലയിലെ വിദഗ്ധര് പറയുന്നത്.
Recommended Video
8895 പേര്ക്കാണ് ഫുള് ഡോസ് നല്കിയിരിക്കുന്നത്. ലോ ഡോസ് 2741 പേര്ക്കും നല്കി. എന്നാല് കുറഞ്ഞ ഡോസ് നല്കിയവരില് ഒരാള് പോലും 55 വയസ്സിന് മുകളില് പ്രായമുള്ളവരില്ല. യുവാക്കളില് പ്രതിരോധ ശക്തി കൂടുമെന്ന് നേരത്തെ തെളിഞ്ഞത്. അതേസമയം യുവാക്കളായത് കൊണ്ടാണ് മരുന്ന് ഫലിച്ചതെന്നും, അല്ലാതെ ആസ്ട്രാസെനെക്കയുടെ മരുന്ന് കാരണമല്ലെന്നും വിദ്ഗ്ധര് പറയുന്നു.