കൂട്ടുകാരന്റെ മൃതദേഹത്തിനൊപ്പം സെല്‍ഫി: രണ്ട് പേര്‍ അറസ്റ്റില്‍

മിസോറി: വ്യത്യസ്തമായ സെല്‍ഫികള്‍ എടുത്ത് ഫേസ്ബുക്കില്‍ പോസ്റ്റ് ചെയ്യുമ്പോഴാണ് ലൈക്കുകള്‍ കൂടുന്നത്. പാമ്പിനൊപ്പം നിന്ന് സെല്‍ഫി എടുത്ത് മരിച്ചവരും ട്രെയിനിന്റെ എജിനില്‍ കയറി നിന്ന് സെല്‍ഫി എടുക്കാന്‍ ശ്രമിച്ച് മരിച്ചവരും ലോക ഫേസ്ബുക്ക് ചരിത്രത്തില്‍ ഇടം നേടിക്കഴിഞ്ഞു.

ഇവിടെയിതാ മറ്റൊരു വ്യത്യസ്തമായ സെല്‍ഫിയുടെ കഥ. സുഹൃത്തിന്റെ മൃതദേഹത്തിനൊപ്പം നിന്ന് സെല്‍ഫി എടുത്ത് ഫേസ്ബുക്കില്‍ പോസ്റ്റ് ചെയ്ത രണ്ടുപേരെ പൊലീസ് അറസ്റ്റ് ചെയ്തു.

തെക്കു പടിഞ്ഞാറന്‍ മിസോറിലാണ് സംഭവം. അമിത ലഹരി ഉപയോഗമൂലം മരിച്ച ഡെന്നീസ് നതാന്‍ എന്ന യുവാവിന്റെ മൃതദേഹത്തിനൊപ്പം നിന്നാണ് കൂട്ടുകാര്‍ സെല്‍ഫി എടുത്തത്. സംഭവവുമായി ബന്ധപ്പെട്ട് ചെല്‍സി ബെറി, ജെറാഡ് പ്രിയര്‍ എന്നിവര്‍ക്കെതിരെയാണ് പൊലീസ് കേസെടുത്തിരിക്കുന്നത്.

ഡെന്നീസിനൊപ്പം രാത്രി പുറത്തു പോകുകയും അമിത ലഹരി ഉപയോഗിച്ച ഇയാള്‍ വിചിത്രമായി പെരുമാറാനും തുടങ്ങി. തുടര്‍ന്ന് സുഹൃത്തായ ജെറാഡ് പ്രിയറെ ഫോണില്‍ വിളിച്ചു വരുത്തുകയായിരുന്നുവെന്ന് ചെല്‍സി ബെറി പൊലീസിനോട് പറഞ്ഞു.

അപ്പോഴേക്കും ഡെന്നീസ് മരിച്ചിരുന്നു. എന്നാല്‍ ഇക്കാര്യം പുറത്ത് പറയാന്‍ ഭയന്ന ഇരുവരും ഡെന്നീസിന്റെ മൃതദേഹത്തിനൊപ്പം നിന്ന് ഫോട്ടോ എടുത്ത് ഫേസ്ബുക്കില്‍ പോസ്റ്റ് ചെയ്യുകയായിരുന്നത്രെ.

English summary

Pair Took Selfie With Dead Friend, Dumped Body: Cops