ഇന്ത്യൻ ഗാനത്തിനൊപ്പം ചുണ്ടനക്കിയ പാക് യുവതിക്കെതിരെ നടപടി; പെരുമാറ്റച്ചട്ടം ലംഘിച്ചെന്ന്....
ലാഹോർ: ഇന്ത്യൻ ഗാനത്തിനൊപ്പം ചുണ്ടനിക്കിയ പാകിസ്ഥാൻ യുവതിക്കെതിരെ നടപടി. പാകിസ്ഥാൻ എയർപോർട്ട് സുരക്ഷാ സേനയാണ് സിയാൽകോട് വിമാനത്താവള ജീവനക്കാരായിയായ യുവതിയിൽ നിന്നും പിഴയീടാക്കിയത്.
പാകിസ്ഥാൻ പതാകയുടെ ചിത്രമുള്ള തൊപ്പി ധരിച്ച് ഇന്ത്യൻ ഗാനത്തിനൊപ്പം ചുണ്ടനക്കിയതിനാണ് യുവതിക്കെതിരെ നടപടി സ്വീകരിച്ചത്. യുവതിയുടേത് പെരുമാറ്റചട്ടലംഘനമാണെന്നാണ് കണ്ടെത്തിയിരിക്കുന്നത്.
ഇന്ത്യൻ ഗാനത്തിനൊപ്പം ചുണ്ടനക്കുന്ന യുവതിയുടെ വീഡിയോ സമൂഹമാധ്യമങ്ങളിൽ വൈറലായിരുന്നു. തുടർന്ന് അധികൃതര് സംഭവത്തേക്കുറിച്ച് അന്വേഷണത്തിന് ഉത്തരവിടുകയായിരുന്നു.
പെരുമാറ്റചട്ടലംഘനം നടത്തിയതിനെ തുടർന്ന് 25കാരിയായ യുവതിക്ക് രണ്ട് വർഷത്തേയ്ക്ക് ശമ്പള വർദ്ധനവും മറ്റ് ആനൂകൂല്യങ്ങളും നിഷേധിച്ചിരിക്കുകയാണ്.
Eva zu Beck from Poland/England is a Global Citizen travelling around the world, but now her heart is set on Pakistan! She has been exploring Pakistan flying #PIA. She will be celebrating Independence Day in a style never before attempted in the world! Stay tuned for updates. pic.twitter.com/jrwezOJBzw
— PIA (@Official_PIA) August 12, 2018
പാകിസ്ഥാന്റെ സ്വാതന്ത്ര്യദിനത്തിൽ പാക് വിമാനത്തിൽ യാത്ര ചെയ്ത പോളണ്ട് സ്വദേശിനിയായ യുവതി ഡാൻസ് ചെയ്യുന്ന വീഡിയോയും വൈറലായിരുന്നു. പാക് പതാക പുതച്ചായിരുന്നു യുവതിയുടെ ഡാൻസ്. പാക് ഇന്റർനാഷണൽ എയർലൈൻസ് ഇത് തങ്ങളുടെ ഔദ്യോഗിക ട്വിറ്റർ പേജിൽ ചിത്രം പങ്കുവച്ചതോടെ സംഭവം വിവാദമായി. നാഷണൽ അക്കൗണ്ടബിളിറ്റി ബ്യൂറോ സംഭവത്തിൽ അന്വേഷണം നടത്തിവരികയാണ്.