'വിശ്വാസം ഇമ്രാൻ ഖാനൊപ്പം' പാക് പാർലമെന്റിൽ ഭൂരിപക്ഷം ഖാനെന്ന് പാക് മാധ്യമങ്ങൾ

ഇസ്ലാമാബാദ്: വിശ്വവോട്ടെടുപ്പിൽ വിജയിക്കുമെന്ന ആത്മവിശ്വാസത്തിൽ പാക് പ്രധാനമന്ത്രി ഇമ്രാൻ ഖാന് ഭൂരിപക്ഷം. വിശ്വാസ വോട്ടെടുപ്പിൽ ഭൂരിപക്ഷം ലഭിക്കുമെന്ന് ആത്മവിശ്വാസമുണ്ടെന്ന് ഇമ്രാൻ വ്യക്തമാക്കിയിരുന്നു. ഇതിന് പിന്നാലെയാണ് വോട്ടെടുപ്പ് അനുകൂലമാകുന്നത്. പാക് മാധ്യമങ്ങളാണ് ഇക്കാര്യം റിപ്പോർട്ട് ചെയ്തിട്ടുള്ളത്. ഇമ്രാൻ ഖാനെതിരെ വോട്ട് ചെയ്യുന്ന വിമതരെ അയോഗ്യരാക്കുമെന്ന് ഭരണകക്ഷി പ്രഖ്യാപിക്കുകയും ചെയ്തിട്ടുണ്ട്. ശനിയാഴ്ച പാക് പാർലമെന്റിലാണ് വോട്ടെടുപ്പ്. ബുധനാഴ്ച നടന്ന സെനറ്റ് തിരഞ്ഞെടുപ്പിൽ ധനമന്ത്രി അബ്ദുൽ ഹഫീസ് ഷെയ്ഖിനെ പരാജയപ്പെടുത്തിയിരുന്നു.

ഇതോടടെയാണ് 68 കാരനായ ഖാൻ പാർലമെന്റിന്റെ കീഴ്സഭയിൽ വിശ്വാസവോട്ടെടുപ്പ് നടത്താനുള്ള തീരുമാനം. പരാജയപ്പെട്ടതോടെ ധനകാര്യമന്ത്രി പ്രധാനമന്ത്രി രാജിവയ്ക്കണമെന്ന് പ്രതിപക്ഷം ആവശ്യപ്പെട്ടു. ഖാൻ സർക്കാരിനെതിരായ വിശ്വാസ വോട്ടെടുപ്പ് ബഹിഷ്‌കരിക്കാൻ പാകിസ്ഥാൻ ഡെമോക്രാറ്റിക് മൂവ്‌മെന്റ് (പിഡിഎം) വെള്ളിയാഴ്ച തീരുമാനിച്ചതിനാൽ പ്രതിപക്ഷമില്ലാതെയാണ് വോട്ടെടുപ്പ്.

പ്രസിഡന്റ് ആരിഫ് ആൽവിയുടെ നിർദേശപ്രകാരം പ്രത്യേക ദേശീയ അസംബ്ലി സമ്മേളനം വിളിച്ച് ചേർത്തിട്ടുണ്ട്. പ്രധാനമന്ത്രിയുടെ വിശ്വാസ വോട്ടെടുപ്പിന്റെ ഒരു പോയിന്റ് അജണ്ടയിലാണ് ഇന്ന് വിശ്വാസ വോട്ടെടുപ്പ് നടക്കുന്നതെന്നും വിദേശകാര്യ മന്ത്രി ഷാ മഹമൂദ് ഖുറേഷി സഭയിൽ പ്രമേയം അവതരിപ്പിക്കുമെന്നും പാക് പാർലമെന്റ് സെക്രട്ടേറിയറ്റ് അറിയിച്ചിട്ടുണ്ട്. 341 അംഗ സഭയിൽ ഇമ്രാൻ കാന് 171 വോട്ടുകളാണ് അധികാരത്തിൽ തന്നെ തുടരുന്നതിന് ലഭിക്കേണ്ടത്. ഭരണകക്ഷിയായ പാകിസ്താൻ തെഹ്രീക് ഇൻസാഫിന് (പിടിഐ) ദേശീയ അസംബ്ലിയിൽ 157 അംഗങ്ങളുണ്ടെന്നും സഖ്യകക്ഷികൾ ഉൾപ്പെടെ 180 ലധികം അംഗങ്ങളുടെ പിന്തുണ തങ്ങൾക്കുണ്ടെന്നും മന്ത്രി ഫവാദ് ചൗധരി പറഞ്ഞു.

10 പാർട്ടികൾ ഉൾപ്പെട്ട പ്രതിപക്ഷ സഖ്യമായ പിഡിഎം സമ്മേളനം ബഹിഷ്‌കരിക്കുമെന്ന് പ്രഖ്യാപിച്ചിരുന്നു. ഖാന് ആവശ്യമായ നമ്പറുകൾ സുരക്ഷിതമാക്കുന്നത് എളുപ്പമാക്കുന്നു. നാളെ നടക്കുന്ന ദേശീയ അസംബ്ലി സമ്മേളനത്തിൽ പി‌ഡി‌എമ്മിലെ ഒരു അംഗവും പങ്കെടുക്കില്ലെന്ന് ജെ‌യു‌ഐ-എഫും പി‌ഡി‌എം മേധാവിയുമായ മൗലാന ഫസ്ലൂർ റഹ്മാനും പറഞ്ഞു. സെനറ്റ് തിരഞ്ഞെടുപ്പിൽ അവരുടെ സ്ഥാനാർത്ഥിയുടെ വിജയം തന്നെ പ്രധാനമന്ത്രിക്കെതിരായ ധാർമ്മിക വിജയമാണെന്നും അദ്ദേഹം പറഞ്ഞു.

ഇമ്രാൻ ഖാൻ വ്യാഴാഴ്ച രാജ്യത്തെ അഭിസംബോധന ചെയ്ത ശേഷമാണ് പിഡിഎം ഇക്കാര്യത്തിലെ നിലപാട് വ്യക്തമാക്കിയിരുന്നു. സെനറ്റ് തിരഞ്ഞെടുപ്പിനെത്തുടർന്ന് താൻ എന്തിനാണ് വിശ്വാസ വോട്ടെടുപ്പ് നടത്തുന്നത് എന്ന് വിശദീകരിച്ചുകൊണ്ടാണ് ഇമ്രാൻ ഖാൻ രംഗത്തെത്തിയത്. പിഡിഎം സ്ഥാനാർത്ഥിയും മുൻ പ്രധാനമന്ത്രിയുമായ യൂസഫ് റാസ ഗിലാനി ബുധനാഴ്ച ഭരണകക്ഷിയായ പാകിസ്ഥാൻ തെഹ്രീക് ഇൻ ഇൻസാഫ് (പിടിഐ) സ്ഥാനാർത്ഥിയായ ഷെയ്ഖിനെ പരാജയപ്പെടുത്തിയിരുന്നു.

തന്റെ സഹപ്രവർത്തകനുവേണ്ടി വ്യക്തിപരമായി പ്രചാരണം നടത്തിയ ഇമ്രാൻ ഖാന് കനത്ത തിരിച്ചടിയാണ് ഇതേൽപ്പിച്ചത്. പ്രധാനമന്ത്രി ഇമ്രാൻ ഖാൻ വെള്ളിയാഴ്ച പ്രധാനമന്ത്രി സഭയിൽ നടന്ന പാർലമെൻറ് പാർട്ടികളുടെ യോഗത്തിൽ അധ്യക്ഷത വഹിച്ചു. ഇതിൽ ഭരണകക്ഷിയുടെ ദേശീയ അസംബ്ലി അംഗങ്ങളോടും അദ്ദേഹം പ്രധാനമന്ത്രിക്ക് വോട്ട് ചെയ്യാൻ ആവശ്യപ്പെട്ടു, അല്ലാത്തപക്ഷം അവരെ അയോഗ്യരാക്കാമെന്നാണ് പാക് വൃത്തങ്ങളെ ഉദ്ധരിച്ച് പാക് മാധ്യമം ഡോൺ റിപ്പോർട്ട് ചെയ്തിട്ടുണ്ട്.

English summary

Pakistan PM Imran Khan confident ahead of trust vote in Parliament, warns collegues