ഗായകൻ അലി സഫറിനെതിരെ പാക് നടി: രണ്ട് മക്കളുടെ അമ്മയെന്നറിയാതെ പീഡിപ്പിച്ചു!!

മുംബൈ: ഗായകൻ അലി സഫറിനെതിരെ ലൈംഗികാരോപണവുമായി പാക് നടി രംഗത്ത്. പാകിസ്താനി നടിയും ഗായികയുമായ വനിതയാണ് മൈക്രോ ബ്ലോഗിംഗ് വെബ്സൈറ്റിൽ അലി സഫറിനെതിരെ ആരോപണം ഉന്നയിച്ചിട്ടുള്ളത്. താൻ രണ്ട് മക്കളുടെ അമ്മയാണെന്നറിയാതെ ഒന്നിലധികം തവണ ഉപദ്രവിച്ചുവെന്നാണ് നടി ആരോപിക്കുന്നത്.

തന്റെ അനുഭവം തുറന്നുപറയുന്നത് വഴി സമൂഹത്തിൽ ഇത്തരം സംഭവങ്ങൾ മൂടിവെക്കുന്നത് അവസാനിപ്പിക്കാനുള്ള ശ്രമമാണെന്നും നടി ട്വിറ്ററിൽ കുറിക്കുന്നു. ഇത് തുറന്നുപറയുക എളുപ്പമല്ല... എന്നാൽ നിശബ്ദരായിരിക്കുക എന്നതും കഠിനമാണ്. ഇനിയും #MeToo ഹാഷ് ടാഗുകൾ ഉണ്ടാകുന്നതിനെ എന്റെ മനസ്സാക്ഷി അനുവദിക്കുന്നില്ലെന്നും നടി കൂട്ടിച്ചേർക്കുന്നു.

പെൺകുട്ടികൾക്ക് വേണ്ടി ശബ്ദമുയർത്തും

ഒരു സ്ത്രീയെന്ന നിലയിലും സെലിബ്രിറ്റിയെന്ന നിലയിലും അമ്മയെന്ന നിലയിലും ഇത്തരം സാഹചര്യങ്ങളിൽ യുവതയ്ക്ക് വേണ്ടി ശബ്ദമുയർത്തുമെന്നും പിന്തുണയ്ക്കുമെന്നും മീഷ പറയുന്നു. പ്രത്യേകിച്ച് പെൺകുട്ടികൾക്ക് വേണ്ടി ശബ്ദമുയർത്തുമെന്നും നടി കുറിക്കുന്നു. പാകിസ്താനിൽ സ്വന്തമായ പാതയുണ്ടാക്കാൻ ആഗ്രഹിക്കുന്ന പെൺകുട്ടികളെ പിന്തുണയ്ക്കുമെന്നും അവർ ട്വീറ്റിൽ കുറിക്കുന്നു.

ഏത് പെൺകുട്ടിയ്ക്കും സംഭവിക്കാം

ഒരു സ്ത്രീയെന്ന നിലയിൽ ലൈംഗിക പീഡനത്തെക്കുറിച്ച് സംസാരിക്കാൻ ചില പ്രശ്നങ്ങളുണ്ട്. എന്നെപ്പോലെ അംഗീകരിക്കപ്പെട്ട ഒരു കലാകാരിയ്ക്ക് ഇത് സംഭവിച്ചെങ്കിൽ ഏത് പെൺകുട്ടിയ്ക്കും ഇത് സംഭവിക്കാം. ഇത് സിനിമാ മേഖലയെ തകർക്കാം, അതെന്നെ വളരെയധികം ഉത്കണ്ഠയ്ക്കിടയാക്കുന്നുവെന്നും അവർ ട്വിറ്ററിൽ കുറിക്കുന്നു.

സഹപ്രകവർത്തകനിൽ നിന്ന് നേരിട്ടത്

ഒരേ മേഖലയിലെ സഹപ്രവർത്തകനായ അലി സഫറിൽ നിന്ന് ശാരീരിക പീഡനം ഏൽക്കേണ്ടിവന്നതായും അത് താൻ ചെറിയ കുട്ടിയായിരിക്കുമ്പോഴല്ലെന്നും അവർ ഓർമിപ്പിക്കുന്നു. ശാക്തീകരിക്കപ്പെട്ട സ്ത്രീയും രണ്ട് മക്കളുടെ അമ്മയുമായ തനിക്കാണ് ഇത് സംഭവിച്ചിട്ടുള്ളതെന്നും അവർ പറയുന്നു. തനിക്കും കുടുംബത്തിനും കനത്തമായ ആഘാതമേൽപ്പിച്ച സംഭവമാണ് ഇതെന്നും അവർ പറയുന്നു. അലിയെ വർഷങ്ങളായി അറിയാം, അലിക്കൊപ്പം നിരവധി വേദികൾ പങ്കിട്ടിട്ടുണ്ട്. ഒറ്റുകൊടുക്കപ്പെട്ട അനുഭവമാണ് ഇപ്പോഴുള്ളത്. പക്ഷേ എനിക്കറിയാം ഞാൻ ഒറ്റയ്ക്കല്ലെന്ന്.

നിശബ്ദത വെടിയണം

അതിക്രമമുണ്ടാകുമ്പോൾ നിശബ്ദമായിരിക്കുന്ന പ്രവണത തകർക്കാനുള്ള സംസ്കാരത്തിന് തുടക്കം കുറിക്കുകയാണ്. ഇതേ കാര്യം രാജ്യത്തെ മറ്റ് പെൺകുട്ടികൾക്ക് പ്രചോദനമാകണമെന്നും അവർ ആഗ്രഹിക്കുന്നു. നമ്മുടെ ശബ്ദമാവാൻ നമ്മൾ മാത്രമേ ഉള്ളൂവെന്നും സമയമാകുമ്പോൾ ശബ്ദമുയർത്തണമെന്നും അവർ ട്വിറ്ററിൽ കുറിക്കുന്നു. ഈ വർഷത്തെ അക്കാദമി അവാർഡ് ദാന ചടങ്ങിൽ വെച്ച് ആരംഭിച്ച #meToo ക്യാമ്പെയിന് തുടക്കം കുറിച്ചത്.

English summary

Pakistani singer on Thursday accused actor-singer Ali Zafar of sexual harassment. Pakistani singer and actress Meesha Shafi took to the micro-blogging site and revealed that she was sexually harassed by Ali Zafar more than one occasion and he harassed her despite knowing that she's a mother of two children.