പാക് ഗായകന് അംജത് സാബ്രി വെടിയേറ്റു മരിച്ചു
കറാച്ചി:പാക്കിസ്ഥാന് ഖവ്വാലി ഗായകന് അംജത് സാബ്രി (45) വെടിയേറ്റു മരിച്ചു. അംജത് സഞ്ചരിച്ച കാറിനുനേരെ അജ്ഞാതര് വെടിയുതിര്ക്കുകയായിരുന്നു. തലയ്ക്കും നെഞ്ചിലുമായി വെടിയേറ്റ സാബ്രിയെ ആസ്പത്രിയിലെത്തിച്ചെങ്കിലും ജീവന് രക്ഷിക്കാനായില്ല.
കൂടെയുണ്ടായിരുന്ന ഡ്രൈവറും മറ്റൊരാളും വെടിയേറ്റുമരിച്ചെന്നാണ് റിപ്പോര്ട്ട്. കറാച്ചിയിലെ ലിയാഖത്താബാദില് ബൈക്കിലെത്തിയ സംഘമാണ് വെടിയുതിര്ത്തത്. പ്രശസ്ത ഖവ്വാലി ഗായകന് ഗുലാം ഫരീദ് സാബ്രിയുടെ മകനാണ് അംജത് സാബ്രി. ഖവ്വാലി സംഗീതപാരമ്പര്യമുളള കുടുംബത്തില് നിന്നുള്ള ഇവര്ക്ക് പാക്കിസ്ഥാനില് നിരവധി ആരാധകരുണ്ട്.
കൊലപാതകത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. ദൈവങ്ങളെ നിന്ദിക്കുന്ന വിധത്തില് ഗാനങ്ങള് ആലപിച്ചെന്ന ആരോപണത്തില് 2014 ല് സാബ്രിക്കെതിരെ കേസെടുത്തിരുന്നു.
Click it and Unblock the Notifications
Sign in with Google