പലസ്തീന് ഐക്യ സര്ക്കാറിന് വഴിയൊരുങ്ങുന്നു; ഗാസയില് ഐക്യ മന്ത്രിസഭായോഗം ചേര്ന്നു
ഗാസ സിറ്റി: രണ്ടു വര്ഷത്തിനു ശേഷം ആദ്യമായി ഗസയില് വച്ച് ഫലസ്തീന് മന്ത്രിസഭാ യോഗം ചേര്ന്നു. ഫത്ഹ്-ഹമാസ് വിഭാഗങ്ങള് അഭിപ്രായ വ്യത്യാസങ്ങള് മാറ്റിവച്ച് ഐക്യ സര്ക്കാര് രൂപീകരിക്കുന്നതിന്റെ ഭാഗമായി ഗസയിലെത്തിയ പ്രധാനമന്ത്രി റാമി ഹംദല്ലയുടെ നേതൃത്വത്തിലായിരുന്നു ഐക്യ കാബിനറ്റ് യോഗം.
ഫലസ്തീന് രാഷ്ട്ര നിര്മാണത്തിന്റെ മുന്നോടിയായുള്ള ഐക്യ സര്ക്കാര് രൂപീകരണത്തിന്റെ സുപ്രധാനമായ ആദ്യ ചുവടുവയ്പ്പാണിതെന്ന് അദ്ദേഹം പറഞ്ഞു. ഐക്യത്തിലൂടെ മാത്രമേ ലക്ഷ്യം നേടാനാവൂ എന്ന കാര്യം എല്ലാവരും തിരിച്ചറിഞ്ഞതായും അതിന്റെ അടിസ്ഥാനത്തില് പുതിയ സര്ക്കാര് ഉടന് നിലവില് വരുമെന്നും അദ്ദേഹം പറഞ്ഞു. ഗസയിലെത്തിയ ഉടനെ അതിര്ത്തിയിലെ യാത്രാ പ്രശ്നങ്ങള്, ഫലസ്തീന് അതോറിറ്റി ജീവനക്കാരുടെ ശമ്പളം തുടങ്ങിയ കാര്യങ്ങള് കൈകാര്യം ചെയ്യുന്നതിന് വിവിധ കമ്മിറ്റികള്ക്ക് അദ്ദേഹം രൂപം നല്കിയിരുന്നു.
ഐക്യ സര്ക്കാര് നിലവില് വരുന്നതോടെ പതിറ്റാണ്ടിലേറെയായി തുടരുന്ന ഫത്ഹ്-ഹമാസ് ഭിന്നതയ്ക്കാണ് അറുതിയാവുകയെന്ന് നിരീക്ഷകര് വിലയിരുത്തി. ഗസയിലെ ജനങ്ങളുടെ അഭിലാഷങ്ങളാണ് പുതിയ ഐക്യസര്ക്കാരിലൂടെ പൂവണിയുന്നതെന്ന് ഹമാസ് വക്താവ് ആസിം ഖാസിം പറഞ്ഞു. ഗസയിലെ ജനങ്ങളുടെ ദുരിതപൂര്ണമായ അവസ്ഥയ്ക്ക് എത്രയും പെട്ടെന്ന് അറുതിയാവണമെന്ന് ഹമാസ് നേതാക്കള് കാബിനറ്റ് യോഗത്തെ അറിയിച്ചു. ഇത്തവണ ഇരു കക്ഷികളും ഐക്യത്തിന്റെ കാര്യത്തില് ഗൗരവതരമായ സമീപനമാണ് സ്വീകരിക്കുന്നതെന്നും വക്താവ് പറഞ്ഞു. ഇത്തവണ ഐക്യ ശ്രമങ്ങള് വിജയിക്കുമെന്ന് ഫത്ഹ് വക്താവ് ഉസാമ ഖവാസ്മിയും അഭിപ്രായപ്പെട്ടു. ഐക്യ സര്ക്കാര് പദ്ധതി വിജയമാവണമെങ്കില് നല്ല ക്ഷമയും ശ്രമവും വേണം. പ്രതീക്ഷാനിര്ഭരമായ സാഹചര്യമാണ് നമുക്ക് ചുറ്റുമുള്ളത്. ഇത്തവണ ഈ ശ്രമത്തില് നിന്ന് ഞങ്ങള് പിറകോട്ടില്ല- അദ്ദേഹം വ്യക്തമാക്കി.
ഇസ്രായേലിലെ ഈജിപ്ത് അംബാസഡര് ഹാസിം ഖൈറാത്തിന്റെ നേതൃത്വത്തിലുള്ള ഈജിപ്ത്യന് സുരക്ഷാ സംഘമാണ് അനുരഞ്ജന ശ്രമങ്ങളുടെ മേല്നോട്ടം നിര്വഹിക്കുന്നത്. ഈജിപ്ത് അധികൃതരുമായി കഴിഞ്ഞ മാസം ഹമാസ്-ഫത്ഹ് വിഭാഗങ്ങള് നടത്തിയ ചര്ച്ചയിലാണ് ഐക്യസര്ക്കാര് രൂപീകരിക്കാനുള്ള ശ്രമങ്ങള് ആരംഭിച്ചത്. ഇതിന്റെ മുന്നോടിയായി ഗസ അഡ്മിനിസ്ട്രേറ്റീവ് കമ്മിറ്റി ഹമാസ് പിരിച്ചുവിട്ടിരുന്നു.
2007 മുതല് ഗസയുടെ നിയന്ത്രണം ഹമാസിനാണ്. ഫലസ്തീനില് നടന്ന പൊതുതിരഞ്ഞെടുപ്പില് പ്രസിഡന്റ് മഹ്മൂദ് അബ്ബാസിന്റെ നേതൃത്വത്തിലുള്ള ഫത്ഹ് വിഭാഗത്തെ പരാജയപ്പെടുത്തി ഹമാസ് വിജയിച്ചിരുന്നുവെങ്കിലും അത് അംഗീകരിക്കാന് കൂട്ടാക്കാത്തതിനെ തുടര്ന്ന് ഫത്ഹ് സുരക്ഷാ ഉദ്യോഗസ്ഥരെ പുറത്താക്കിയ ഹമാസ് ഗസയുടെ നിയന്ത്രണം ഏറ്റെടുക്കുകയായിരുന്നു. അതിന് ശേഷം 2014ല് ഐക്യ സര്ക്കാര് രൂപീകരണ ശ്രമങ്ങള് നടന്നിരുന്നുവെങ്കിലും ഇസ്രായേല് ഗസയ്ക്കെതിരേ നടത്തിയ ആക്രമണങ്ങളുടെ പശ്ചാത്തലത്തില് ആ ശ്രമങ്ങള് വിഫലമാവുകയായിരുന്നു.
-
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
ചൊവ്വ മാറിയാൽ ജീവിതവും മാറും; ഈ രാശിക്കാരുടെ പ്രണയം പൂവണിയും, പുതിയ ജോലി തേടിയെത്തും..! -
സര്വീസില് സ്ഥിരമാകും, വാഹനം വാങ്ങാനുള്ള ആഗ്രഹം സഫലമാകും, ഭൂമിയില് നിന്ന് കൂടുതല് വരുമാനം, നാൾഫലം -
ഖത്തര് ആണ് എട്ടിന്റെ പണി തന്നത്; ആ തീരുമാനം ഇന്ത്യ പ്രതീക്ഷിച്ചില്ല, എല്എന്ജി ബദല് നോക്കി കേന്ദ്രം -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
സ്വർണ വില ഇന്നും താഴേക്ക്; 75,000 രൂപ വരെയെങ്കിലും പവന് വരുമോ? പഴയ സ്വർണം വിൽക്കേണ്ടവർ അറിയാൻ -
മീനാക്ഷി തന്റെ ഏറ്റവും വലിയ ബലമാണെന്ന് ദിലീപ്; ''ആ പ്രശ്നങ്ങൾ ഒക്കെ നടക്കുമ്പോൾ അവർ ചെറിയ കുട്ടി -
ഭക്ഷണം ശ്വാസകോശത്തിൽ കുടുങ്ങി, പിന്നാലെ കുഴഞ്ഞു വീണു; കാർത്തിക് സൂര്യയ്ക്ക് സംഭവിച്ചത് -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള്
Click it and Unblock the Notifications
Sign in with Google