Click it and Unblock the Notifications
Just In
Don't Miss
-
IPL 2024: ആ നിയമം ഓള്റൗണ്ടര്മാരെ നശിപ്പിക്കും, ഇന്ത്യന് ടീമിനെ തകര്ക്കും; തുറന്നടിച്ച് രോഹിത് -
ഒരു പാട്ടിന് വാങ്ങുന്നത് 10 ലക്ഷം! 1.50 കോടി രൂപയുടെ ലക്ഷ്വറി എസ്യുവി സ്വന്തമാക്കി ബോളിവുഡ് ഗായിക -
സരിഗമ അടക്കം മൂന്ന് ഓഹരികൾ, 13 ശതമാനം വരെ കുതിക്കും, ഇപ്പോൾ തന്നെ വാങ്ങാം -
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന് -
'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ -
നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
ദുബായില്‍ സന്ദര്‍ശക വിസയിലെത്തിയ കുടുംബം, കുഞ്ഞിനെ ടാക്‌സിയില്‍ മറന്നുവച്ചു; പിന്നീട് നടന്നത്...
അല്‍ റിഗ്ഗയിലെ ഹോട്ടലില്‍ നിന്ന് ദുബായ് അന്താരാഷ്ട്ര വിമാനത്താവളത്തിലേക്കെത്തിയപ്പോഴാണ് ദമ്പതികള്‍ നവജാതശിശുവിനെ മറന്നുപോയത്.
ദുബായ്: വിനോദസഞ്ചാര വിസയില്‍ ദുബായിലെത്തിയ കുടുംബം ടാക്‌സിയില്‍ കുഞ്ഞിനെ മറന്നുവച്ചു. അല്‍ റിഗ്ഗയിലെ ഹോട്ടലില്‍ നിന്ന് ദുബായ് അന്താരാഷ്ട്ര വിമാനത്താവളത്തിലേക്കെത്തിയപ്പോഴാണ് ദമ്പതികള്‍ നവജാതശിശുവിനെ മറന്നുപോയത്.
വിമാനത്താവളത്തില്‍ എത്തിയ ഭാര്യയും ഭര്‍ത്താവും ബാഗുകളും ലഗേജുമൊക്കെ എടുത്ത് പുറത്തുവച്ചെങ്കിലും കുഞ്ഞിനെ എടുത്തില്ല. പിന്നീട് നടന്നു പോകുകയും ചെയ്തു.
പിന്നീടാണ് കുഞ്ഞിനെ ഓര്‍ത്തത്. അപ്പോഴേക്കും ടാക്‌സി വിമാനത്താവളം വിട്ടുപോയിരുന്നു. തുടര്‍ന്ന് പോലീസിനെ അറിയിക്കുകയായിരുന്നു. ഗള്‍ഫ് രാജ്യത്തുള്ള ദമ്പതികള്‍ക്കാണ് ഈ അബദ്ധം പറ്റിയതെന്ന് കേണല്‍ മുബാറക് മുഹമ്മദ് സലീം പറഞ്ഞു.
കാറില്‍ നിന്ന് ആദ്യം പുറത്തിറങ്ങിയത് ഭാര്യയാണ്. അവര്‍ നടന്നുപോവുകയും ചെയ്തു. പിന്നീടാണ് ഭര്‍ത്താവ് ഇറങ്ങിയത്. ഭാര്യയുടെ കൈയില്‍ കുഞ്ഞുണ്ടെന്നാണ് കരുതിയതെന്ന് ഭര്‍ത്താവ് പറഞ്ഞു. ഭര്‍ത്താവ് കുഞ്ഞിനെ എടുക്കുമെന്ന് ഭാര്യയും കരുതി.
രണ്ടുപേരും എടുക്കാത്ത കുഞ്ഞ് ആ സമയവും കാറില്‍ കിടക്കുകയായിരുന്നു. ദുബായ് പോലീസില്‍ വിവരം അറിയിച്ചതിനെ തുടര്‍ന്ന് പോലിസ് സ്ഥലത്തെത്തി റോഡ് ട്രാന്‍സ്‌പോര്‍ട്ട് അധികൃതര്‍ (ആര്‍ടിഎ) രുമായി ചര്‍ച്ച നടത്തി. ജിപിഎസ് ട്രാക്ക് ചെയ്താണ് ടാക്‌സി ഡ്രൈവറുമായി ബന്ധപ്പെട്ടത്.
എന്നാല്‍ ഫോണ്‍ വരുന്നവരെ ടാക്‌സി ഡ്രൈവര്‍ കുഞ്ഞ് കാറിലുള്ള കാര്യം അറിഞ്ഞിരുന്നില്ല. വിവരം ലഭിച്ചപ്പോഴാണ് കാര്‍ പരിശോധിച്ചത്. ആ സമയം കുഞ്ഞ് കാറില്‍ ഉറങ്ങുകയായിരുന്നു. ഏഴ് പേര്‍ക്കിരിക്കാന്‍ സൗകര്യമുള്ള കാറായിരുന്നു ഇത്.
കുഞ്ഞിനെ കണ്ട ഡ്രൈവര്‍ ഉടനെ സമീപത്തെ പോലിസുമായി ബന്ധപ്പെട്ട് വിവരങ്ങള്‍ ബോധിപ്പിച്ചു. തുടര്‍ന്ന് കുഞ്ഞിനെ പോലിസ് ഏറ്റെടുത്തു. വിമാനത്താവളത്തില്‍ കുഞ്ഞിനെ കാത്തിരുന്ന മാതാപിതാക്കളെ പോലീസാണ് തിരിച്ചേല്‍പ്പിച്ചത്.
