നഷ്ടപ്പെട്ട മോതിരം തിരികെ ഏല്പ്പിച്ചയാളെ തിരഞ്ഞ് പ്രശസ്ത നടി
ലോസ് ആഞ്ചലിസ്: നഷ്ടമാകുമെന്ന് ഉറപ്പായ നിമിഷത്തില് നിന്നും ജീവന് തിരിച്ച് കിട്ടിയാല് എന്താകും അവസ്ഥ. സന്തോഷത്തിന് അതിരുണ്ടാവില്ല അല്ലേ. ഹോളിവുഡ് നടിയും മോഡലും ഗായികയുമായ പാരിസ് ഹില്ട്ടണും ഇത്തരമൊരു അവസ്ഥയിലാണ്. പാരിസിന് നഷ്ടമാകാന് പോയത് ജീവനായിരുന്നില്ല പക്ഷേ നഷ്ടമായത് ജീവനെപ്പോലെ ഇഷ്ടപ്പെട്ടിരുന്ന വജ്രമോതിരമായിരുന്നു.
2 കോടിയിലേറെ വില വരുന്ന വജ്ര മോതിരമാണ് നഷ്ടമായത്. പോളണ്ടില് ഒരു ഫാഷന് ഇവന്റില് പങ്കെടുത്ത് മടങ്ങുമ്പോള് വിമാനത്തില് വച്ചാണ് മോതിരം കാണാതായ വിവരം പാരിസ് അറിയുന്നത്. തിരഞ്ഞാല് കിട്ടുമെന്ന് ഉറപ്പില്ലാത്തതിനാല് അമേരിയ്ക്കയിലേയ്ക്ക് തന്നെ പോയി. എന്നാല് പാരിസിനെ പോലും ഞെട്ടിച്ച് കൊണ്ട് കോടികള് വില മതിപ്പുള്ള ആ മോതിരം തിരിച്ച് കിട്ടി. അതെങ്ങനെയാണെന്ന് അറിയാമോ?
ഓഗസ്റ്റ് 31 ന്
ഓഗസ്റ്റ് 31നായിരുന്നു താരത്തിന്റെ മോതിരം നഷ്ടമായത്
വാര്ത്ത പരന്നു
മോതിരം നഷ്ടമായ വിവരം വാര്ത്തയായതാണ് പാരിസിനെ തുണച്ചത്. പോളണ്ടില് നിന്നുള്ള ഒരു സന്ദേശമാണ് താരത്തിന് ആശ്വാസമായത്
ഷട്ടില് വാഹനത്തില്
വിമാനത്തിലേയ്ക്ക് കയറാന് പാരീസിനെ കൊണ്ടുപോയ ഷട്ടില് വാഹനത്തിനുള്ളിലാണ ്മോതിരം ഉണ്ടായിരുന്നത്. അഗ്നിശമന സേനയിലെ ഒരു ഉദ്യോഗസ്ഥനാണ് മോതിരം കിട്ടിയത്. ഇയാള് എയര്പോര്ട്ട് അധികൃതര്ക്ക് മോതിരം കൈമാറി
തിരികെ
പാരീസ് ഹില്ട്ടണിന്റെ മോതിരമാണ് നഷ്ടമായതെന്ന് എയര്പോര്ട്ട് അധികൃതര് മനസിലാക്കി. താരത്തെ വിളിച്ച് കാര്യം പറയുകയും മോതിരം തിരിച്ചേല്പ്പിയ്ക്കുകയും ചെയ്തു
സമ്മാനം
മോതിരം തിരികെ എല്പ്പിച്ച സത്യസന്ധനായ ജീവനക്കാരനെ കണ്ടുപിടിയ്ക്കാനുള്ള ശ്രമത്തിലാണ ്നടി. അദ്ദേഹത്തിന് വ്യക്തിപരമായും കുടുംബത്തിനും ഒരു ഉഗ്രന് സമ്മാനം നടി നല്കും. 2011 ല് ഇന്ത്യ സന്ദര്ശിച്ചപ്പോള് തന്റെ വാഹനത്തിന് അടുത്തെത്തിയ യാചകയ്ക്ക് നൂറ് ഡോളര് (അന്നത്തെ വിനിമയ നിരക്ക് പ്രകാരം 5000 രൂപ)ആണ് പാരീസ് നല്കിയത്.