Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിമാനത്തിന്റെ എമര്‍ജന്‍സി വാതില്‍ തുറന്നു, കാറ്റ് കൊള്ളാന്‍!
ബീജിംഗ്: വിമാനത്തില്‍ യാത്രചെയ്യുമ്പോള്‍ കുറച്ച് ശുദ്ധവായു ശ്വസിക്കണമെന്ന് തോന്നിയാല്‍ അത് കുറ്റമാണോ. അത് പ്രശ്‌നമില്ല, എന്നാല്‍ തോന്നിയ പോലെ വിമാനത്തിന്റെ വാതില്‍ തുറന്നാല്‍ അത് പ്രശ്‌നമാണ്. ഇവിടെ ആദ്യമായി വിമാനത്തില്‍ കയറിയ ഒരു യാത്രക്കാരന്‍ കാറ്റ് കൊള്ളാന്‍ വേണ്ടി തുറന്നത് വിമാനത്തിന്റെ എമര്‍ജന്‍സി വാതിലാണ്.
ഭാഗ്യത്തിന് വിമാനം പറക്കുകയായിരുന്നില്ല. റണ്‍വേയില്‍ നിര്‍ത്തിയിട്ടിരിക്കുകയായിരുന്നു. എയര്‍പോര്‍ട്ട് ഉദ്യോഗസ്ഥര്‍ ഓടിയെത്തിയത് കൊണ്ട് അത്യാഹിതം ഒഴിവായി എന്ന് പറഞ്ഞാല്‍ മതിയല്ലോ. ഉദ്യോഗസ്ഥര്‍ വാതില്‍ അടച്ച് പൈലറ്റിനെയും വിവരം അറിയിച്ചു. ചൈനയിലെ ഹാംഗ്ഷുവില്‍ നിന്നും ചെങ്ദുവിലേക്ക് പറക്കാനിരുന്ന പ്രാദേശിക വിമാനത്തിലായിരുന്നു സംഭവം.
സഹയാത്രികര്‍ മൊബൈല്‍ ഫോണിലും ക്യാമറയിലും ചിത്രങ്ങള്‍ പിടിച്ച് സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ അപ്ലോഡ് ചെയ്തു. സുരക്ഷാ വാതിലുകള്‍ യാത്രക്കാര്‍ തുറക്കുന്നത് ആദ്യമായാണ് കാണുന്നത് എന്നായിരുന്നു ഒരു ചിത്രത്തിന്റെ അടിക്കുറിപ്പ്. ശുദ്ധവായു ശ്വസിക്കാന്‍ വേണ്ടിയാണ് വാതില്‍ തുറക്കുന്നത് എന്നാണത്രേ ഇയാള്‍ മറ്റുള്ള യാത്രക്കാരോട് പറഞ്ഞത്.
ഡിസംബര്‍ എട്ട് രാത്രി 9.15 നായിരുന്നു വിമാനം. ഇത്രയും നാടകീയ സംഭവങ്ങള്‍ നടന്നിട്ടും വിമാനം ഒരു മിനുട്ട് പോലും വൈകാതെ യാത്ര പുറപ്പെട്ടു എന്നതാണ് ഏറെ രസകരം. സുരക്ഷാ വാതില്‍ തുറന്ന യാത്രക്കാരനെ ഒരു പിഴ പോലും അടപ്പിക്കാതെ വെറുതെ വിട്ടത് ശരിയായില്ല എന്നാണ് യാത്രക്കാര്‍ പറയുന്നത്. ആദ്യമായാണ് ഇയാള്‍ വിമാനത്തില്‍ യാത്ര ചെയ്യുന്നതൊന്നും അപകടമൊന്നും ഉണ്ടാക്കാതിരുന്നതിനാലാണ് പിഴയടപ്പിക്കാതെ വിട്ടതെന്നുമാണ് വിമാനത്താവള അധികൃതര്‍ പ്രതികരിച്ചത്.
