തായ് വാനില് യാത്രവിമാനം നദിയിലേയ്ക്ക് തകര്ന്ന് വീണു, വീഡിയോ കാണൂ
തായ്പേയ്: തായ് വാനില് 58 യാത്രക്കാരുമായി പോയ ട്രാന്സ് ഏഷ്യ വിമാനം നദിയില് തകര്ന്നു വീണു. ട്രാന്സ് ഏഷ്യയുടെ എടിആര്72-600 എന്ന വിമാനമാണ് നദിയിലേയ്ക്ക് വീണത്. നിയന്ത്രണം വിട്ട് വിമാനം പൈലറ്റ് നദിയിലേയ്ക്ക് ഇടിച്ചിറക്കുകയായിരുന്നുവെന്നാണ് റിപ്പോര്ട്ട്. ഒന്പത് യാത്രക്കാര് കൊല്ലപ്പെട്ടു. 18 പേരെ രക്ഷപ്പെടുത്തി.
ട്രാന്സ് ഏഷ്യയുടെ ആഭ്യന്തര സര്വ്വീസ് വിമാനമാണ് പറന്നുയര്ന്ന് മിനിട്ടുകള്ക്കകം തന്നെ നിയന്ത്രണം വിട്ട് നദിയില് വീണ്ച്യ തായ്പേയ് സോങ്ഷാന് എയര്പോര്ട്ടില് നിന്നും തെക്ക് കിഴക്കന് ചൈനയിലെ കിന്മെന് ദ്വീപിലേയ്ക്ക് പോയ വിമാനമാണ് അപകടത്തില് പെട്ടത്.
ഒന്പത് യാത്രക്കാര് കൊല്ലപ്പെട്ടു. പതിനെട്ട് പേരെ രക്ഷപ്പെടുത്തി. മറ്റുള്ളവര്ക്കായി തിരച്ചില് ഊര്ജ്ജിതമാക്കിയിട്ടുണ്ട്. രക്ഷാപ്രവര്ത്തനം പുരോഗമിയ്ക്കുന്നതായി വ്യോമയാന മന്ത്രലയം അറിയിച്ചപ. രണ്ട് എഞ്ചിനുകള് മാത്രമുള്ള ചെറിയ വിമാനമാണ് അപകടത്തില്പെട്ടത് . ഫ്രാന്സ് നിര്മ്മിത വിമാനമാണിത്. 2014 ജൂലൈയില് ട്രാന്സ് ഏഷ്യയുടെ ഇതേ വിമാനം തകര്ന്ന് 48 പേര് മരിച്ചിരുന്നു . അപകടത്തിന്റെ വീഡിയോ ദൃശ്യങ്ങള് ചില പ്രാദേശിക ചാനലുകളിലും യു ട്യൂബിലും ലഭ്യമാണ് .