മദ്യപിച്ച് ലക്കുകെട്ട യുവാക്കള് എയര്ഹോസ്റ്റസുമാരെ കയറിപ്പിടിച്ചു,വിമാനം അടിയന്തരമായി നിലത്തിറക്കി
സരാജെവോ: മദ്യപിച്ച് ലക്കുകെട്ട യാത്രക്കാര് എയര്ഹോസ്റ്റസുമാരെ കടന്ന് പിടിയ്ക്കാനും ആക്രമിയ്ക്കാനും ശ്രമിച്ചതോടെ തുര്ക്കി വിമാനം അടിയന്തരമായി ലാന്ഡ് ചെയ്തു. തുര്ക്കിയിലെ ഇസ്താന്ബൂളില് നിന്നും റോമിലേയ്ക്ക് പോയ യാത്രാ വിമാനമാണ് വഴിമധ്യേ ബോസ്നിയയില് എമര്ജന്സി ലാന്ഡിംഗ് നടത്തിയത്.
ബോസ്നിയയുടെ തലസ്ഥാനമായ സരാജെവോയിലാണ് വിമാനം ലാന്ഡ് ചെയ്തത്. പീഗാസസ് എയര്ലൈന്സിന്റെ വിമാനത്തിനാണ് ഇത്തരത്തില് പാതിവഴയില് യാത്ര തടസപ്പെടേണ്ടി വന്നത്. അഞ്ചംഗ സംഘമാണ് വിമാനത്തില് കുഴപ്പങ്ങള് ഉണ്ടാക്കിയത്.
കാഴ്ചയില് ഇവര് മദ്യപരാണെന്ന് തോന്നിയെന്ന് വിമാന ജീവനക്കാര് പറയുന്നു. മദ്യവും ഭക്ഷണവുമൊക്കെ വിമാനത്തില് നിന്നും പണമടയ്ക്കാതെ തട്ടിയെടുക്കുകയും ചെയ്തതായി പറയുന്നു. അഞ്ച് പേരയും സെരാജാവോ വിമാനത്താവളത്തില് ഇറക്കിയ ശേഷമാണ് വിമാനം റോമിലേയ്ക്ക് പുറപ്പെട്ടത്.