Click it and Unblock the Notifications
Just In
Don't Miss
-
IPL 2024: 284 റണ്സ്, പ്രഹരശേഷി 155; പരാഗിനെ ടീം ഇന്ത്യയില് കാണാം! എപ്പോഴെന്നു ഇര്ഫാന് പറയും -
മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
കൊളസ്ട്രോള് കൂടിയാല് പെട്ടെന്ന് തിരിച്ചറിയാം; ആരും ശ്രദ്ധിക്കാത്ത ഈ ലക്ഷണങ്ങളിലൂടെ -
മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല്‍ വിറ്റഴിക്കുന്ന എസ്യുവികള് രണ്ടും ടാറ്റയുടേത് -
മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില് -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
സൗദി 26 ലക്ഷം ഇന്ത്യക്കാരുടെ രണ്ടാംവീട്; പ്രവാസികളെ വാനോളം പുകഴ്ത്തി പ്രധാനമന്ത്രി മോദി
റിയാദ്: സൗദി അറേബ്യയിലെ ഇന്ത്യക്കാരെ പുകഴ്ത്തി പ്രധാനമന്ത്രി നരേന്ദ്ര മോദി. സൗദിയിലെ ഇന്ത്യക്കാരുടെ കഠിനാധ്വാനവും ആത്മാര്‍ഥതയുമാണ് ഇരുരാജ്യങ്ങളും തമ്മിലുള്ള ബന്ധം ശക്തിപ്പെടാന്‍ പ്രധാന കാരണമെന്ന് മോദി അറബ് ന്യൂസിന് നല്‍കിയ അഭിമുഖത്തില്‍ പറഞ്ഞു. 26 ലക്ഷത്തോളം ഇന്ത്യക്കാരുടെ രണ്ടാം വീടാണ് സൗദി അറേബ്യയെന്നും മോദി പറഞ്ഞു.
സൗദിയുടെ വളര്‍ച്ചയിലും വികസനത്തിലും ഇന്ത്യന്‍ സമൂഹം വലിയ സംഭാവനയാണ് നല്‍കിയത്. എല്ലാ വര്‍ഷവും ഒട്ടേറെ ഇന്ത്യക്കാര്‍ ഹജ്ജിനും ഉംറയ്ക്കുമായി സൗദിയിലെത്തുന്നു. ബിസിനസ് ആവശ്യാര്‍ഥവും ഒട്ടേറെ പേര്‍ വരുന്നുണ്ടെന്നും മോദി എടുത്തുപറഞ്ഞു.
സൗദിയിലെ ഇന്ത്യക്കാരെ ഓര്‍ത്ത് അഭിമാനിക്കുന്നു. ഭാവിയിലും ഇരുരാജ്യങ്ങളുടെയും ബന്ധം ശക്തിപ്പെടാന്‍ സൗദിയിലെ ഇന്ത്യക്കാര്‍ കാരണമാകും. ദശാബ്ദങ്ങളായി ഇരുരാജ്യങ്ങളും തമ്മിലുള്ള ബന്ധം ഇനിയും തുടരുമെന്നും മോദി പറഞ്ഞു.
തിങ്കളാഴ്ച രാത്രിയാണ് പ്രധാനമന്ത്രി സൗദി തലസ്ഥാനമായ റിയാദിലെത്തിയത്. ചൊവ്വാഴ്ച സൗദിയില്‍ നടക്കുന്ന ബിസിനസ് ഉച്ചകോടിയില്‍ മോദി പങ്കെടുക്കുന്നുണ്ട്. സൗദി രാജാവ് സല്‍മാന്‍, കിരീടവകാശി മുഹമ്മദ് ബിന്‍ സല്‍മാന്‍ എന്നിവരുമായി ചര്‍ച്ച നടത്തുന്ന മോദി ഒട്ടേറെ കരാറുകളില്‍ ഒപ്പുവയ്ക്കും. സാമ്പത്തിക-വ്യാപാര-പ്രതിരോധ-ഊര്‍ജ രംഗത്ത് ഇന്ത്യയും സൗദിയും കൂടുതല്‍ സഹകരിക്കുമെന്നും മോദി പറഞ്ഞു.
