• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പട്ടി ചത്താല്‍ സ്വര്‍ഗത്തില്‍ പോകുമോ... പോകുമെന്ന് പോപ്പ്

  • By Soorya Chandran

വത്തിക്കാന്‍: മൃഗങ്ങള്‍ക്ക് സ്വര്‍ഗത്തില്‍ സ്ഥാനമുണ്ടോ... സ്വര്‍ഗ രാജ്യത്തെക്കുറിച്ചുള്ള ചര്‍ച്ചകളില്‍ വിശ്വാസികളും യുക്തിവാദികളും തമ്മില്‍ ഈ വിഷയത്തില്‍ പലപ്പോഴും ഏറ്റുമുട്ടിയിട്ടുണ്ട്.

എന്നാല്‍ കത്തോലിക്കരുടെ ആത്മീയ നേതാവായ മാര്‍പാപ്പ തന്നെ ഇക്കാര്യത്തില്‍ മതപരമായ ആശയത്തെ തള്ളിപ്പറഞ്ഞാല്‍ എങ്ങനെയിരിക്കും. ക്രിസ്തീയ വിശ്വാസങ്ങളെ നവീകരിക്കണമെന്ന ആശയക്കാരനായ ഫ്രാന്‍സി മാര്‍പാപ്പ പറഞ്ഞതും വാര്‍ത്തയായതും എന്താണെന്ന് നോക്കാം.

ദൈവത്തിന്റെ സൃഷ്ടികള്‍ക്കെല്ലാം സ്വര്‍ഗ്ഗത്തില്‍ സ്ഥാനമുണ്ടെന്ന് മാര്‍പാപ്പ പറഞ്ഞുവെന്നായിരുന്നു വാര്‍ത്തകള്‍. വളര്‍ത്തുനായ ചത്തുപോയതില്‍ അതീവ ദു:ഖിതനായ ഒരു കുട്ടിയെ ആശ്വസിപ്പിക്കുന്നതിനിടെ മാര്‍പാപ്പ ഇങ്ങനെ പറഞ്ഞു എന്നായിരുന്നു റിപ്പോര്‍ട്ട്. ടൈം മാഗസിനായിരുന്നു ഇക്കാര്യം റിപ്പോര്‍ട്ട് ചെയതത്.

എന്നാല്‍ ഫ്രാന്‍സിസ് മാര്‍പാപ്പ ഇങ്ങനെ ഒരു കാര്യമേ പറഞ്ഞിട്ടില്ലെന്നതാണ് സത്യം. വ്യത്യസ്തമായി എന്തെങ്കിലും പറഞ്ഞാല്‍ അത് ഇപ്പോഴത്തെ പാപ്പയായിരിക്കും എന്ന മുന്‍വിധിയാണ് പ്രശ്‌നമായത്.

സത്യത്തില്‍ മൃഗങ്ങള്‍ക്കും സ്വര്‍ഗത്തില്‍ സ്ഥാനമുണ്ടെന്ന് പറഞ്ഞത് പോള്‍ ആറാമന്‍ മാര്‍പാപ്പയായിരുന്നു. അദ്ദേഹമാകട്ടെ 1978 ല്‍ തന്നെ മരിക്കുകയും ചെയ്തു.

വിവാദം കൊടുമ്പിരിക്കൊണ്ടതിന് ശേഷമാണ് സത്യാവസ്ഥ പുറത്ത് വന്നത്. ഈ വിഷയത്തില്‍ വത്തിക്കാന്‍ മാധ്യമ പ്രവര്‍ത്തകരെ നിശിതമായി വിമര്‍ശിക്കുകയും ചെയ്തു. എന്ത് കാര്യമായാലും അത് രണ്ടാമതൊന്ന് പരിശോധിക്കാതെ മാധ്യമപ്രവര്‍ത്തകര്‍ വാര്‍ത്തയാക്കരുതെന്ന് വത്തിക്കാന്‍ ഉപ വക്താവ് ഫാദര്‍ സീറോ ബെനെഡെറ്റിനി പറഞ്ഞു.

English summary
Pope Francis did not tell boy heaven has room for pets, contrary to report
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X