2മാസം പ്രായമുള്ള കുഞ്ഞിനെ പട്ടിണിയ്ക്കിട്ട് കൊന്ന നഗ്ന നര്ത്തകിയായ അമ്മ അറസ്റ്റില്
ന്യൂയോര്ക്ക്: രണ്ട് മാസം പ്രായമുള്ള ആണ്കുഞ്ഞിനെ പട്ടിണിയ്ക്കിട്ട് കൊന്ന സ്ട്രിപ്പറെ അറസ്റ്റ് ചെയ്തു. ബാറുകളില് നഗ്നനൃത്തം ചെയ്യുന്ന ബ്രിട്ടണി മാരി വെയ്സ്റ്റ് (21) എന്ന യുവതിയാണ് അറസ്റ്റിലായത്. ഇവരുടെ കുട്ടി മരിച്ച് പത്ത് മാസങ്ങള്ക്ക് ശേഷമാണ് അറസ്റ്റ്.
തന്റെ കാമുകനായ മിഖായേല് വിത്തേഴ്സിനൊപ്പമാണ് ബ്രിട്ടണിയുടെ താമസം രണ്ടാമതായി ജനിച്ച ആണ്കുഞ്ഞിനെയാണ് പരിപാലിയ്ക്കാതെയും ഭക്ഷണം നല്കാതെയും യുവതി കൊലപ്പെടുത്തിയത്. കാമുകനില് ഇവര്ക്ക് ജനിച്ച് കുഞ്ഞായിരുന്നില്ല കൊല്ലപ്പെട്ടത്.
ആനാകിന് ലിറോയ് മിഖായേല് വിത്തേഴ്സ് എന്നായിരുന്നു കൊല്ലപ്പെട്ട കുഞ്ഞിന്റെ പേര്. ഒരു ദിവസം പുലര്ച്ചെയാണ് കുഞ്ഞിനെ മരിച്ച നിലയില് കാണുന്നത്. യുവതിയുടെ കാമുകനാണ് ഇക്കാര്യം പൊലീസിനെ അറിയിക്കുന്നത്.
ജനിയ്ക്കുമ്പോള് ഉണ്ടായിരുന്ന ഭാരത്തെക്കാള് വളരെ കുറവായിരുന്നു മരിയ്ക്കുമ്പോള് കുഞ്ഞിനുണ്ടായിരുന്ന ഭാരം. പൊലീസ് നടത്തിയ അന്വേഷണത്തിലാണ് യുവതിയുടെ അവഗണനയാണ് കുട്ടിയുടെ മരണത്തിന് ഇടയാക്കിയതെന്ന് മനസിലായത്. അറസ്റ്റിലാകുമ്പോള് യുവതി മൂന്നാമതും ഗര്ഭിണിയാണ് .