ഓസ്കർ പുരസ്കാര വേദിക്ക് അകത്തും പുറത്തും ഗാസയ്ക്ക് പിന്തുണയുമായി പ്രതിഷേധം: സമാധാനം പുനഃസ്ഥാപിക്കണം
ഹോളിവുഡ്: ഗാസയില് ഇസ്രായേല് ആക്രമണം ശക്തമാക്കിക്കൊണ്ടിരിക്കെ ഗാസയ്ക്ക് പിന്തുണയുമായി ഓസ്കർ പുരസ്കാര വേദിക്ക് അകത്തും പുറത്തും പ്രതിഷേധം. ഇസ്രായേല് നടപടിക്കെതിരെ പ്രതിഷേധിച്ചുകൊണ്ട് പ്രതിഷേധക്കാർ ഡോള്ബി തിയേറ്ററിന് ചുറ്റും തടിച്ച് കൂടിയതോടെ ചില താരങ്ങള് വേദിയിലേക്ക് എത്താന് വൈകുകയും ചെയ്തു.
ഗാസയില് വെടിനിർത്തല് നടപ്പിലാക്കുക, ഇസ്രായേല് സൈന്യം പിന്മാറുക തുടങ്ങിയ പോസ്റ്ററുകള് ഉയർത്തിക്കൊണ്ടായിരുന്നു പ്രതിഷേധം. ബില്ലി എലിഷ്, ഫിന്നിയാസ്, അവാ ഡുവെർനെ, റാമി യൂസഫ് എന്നിവരുൾപ്പെടെ നിരവധി താരങ്ങള് ഗാസയ്ക്ക് പിന്തുണയുമായി ചുവന്ന റിബണ് അണിഞ്ഞായിരുന്നു വേദിയിലെത്തിയത്. സമാധാനം പുനഃസ്ഥാപിക്കാന് നടപടി വേണമെന്ന് താരങ്ങള് ആവശ്യപ്പെട്ടു.
ഞായറാഴ്ച ഉച്ചക്ക് മുതല് തന്നെ ഹോളിവുഡിലെ ഡോൾബി തീയറ്ററിന് ചുറ്റും ഗാസയ്ക്ക് പിന്തുണ പ്രഖ്യാപിച്ചുകൊണ്ട് ചെറുതും വലുതുമായ പ്രകടനങ്ങള് നടന്നിരുന്നു. ഇസ്രായേൽ-ഹമാസ് യുദ്ധത്തെക്കുറിച്ച് കുറഞ്ഞത് മൂന്ന് പ്രതിഷേധങ്ങളെങ്കിലും ഉണ്ടായിട്ടുണ്ടെന്നാണ് ലോസ് ഏഞ്ചൽസ് പോലീസ് ഡിപ്പാർട്ട്മെൻ്റിൻ്റെ മീഡിയ റിലേഷൻസ് വിഭാഗം മേധാവി ക്യാപ്റ്റൻ കെല്ലി മുനിസിനെ ഉദ്ധരിച്ച് ദ ന്യൂയോർക്ക് ടൈംസ് റിപ്പോർട്ട് ചെയ്യുന്നത്.
ഡോൾബി തിയറ്ററിൽ നിന്ന് ഒരു മൈൽ അകലെയുള്ള സിനിമാ തിയേറ്ററായ സിനിരാമ ഡോമിന് സമീപം നടന്ന ഏറ്റവും വലിയ പ്രകടനത്തിൽ 500 നും 700 നും ഇടയിൽ പ്രതിഷേധക്കാർ ഉണ്ടായിരുന്നുവെന്നും പൊലീസ് വ്യക്തമാക്കുന്നു. സിനിമാ പ്രവർത്തകരും പ്രതിഷേധത്തിന്റെ ഭാഗമായിരുന്നു. 'സംഘർഷം അവസാനിപ്പിക്കാൻ യുഎസ് സർക്കാരിൽ സമ്മർദ്ദം ചെലുത്തുമെന്ന് താൻ പ്രതീക്ഷിക്കുന്നു.' പ്രതിഷേധത്തിൽ, "ഫ്രീ പലസ്തീൻ" എന്ന് എഴുതിയ ഒരു ബോർഡ് പിടിച്ചിരുന്ന ഒരു സ്വതന്ത്ര ചലച്ചിത്ര നിർമ്മാതാവ് ലോറ ഡെൽഹോവർ പറഞ്ഞു.
"ഞങ്ങള് കഠിനാധ്വാനം ചെയ്ത നല്കുന്ന ഡോളർ നിരപരാധികളായ സാധാരണക്കാരുടെ കൊലപാതകത്തിന് നൽകുമെന്ന് അറിയുമ്പോൾ എന്റെ ഹൃദയം തകരുന്നു," ലോറ ഡെൽഹോവർ. പ്രതിഷേധം കണക്കിലെടുത്ത് വലിയ സുരക്ഷാ പരിശോധന നടപടികളും ലോസ് ഏഞ്ചല്സ് പൊലീസ് നടപ്പിലാക്കിയിരുന്നു.പ്രതിഷേധവുമായി ബന്ധപ്പെട്ട് ഒരു പോലീസ് ഉദ്യോഗസ്ഥനെ മർദ്ദിച്ചതിന് പോലീസ് ഡിപ്പാർട്ട്മെൻ്റ് ഒരാളെ അറസ്റ്റ് ചെയ്തിട്ടുണ്ടെന്നും ക്യാപ്റ്റൻ മുനിസ് പറഞ്ഞു.
അതേസമയം, 96ാമത് ഓസ്കർ പുരസ്കാര പ്രഖ്യാപനത്തില് മികച്ച മികച്ച സഹനടനുള്ള പുരസ്കാരം നേടി റോബർട്ട് ഡൌണി. ഓപ്പണ്ഹെയ്മർ എന്ന ചിത്രത്തിലെ അഭിനയമാണ് താരത്തിന് പുരസ്കാരം നേടിക്കൊടുത്തത്. ദ ഹോൾഡോവേഴ്സ് എന്ന ചിത്രത്തിലെ പ്രകടനത്തിന് ഡേവൈൻ ജോയ് റാൻഡോൾഫ് നല്ല സഹനടിയായി തെരഞ്ഞെടുക്കപ്പെട്ടു. തിരക്കഥാ ഒറിജിനൽ വിഭാഗത്തിൽ അനാട്ടമി ഓഫ് എ ഫോളിനും അവലംബിത തിരക്കഥാ വിഭാഗത്തിൽ അമേരിക്കൻ ഫിക്ഷനും ആണ് പുരസ്കാരം നേടിയത്
-
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും!
Click it and Unblock the Notifications
Sign in with Google