ആണവകരാറില് നിന്ന് യുഎസ് പിന്മാറിയാല് പിന്നെയുണ്ടാവുക യുദ്ധം: മാക്രോണ്
ഫ്രാന്സ്: ഇറാനുമായുള്ള ആണവ കരാറില് നിന്ന് അമേരിക്കന് പ്രസിഡന്റ് ഡൊണാള്ഡ് ട്രംപ് ഏകപക്ഷീയമായി പിന്മാറുകയാണെങ്കില് യുദ്ധമായിരിക്കും അതിന്റെ പരിണിത ഫലമെന്ന് ഫ്രഞ്ച് പ്രസിഡന്റ് ഇമ്മാന്വല് മാക്രോണ്. ദേര് സ്പീഗലുമായി നടത്തിയ അഭിമുഖത്തിലാണ് കരാറില് നിന്നുള്ള പിന്മാറ്റം ഗുരുതരമായ പ്രത്യാഘാതങ്ങള്ക്ക് ഇടവരുത്തുമെന്ന് അദ്ദേഹം മുന്നറിയിപ്പ് നല്കിയത്. ട്രംപ് യുദ്ധം ആഗ്രഹിക്കുന്നുവെന്ന് താന് കരുതുന്നില്ലെങ്കിലും ആഭ്യന്തര സമ്മര്ദ്ദങ്ങളുടെ ഫലമായി കരാറില് നിന്ന് അദ്ദേഹം പിന്മാറാനാണ് സാധ്യതയെന്നും മാക്രോണ് അഭിപ്രായപ്പെടുകയുണ്ടായി.
കരാറില് നിന്നുള്ള പിന്മാറ്റം തല്ക്കാലത്തേക്ക് നല്ലതായി തോന്നുമെങ്കിലും ദീര്ഘകാലാടിസ്ഥാനത്തില് അതിന് വലിയ വിലകൊടുക്കേണ്ടിവരും. അത് മണ്ടന് തീരുമാനമായിരുന്നുവെന്ന് ബോധ്യപ്പെടാന് അധിക സമയം വേണ്ടിവരില്ലെന്നും അദ്ദേഹം വ്യക്തമാക്കി.
നേരത്തേ അമേരിക്കന് കോണ്ഗ്രസിന്റെ സംയുക്ത സമ്മേളനത്തില് ഇറാനുമായുണ്ടാക്കിയ ആണവ കരാറില് നിന്ന് പിന്മാറാനുള്ള ട്രംപിന്റെ നീക്കം ഉപേക്ഷിക്കണമെന്ന് അദ്ദേഹം പറഞ്ഞിരുന്നു. ആണവ കരാര് ഉപേക്ഷിക്കുന്നതിലൂടെ മിഡിലീസ്റ്റിലെ പഴയ അബദ്ധങ്ങള് അമേരിക്ക ആവര്ത്തിക്കരുത്. യു.എസ്സിനു ഫ്രാന്സിനും പുറമെ, റഷ്യ, ചൈന, ജര്മനി, യൂറോപ്യന് യൂനിയന് തുടങ്ങിയവര് ചേര്ന്നുണ്ടാക്കിയ കരാറില് നിന്ന് ഏകപക്ഷീയമായി പിന്മാറുന്നത് ശരിയല്ലെന്നും മാക്രോണ് പറയുകയുണ്ടായി.
ആണവ കരാര് പൂര്ണമായി ഉപേക്ഷിക്കുന്നതിന് പകരം ഇറാന് ആണവായുധം ഒരിക്കലും വികസിപ്പിക്കില്ലെന്നും ബാലിസ്റ്റിക് മിസൈല് പദ്ധതി ഉപേക്ഷിക്കുമെന്നും മേഖലയിലെ മറ്റു രാജ്യങ്ങളില് ഇടപെടില്ലെന്നും ഉറപ്പുവരുത്തുന്ന രീതിയിലുള്ള മാറ്റങ്ങള് അതില് വരുത്തിയാല് മതിയെന്നാണ് മാക്രോണിന്റെ നിലപാട്. അതേസമയം, കരാറില് ഒപ്പുവച്ച യൂറോപ്യന് യൂനിയന്, റഷ്യ, ചൈന, ബ്രിട്ടന് എന്നീ രാജ്യങ്ങളും കരാറുമായി മുന്നോട്ടുപോവണമെന്ന് വ്യക്തമാക്കിയിട്ടുണ്ട്.
-
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
മോണാലിസയ്ക്ക് പ്രായം പതിനേഴോ പതിനെട്ടോ? സോഷ്യല് മീഡിയയില് ചര്ച്ച: മറുപടിയുമായി ദമ്പതികള് -
'രസികനി'ലെ ആ വികൃതിപ്പയ്യൻ; നടൻ ഹരിമുരളിയെ മരിച്ച നിലയിൽ കണ്ടെത്തി -
വെള്ളാപ്പള്ളി തെറിച്ചു..! എസ്എന്ഡിപി ജനറല് സെക്രട്ടറി സ്ഥാനത്തുനിന്ന് മാറ്റി ഹൈക്കോടതി -
സ്വർണ വില ഉച്ചയ്ക്കും ഇടിഞ്ഞു; മഞ്ഞലോഹത്തിൻ്റെ കുതിപ്പ് തീർന്നോ? ഇനി വിലക്കുറവിൻ്റെ നാളുകളോ? -
"രാജ്യം സുരക്ഷിതമായ കൈകളിൽ"; പ്രധാനമന്ത്രിയെ പുകഴ്ത്തി മോഹൻലാൽ -
പാചകവാതക ക്ഷാമത്തില് നില്ക്കില്ല.. ഇനി പെട്രോളും ഡീസലും കിട്ടില്ല! കാരണം മോദിയുടെ നയമെന്ന് ഐസക് -
അമ്പലപ്പുഴയിൽ വിഎസിന്റെ മകൻ വിഎ അരുൺ കുമാറിനെ ഇറക്കാൻ സിപിഎം; ലക്ഷ്യം ജി സുധാകരനോ? -
ദേശീയപാത 66; ചർക്കള-നീലേശ്വരം, നീലേശ്വരം-തളിപ്പറമ്പ് റീച്ചുകളുടെ പ്രവർത്തനം അന്തിമഘട്ടത്തിലേക്ക് -
ജി സുധാകരൻ സിപിഎം വിട്ടു, സ്വതന്ത്രനായി മത്സരിക്കും; 'കോൺഗ്രസിന്റെയോ ബിജെപിയുടെയോ പിന്തുണ തേടില്ല' -
പെരുമ്പാവൂർ ‘സസ്പെൻസിൽ’; പാലക്കാട് രാഹുലിന് പകരം ആര് വരും? തീരുമാനമാകാതെ നേമം മണ്ഡലവും -
കേരളം കത്തുന്നു! താപനില കുതിച്ചുയരുന്നു; പുറത്തിറങ്ങുന്നവർ സൂക്ഷിക്കുക
Click it and Unblock the Notifications
Sign in with Google