സൗദി കിരീടാവകാശിക്കു പിന്നാലെ ഖത്തര് അമീറും യുഎസ്സില്; ഏപ്രിൽ 10ന് ട്രംപിനെ കാണും
വാഷിംഗ്ടണ്: സൗദി കിരീടാവകാശി മുഹമ്മദ് ബിന് സല്മാന്റെ അമേരിക്കന് സന്ദര്ശനത്തിന് പിന്നാലെ ഖത്തര് അമീര് തമീം ബിന് ഹമദ് അല്ഥാനിയും യു.എസ്സിലെത്തി. ആദ്യ ദിവസം ഫ്ളോറിഡയിലെത്തിയ ഖത്തര് അമീര് യു.എസ് സെന്ട്രല് കമാന്റ് കമാന്ഡര് ജനറല് ജോസഫ് വോട്ടെലുമായി കൂടിക്കാഴ്ച നടത്തി. ഇരുരാജ്യങ്ങളും തമ്മിലുള്ള സൈനിക സഹകരണം കൂടുതല് ശക്തിപ്പെടുത്തുന്നതിനെ കുറിച്ച് ഇരുനേതാക്കളും ചര്ച്ച നടത്തി.
ഖത്തറിലെ യുഎസ് വ്യോമതാവളം ഉപേക്ഷിക്കുന്നതിനെ കുറച്ച് യുഎസ് ആലോചിച്ചുവരികയാണെന്ന വാര്ത്തകള്ക്കിടയിലാണ് ഖത്തര് അമീറും യുഎസ് കമാന്ഡറും തമ്മില് കൂടിക്കാഴ്ച നടന്നത്. വാര്ത്ത അമേരിക്കന് സൈന്യം നിഷേധിച്ചിരുന്നു.വ്യോമതാവളമായ മക്ക്ഡില് വിമാനത്താവളത്തില് ഇറങ്ങിയ ഖത്തര് അമീറിനെ ജോസഫ് വോട്ടെലിനു പുറമെ, ഖത്തര് അംബാസഡര്, മറ്റ് മുതിര്ന്ന സൈനിക ഉദ്യോഗസ്ഥര് തുടങ്ങിയവര് ചേര്ന്ന് സ്വീകരിച്ചു. അമേരിക്കന് പ്രസിഡന്റ് ഡൊണാള്ഡ് ട്രംപുമായി ഏപ്രില് 10ന് ഖത്തര് അമീര് കൂടിക്കാഴ്ച നടത്തും.
ഖത്തര് ഉപരോധം ഉള്പ്പെടെയുള്ള വിഷയങ്ങള് ചര്ച്ച ചെയ്യുന്നതിനായാണ് ഖത്തര് അമീര് ട്രംപിനെ കാണുന്നത്. ഖത്തറിനെതിരായ ഉപരോധത്തിന്റെ പശ്ചാത്തലത്തില് ഉടലെടുത്ത ഗള്ഫ് പ്രതിസന്ധി പരിഹരിക്കുന്നതിന്റെ ഭാഗമായി അമേരിക്കന് പ്രസിഡന്റ് ഡൊണാള്ഡ് ട്രംപ് വാഷിംഗ്ടണ് ഡി സയില് ഏപ്രില് ആദ്യത്തില് വിളിച്ചു ചേര്ക്കാനിരുന്ന ഗള്ഫ് ഉച്ചകോടി നീട്ടിവയ്ക്കേണ്ടി വന്നിരുന്നു. ഗള്ഫ് രാഷ്ട്രത്തലവന്മാര് തമ്മിലുള്ള അനുരഞ്ജന ചര്ച്ചയില് പുരോഗതിയുണ്ടാവാത്തതിനെ തുടര്ന്നായിരുന്നു ഇത്.
യു.എസ് സന്ദര്ശനത്തിനെത്തിയ സൗദി കിരീടാവകാശിയുമായും ഈ വിഷയം ട്രംപ് ചര്ച്ച നടത്തിയിരുന്നു. ഖത്തര് ഉള്പ്പെടെയുള്ളവരുമായി ചര്ച്ചയ്ക്ക് അദ്ദേഹം സന്നദ്ധത അറിയിച്ചതായാണ് വിവരം. ഉപരോധത്തെ കുറിച്ച് ചര്ച്ചയ്ക്ക് സന്നദ്ധമാണെന്ന് ഖത്തര് അമീര് നേരത്തേ വ്യക്തമാക്കിയിരുന്നുവെങ്കിലും ചര്ച്ചയ്ക്കില്ലെന്ന നിലപാടിലായിരുന്നു സൗദി-യു.എ.ഇ സഖ്യത്തിന്റെ നിലപാട്. ഗള്ഫ് പ്രതിസന്ധിക്ക് ഒരു മാസത്തിനകം തന്നെ ട്രംപ് പരിഹാരം കാണുമെന്ന് യു.എസ് ദേശീയ സുരക്ഷാ സമിതി വക്താവ് കഴിഞ്ഞ ദിവസം വ്യക്തമാക്കിയിരുന്നു. ഇതിന്റെ ഭാഗമായി അബൂദബി കിരീടാവകാശി ശെയ്ഖ് മുഹമ്മദ് ബിന് സായിദുമായി അടുത്ത ദിവസം ട്രംപ് ചര്ച്ച നടത്തും.
-
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
ജയിച്ചാല് നാല് സ്വതന്ത്രര് യുഡിഎഫിനൊപ്പം നില്ക്കുമെന്ന് സതീശന്; സിപിഎം നേതാക്കളും പിന്തുണക്കും -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ? -
യുഎസിനെ ഇറാൻ സംഘർഷത്തിലേക്ക് വലിച്ചിഴച്ചത് ഇസ്രായേൽ അല്ലെന്ന് നെതന്യാഹു; 'യുദ്ധം വേഗം അവസാനിക്കും' -
ഇറാന് യുദ്ധം സൗദികളെ സമ്പന്നരാക്കും.. എന്നാലും സന്തോഷിക്കാന് വകയില്ല; കാരണമിത് -
ജി സുധാകരന് പിന്തുണ അറിയിച്ച് കോൺഗ്രസ്; ഇന്ന് മുതൽ പ്രചാരണത്തിന് കൂടെയിറങ്ങും, നേരിടാൻ ഇടതും -
ടിവികെയ്ക്ക് തിരിച്ചടി; പ്രമുഖ വനിതാ നേതാവ് പാർട്ടിവിട്ട് ഡിഎംകെയിൽ, വിജയ്ക്ക് നേരെ രൂക്ഷ വിമർശനവും -
ഇടത് മാറി, വലത് തിരിഞ്ഞ്... അഞ്ച് വർഷം കൊണ്ട് ഗ്രാമങ്ങളിലും നഗരങ്ങളിലും സംഭവിച്ചത്... -
50000 ത്തില് താഴെയാണോ അടിസ്ഥാന ശമ്പളം.! 15 ലക്ഷം വരെ ശമ്പള കുടിശ്ശിക ലഭിക്കും, എങ്ങനെയെന്നോ? -
സ്വര്ണം വില്ക്കാനുള്ള സമയമല്ല.. ഇപ്പോഴാണ് വാങ്ങിവെക്കേണ്ടത്..! വില കൂടാന് ഇനിയും സമയമുണ്ട്
Click it and Unblock the Notifications
Sign in with Google