Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
ഖത്തറിന്റെ പിന്‍മാറ്റം; ഒപെകിന്റെ പ്രാധാന്യം കുറയും, സൗദിയും റഷ്യയും ഒറ്റപ്പെടും
ലണ്ടന്‍: ഒപെകില്‍ നിന്ന് പിന്‍മാറുകയാണെന്ന ഖത്തറിന്റെ പ്രഖ്യാപനം സൗദിക്കും റഷ്യയ്ക്കും കനത്ത തിരിച്ചടിയാകുമെന്ന് വിലയിരുത്തല്‍. കൂടുതല്‍ രാജ്യങ്ങള്‍ ഖത്തറിന്റെ മാതൃകയില്‍ ഏകപക്ഷീയ പിന്‍മാറ്റം പ്രഖ്യാപിക്കുമോ എന്നാണ് ആശങ്ക. ഗള്‍ഫ് മേഖലയില്‍ ഒറ്റപ്പെട്ടുനില്‍ക്കുന്ന ഖത്തര്‍ സ്വന്തമായി ശക്തമായ സാമ്പത്തിക അച്ചടക്ക നടപടികള്‍ സ്വീകരിക്കുകയാണ്. ഈ വേളയിലാണ് സൗദി സഖ്യരാജ്യങ്ങള്‍ക്ക് തിരിച്ചടിയായേക്കാവുന്ന തീരുമാനം തിങ്കളാഴ്ച ഖത്തര്‍ ഊര്‍ജ മന്ത്രി പ്രഖ്യാപിച്ചത്.
നിലവില്‍ എണ്ണവിലയും ഉല്‍പ്പാദനവുമെല്ലാം നിയന്ത്രിക്കുന്നതില്‍ പ്രധാന പങ്കാണ് ഒപെകിന്. ഒപെകിലെ പ്രധാന രാജ്യം സൗദി അറേബ്യയാണ്. ഒപെക് ഇതര എണ്ണ ഉല്‍പ്പാദക രാജ്യങ്ങളില്‍ പ്രമുഖ രാജ്യം റഷ്യയാണ്. ഇനി എണ്ണ കാര്യങ്ങളില്‍ തീരുമാനമെടുക്കാന്‍ ഈ രണ്ട് രാജ്യങ്ങള്‍ മാത്രമാകുമോ എന്ന ആശങ്കയാണ് വിപണിയില്‍.
1961 മുതല്‍ ഒപെക് അംഗമാണ് ഖത്തര്‍. എണ്ണ ഉല്‍പ്പാദനത്തില്‍ മറ്റു രാജ്യങ്ങളെ അപേക്ഷിച്ച് ഖത്തറിന് മുഖ്യ പങ്കില്ലെങ്കിലും ഒരു രാജ്യം വിട്ടുപോകുന്നത് സംഘടനയുടെ കെട്ടുറപ്പിനെ ബാധിക്കും. 2022 ആകുമ്പോഴേക്കും 60 ലക്ഷം ബാരല്‍ എണ്ണ ഉല്‍പ്പാദിപ്പിക്കാനാണ് ഖത്തറിന്റെ തീരുമാനം. കൂടാതെ ലോകത്ത് ഏറ്റവും കൂടുതല്‍ പ്രകൃതി വാതകം കൈവശമുള്ള രാജ്യവും ഖത്തറാണ്.
ഡിസംബര്‍ ആറിന് ഒപെകിന്റെ നിര്‍ണയാക യോഗം വിയന്നയില്‍ നടക്കുകയാണ്. എണ്ണവില പിടിച്ചുനിര്‍ത്താന്‍ സൗദിയും റഷ്യയും തീരുമാനിച്ചിട്ടുണ്ട്. ഒക്ടോബറില്‍ എണ്ണവില ബാരലിന് 86 ഡോളറായിരുന്നു. ഇപ്പോള്‍ വില 60 ഡോളറിലെത്തി. ഈ സാഹചര്യത്തില്‍ ഉല്‍പ്പാദനം കുറയ്ക്കാനാണ് സൗദിയുടെയും റഷ്യയുടെയും തീരുമാനം. അതിനിടെയാണ് കൂടുതല്‍ ഉല്‍പ്പാദനം നടത്തുക എന്ന ലക്ഷ്യത്തോടെ ഖത്തര്‍ സംഘടനയില്‍ നിന്ന് പിന്‍മാറുന്നത്.
