ഭീഷണിയായി മാറിയ ഡ്രൈവറെ സിനിമ സ്റ്റൈലില് പിടികൂടി ദുബായ് പൊലീസ്
ദുബായ്: വാഹനയാത്രക്കാര്ക്ക് ഭീഷണിയായി മാറിയ ഡ്രൈവറെ പൊലീസ് അറസ്റ്റ് ചെയ്തു. അറസ്റ്റ് എന്ന് വെറുതെ പറഞ്ഞാല് പോരെ സിനിമ സ്റ്റൈലിലുള്ള കാര് ചേസിലൂടെയാണ് ഈ ഡ്രൈവറെ പിടികൂടാന് കഴിഞ്ഞത് . വാഹനം നിര്ത്താന് പൊലീസ് ആവശ്യപ്പെട്ടിട്ടും യാതൊരു കൂസലുമില്ലാതെ വെട്ടിച്ച് കടക്കുകയായിരുന്നു ഡ്രൈവര് .
പട്രോളിംഗ് സംഘമാണ് ഏറെ അപകടകാരിയായ ഈ ഡ്രൈവറെ കണ്ടത് . മറ്റ് വാഹനങ്ങളെ ഇടിയ്ക്കുന്ന തരത്തിലായിരുന്നു ഡ്രൈവിംഗ് . ഏത് നിമിഷവും ഒരു അപകടം ഉണ്ടായേക്കാം എന്ന് ഭയന്നാണ് പൊലീസ് ഇയാളെ പിന്തുടര്ന്നത് .
ഒരുവിധത്തിലും ഡ്രൈവറെ പിടികൂടാന് കഴിയുന്നില്ലെന്ന് മനസിലാക്കിയ പൊലീസ് പിന്നീട് കൂടുതല് പട്രോളിംഗ് സംഘങ്ങളെ വിളിച്ച് വരുത്തുകയായിരുന്നു . മൂന്ന് പട്രോളിംഗ് സംഘങ്ങള് മണിയ്ക്കൂറുകള് പിന്തുടര്ന്നാണ് യുവാവിനെ പിടികൂടിയത് .
ഇയാള് നാല് ദിവസം പൊലീസ് കസ്റ്റഡിയിലായിരിയ്ക്കും. മറ്റ് യാത്രക്കാരുടെ ജീവന് അപകടത്തിലാക്കുന്ന ഡ്രൈവറുടെ പെരുമാറ്റമാണ് അയാളെ പൊലീസ് പിടിയിലാക്കാന് കാരണമായത് . നിഷ്കളങ്കരായ ആളുകളുടെ മരണത്തിന് ഇടയാക്കാന് ഇതുപോലുള്ള ഡ്രൈവര്മാരെ അനുവദിയ്ക്കില്ലെന്ന് പൊലീസ് പറഞ്ഞു .
Click it and Unblock the Notifications
Sign in with Google