നഈം ഖാസിം ഹസൻ നസ്റുല്ലയുടെ പിൻഗാമ? ഖാസിമിനെ ഹിസ്ബുള്ള തിരഞ്ഞെടുത്തതായി റിപ്പോർട്ട്
ബെയ്റൂട്ട്: സെപ്റ്റംബർ 27 ന് ബെയ്റൂട്ടിൽ ഇസ്രായേൽ വ്യോമാക്രമണത്തിൽ കൊല്ലപ്പെട്ട മുൻമേധാവി ഹസൻ നസ്റുല്ലയുടെ പിൻഗാമിയായി നഈം ഖാസിമിനെ ഹിസ്ബുള്ള തിരഞ്ഞെടുത്തതായി റിപ്പോർട്ട്. സെക്രട്ടറി ജനറലിനെ തിരഞ്ഞെടുക്കുന്നതിന്റെ സ്ഥാപിത സംവിധാനത്തിന് അനുസൃതമായി ഹിസ്ബുള്ളയുടെ ഷൂറ കൗൺസിൽ 71 കാരനായ ഖാസിമിനെ തിരഞ്ഞെടുത്തുവെന്ന് സംഘടനയുടെ പ്രസ്താവനയിൽ പറയുന്നു.
1991 സായുധ സംഘത്തിന്റെ അന്നത്തെ സെക്രട്ടറി ജനറൽ അബ്ബാസ് അൽ മുസാവിയാണ് ഖാസിയെ ഹിസ്ബുള്ളയുടെ ഡെപ്യൂട്ടി ചീഫായി നിയമിച്ചത്. നസ്റുല്ല നേതാകുമ്പോഴും ഖാസീം ആ പദവിയിൽ തുടർന്നു. ഇസ്ലാമിക പണ്ഡിതനായ അയത്തുള്ള മുഹമ്മദ് ഹുസൈൻ ഫദ്ലല്ലയുടെ കീഴിൽ പഠിക്കുന്നതിനിടയിൽ 1970 കളിൽ ലെബനീസ് യൂണിവേഴ്സിറ്റിയിൽ ഖാസിം കെമിസ്ട്രിയിൽ ബിരുദം പൂർത്തിയാക്കി.
1974 മുതൽ 1988 വരെ അസോസിയേഷൻ ഫോർ ഇസ്ലാമിക് റിലീജിയസ് എജ്യുക്കേഷൻ തലവനായി സേവനം അനുഷ്ഠിച്ച ഖാസിം മുസ്ലിം വിദ്യാർത്ഥികളുടെ ലെബനീസ് യൂണിയൻ സ്ഥാപിക്കുന്നതിൽ പ്രധാന പങ്കുവഹിച്ചു. തന്റെ കരിയറിൽ ഉടനീളം ഹിസ്ബുള്ളയുടെ വിപുലമായ സ്കൂളുകളുടെ ശൃംഖലയിൽ ഖാസിം ഒരു മേൽനോട്ട ചുമതല നിലനിർത്തി.
Click it and Unblock the Notifications
Sign in with Google