ബ്രിട്ടീഷ് പ്രധാനമന്ത്രി പദത്തിലേക്ക് ഇന്ത്യന് വംശജന് ഋഷി സുനക്; ചരിത്ര നേട്ടം
ലണ്ടന്:ഇന്ത്യന് വംശജനായ ഋഷി സുനക് ബ്രിട്ടീഷ് പ്രധാനമന്ത്രിയാകും. അദ്ദേഹത്തിന്റെ എതിരാളി പെന്നി മോര്ഡന്റ് മത്സര രംഗത്ത് നിന്ന് പിന്മാറി. ഇതോടെയാണ് ഋഷി സുനകിന് പ്രധാനമന്ത്രിയാകാനുള്ള അവസരം വന്നത്. ബ്രിട്ടീഷ് പ്രധാനമന്ത്രി പദത്തില് എത്തുന്ന ആദ്യ ഇന്ത്യന് വംശജനാണ് അദ്ദേഹം.
മതിയായ പിന്തുണ ലഭിക്കാത്തതിനെ തുടര്ന്നാണ് പെന്നി മോര്ഡന്റ് മത്സരരംഗത്ത് നിന്ന് പിന്മാറിയതെന്നാണ് വിവരം. ബോറിസ് ജോണ്സന്റെ രാജിക്ക് പിന്നാലെ ഋഷി സുനക് പ്രധാനമന്ത്രിസ്ഥാനത്തേക്ക് എത്തുമെന്ന് റിപ്പോര്ട്ടുകള് ഉണ്ടായിരുന്നു. എന്നാല് അവസാനം നിമിഷം ഋഷി പിന്തള്ളപ്പെടുകയായിരുന്നു. ബോറിസിന് പകരമായി ലിസ് ട്രസ് ആണ് പ്രധാനമന്ത്രി പദവിയിലേക്ക് എത്തിയത്.
കണ്സര്വേറ്റീവ് പാര്ട്ടിയ്ക്കുള്ളില് നടന്ന തിരഞ്ഞെടുപ്പില് ലിസ് ഋഷിയെ പരാജയപ്പെടുത്തുകയായിരുന്നു. എന്നാല് ഓക്ടോബര് 20 ന് ലിസ് പ്രധാനമന്ത്രി സ്ഥാനം രാജിവെച്ചു. പദവിയില് എത്തി ഒന്നര മാസത്തിവുള്ളിലാണ് ലിസ് രാജിവെച്ചത്. ഇതോടെയാണ് ചരിത്രപരമായ നേട്ടത്തിലേക്ക് എത്തുവാന് ഋഷി സുനകിന് കഴിഞ്ഞിരിക്കുന്നത്. 142 അംഗങ്ങളുടെ പിന്തുണ ഋഷിയ്ക്ക് ഉണ്ട്.
Click it and Unblock the Notifications
Sign in with Google