ഓസ്കാര് ജേതാവ് റോബിന് വില്യംസ് ആത്മഹത്യ ചെയ്തു
ലോസ് ആഞ്ജലസ്: ഓസ്കാര് ജേതാവായ ഹോളിവുഡ് നടന് റോബിന് വില്യംസിനെ കാലിഫോര്ണിയയിലെ വസതിയില് മരിച്ച നിലയില് കണ്ടെത്തി. ആത്മഹത്യയാണെന്നാണ് കരുതുന്നതെന്ന് പോലീസ് അറിയിച്ചു.
ഹോളിവുഡിലെ തമാശക്കാരനായിരുന്നു റോബിന് വില്യംസ്. തനത് ഹാസ്യത്തിലൂടെ അഭിനയകലയിലെ ഏറ്റവും വലിയ പുരസ്കാരം വരെ സ്വന്തമാക്കിയ താരം.അറുപത്തി മൂന്നാം വയസ്സിലാണ് റോബിന് വില്യംസിന്റെ മരണം. അടുത്തിടെയായി കടുത്ത വിഷാദ രോഗത്തിന് അദ്ദേഹം അടിമയായിരുന്നു എന്നാണ് വിവരം.
അമേരിക്കയിലെ ഏറ്റവും പ്രിയപ്പെട്ട ഹാസ്യതാരമായിരുന്നു വില്യംസ്. മോര്ക്ക് ആന്ഡ് മിന്ഡി എന്ന ടെലിവിഷന് പരിപാടിയിലൂടെയാണ് വില്യംസ് ജനശ്രദ്ധ ആകര്ഷിക്കുന്നത്. പിന്നീട് ഹോളിവുഡ് സിനിമകളിലും അദ്ദേഹം ശ്രദ്ധേയമായ വേഷങ്ങള് ചെയ്തു.
1997 ല് പുറത്തിറങ്ങിയ ഗുഡ് വില് എന്ഡിങ് എന്ന ചിത്രത്തിലെ പ്രകടനത്തിനാണ് മികച്ച സഹനടനുള്ള ഓസ്കാര് പുരസ്കാരം വില്യംസിന് ലഭിക്കുന്നത്. ഗുഡ് മോണിങ് വിയറ്റ്നാം, ഡെഡ് പോയെറ്റ്സ് സൊസൈറ്റി് തുടങ്ങിയവയാണ് റോബിന് വില്യംസിന്റെ പ്രധാനപ്പെട്ട മറ്റ് ചിത്രങ്ങള്.
1951 ലായിരു റോബിന് വില്യംസ് ജനിച്ചത്. മൂന്ന് വിവാഹങ്ങള് കഴിച്ചിട്ടുണ്ട് വില്യംസ്. മൂന്ന് കുട്ടികളും ഉണ്ട്. ഇടക്കാലത്ത് കൊക്കെയിന് അടിമയായിരുന്നു. എന്നാല് അടുത്ത സുഹൃത്തുക്കളുടെ മരണത്തെ തുടര്ന്ന് മദ്യവും മയക്കുമരുന്നും അദ്ദേഹം ഉപേക്ഷിച്ചു