കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സൗദിയിലെത്തി കിരീടാവകാശിക്ക് മദ്യം വിളമ്പുമെന്ന് യുഎസ് സിനിമാതാരം; വിവാദമായപ്പോള്‍ പോസ്റ്റ് തിരുത്തി

  • By Desk
Google Oneindia Malayalam News

ന്യുയോര്‍ക്ക്: സൗദി അറേബ്യ സന്ദര്‍ശിച്ച് കിരീടാവകാശി മുഹമ്മദ് ബിന്‍ സല്‍മാനും കുടുംബത്തിനും തന്റെ ഇഷ്ട മദ്യമായ ടെക്വില വിളമ്പുമെന്ന അമേരിക്കന്‍ സിനിമാ താരത്തിന്റെ പോസ്റ്റിനെ ചൊല്ലി വിവാദം. മദ്യം ഹറാമായ സൗദിയില്‍ ചെന്ന് കിരീടാവകാശിക്ക് തന്നെ മദ്യം വിളമ്പുമെന്ന ഡ്വെയിന്‍ 'ദി റോക്ക്' ജോണ്‍സന്റെ സോഷ്യല്‍ മീഡിയ പോസ്റ്റാണ് പുതിയ വിവാദത്തിന് തിരികൊളുത്തിയിരിക്കുന്നത്. സംഭവം പുകിലാവുമെന്ന് കണ്ടപ്പോള്‍ ഇന്‍സ്റ്റഗ്രാമിലെ മദ്യ പരാമര്‍ശം തിരുത്തി. പക്ഷെ, ഫെയ്‌സ്ബുക്ക് പോസ്റ്റില്‍ അത് മാറ്റമില്ലാതെ കിടക്കുന്നുണ്ടെന്നാണ് റിപ്പോര്‍ട്ട്.

ഇക്കഴിഞ്ഞ അമേരിക്കന്‍ സന്ദര്‍ശനത്തിനിടെ സൗദി കിരീടാവകാശി പങ്കെടുത്ത ഒരു ചടങ്ങില്‍ മദ്യസല്‍ക്കാരം നടന്നുവെന്ന സൂചന കൂടി നല്‍കുന്നതാണ് സിനിമാതാരത്തിന്റെ പോസ്റ്റ്. മാധ്യമ ഭീമന്‍ റൂപര്‍ട്ട് മര്‍ഡോക്ക് ഒരുക്കിയ ചടങ്ങില്‍ സിനിമാ താരത്തിനു പുറമെ, വാര്‍ണര്‍ ബ്രോസ് സി.ഇ.ഒ കെവിന്‍ സുജിഹാര, നാഷനല്‍ ജ്യോഗ്രഫിക് സി.ഇ.ഒ കോര്‍ട്‌നി മണ്‍റോ, സിനിമാ സംവിധായകന്‍ ജെയിംസ് കാമറൂണ്‍, നടന്‍ മോര്‍ഗന്‍ ഫ്രീമാന്‍ തുടങ്ങിയ നിരവധി പ്രമുഖര്‍ പങ്കെടുത്തിരുന്നു. ഇതേക്കുറിച്ച് ജോണ്‍സണ്‍ എഴുതിയ കുറിപ്പാണ് ഇപ്പോള്‍ വിവാദമായിരിക്കുന്നത്.

jondon

കിരീടാവകാശി കുടുംബസമേതം പങ്കെടുത്ത ലോസ് ആഞ്ചലസിലെ വിരുന്നിനെ വര്‍ണിച്ചെഴുതിയ പോസ്റ്റിന്റെ അവസാന ഭാഗത്താണ് തനിക്കേറ്റവും ഇഷ്ടപ്പെട്ട ടെക്വിലയുമായി സൗദിയില്‍ ചെന്ന് കിരീടാവകാശിയെയും കുടുംബത്തെയും കാണുമെന്ന് അദ്ദേഹം കുറിച്ചത്. മദ്യപാനം നിയമം മൂലം വിലക്കപ്പെട്ട സൗദി അറേബ്യയില്‍ മദ്യവുമായി പോവുമെന്ന അദ്ദേഹത്തിന്റെ പരാമര്‍ശം വിവാദത്തിന് തിരികൊളുത്തുകയായിരുന്നു.

മദ്യം കൈവശം വച്ചാല്‍ ചാട്ടവാറടിയാണ് സൗദിയില്‍ ശിക്ഷ. പോസ്റ്റിനെതിരേ ശക്തമായ പ്രതികരണങ്ങളാണ് അദ്ദേഹത്തിന്റെ സോഷ്യല്‍ മീഡിയ അക്കൗണ്ടുകളില്‍ നിറഞ്ഞത്. സൗദി സഖ്യം യമനില്‍ നടത്തുന്ന കൂട്ടക്കൊലയെയും സൗദിയില്‍ സ്ത്രീകള്‍ അനുഭവിക്കുന്ന വിവേചനവുമെല്ലാം പ്രതികരണങ്ങളില്‍ ചര്‍ച്ചയായിട്ടുണ്ട്.

മുഹമ്മദ് ബിന്‍ സല്‍മാനെ വാനോളം പുകഴ്ത്തുന്നതായിരുന്നു ജോണ്‍സന്റെ പോസ്റ്റ്. അദ്ദേഹത്തിന്റെ വിനയം, ആധുനിക കാഴ്ചപ്പാടുകള്‍, സൗദിയെ പരിഷ്‌ക്കരിക്കാന്‍ അദ്ദേഹം നടത്തുന്ന ശക്തമായ ചുവടുവയ്പ്പുകള്‍ തുടങ്ങിയവയെല്ലാം പോസ്റ്റില്‍ പരാമര്‍ശിക്കപ്പെട്ടിട്ടുണ്ട്.

English summary
Saudi Crown Prince Mohammad Bin Salman met with Hollywood actors and producers for an intimate dinner earlier this week, during which alcohol was served, according to a now edited post on social media by film star Dwayne “The Rock” Johnson
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X