ഞങ്ങള് റെഡി; റഷ്യയ്ക്കെതിരെ ആയുധമെടുക്കാന് തയ്യാറെന്ന് ബോക്സിംഗ് ചാമ്പ്യന്മാരായ സഹോദരങ്ങള്
കീവ്: റഷ്യയ്ക്കെതിരെ ആയുധമെടുക്കാന് തയ്യാറെന്ന് പ്രഖ്യാപിച്ച് മുന് ഹെവിവെയ്റ്റ് ബോക്സിംഗ് ചാമ്പ്യന് വിറ്റാലി ക്ലിറ്റ്ഷ്കോയും സഹോദരനും ഹാള് ഓഫ് ഫെയിമറുമായ വ്ളാഡിമിര് ക്ലിറ്റ്ഷ്കോയും. തങ്ങള് സ്വന്തം രാജ്യത്തെ രക്ഷിക്കാന് യുക്രെനിയന് സൈനികര്ക്കൊപ്പം ആയുധമെടുത്ത് റഷ്യയുടെ അധിനിവേശത്തെ തുടര്ന്നുള്ള 'രക്തരൂക്ഷിതമായ യുദ്ധത്തില്' പോരാടുമെന്ന് ഇരുവരും പറഞ്ഞു. 2014 മുതല് യുക്രൈന് തലസ്ഥാനമായ കീവിന്റെ മേയറായ വിറ്റാലി ക്ലിറ്റ്ഷ്കോ, താന് യുദ്ധത്തില് പോരാടാന് തയ്യാറാണെന്ന് പറഞ്ഞു. എനിക്ക് മറ്റൊരു വഴിയില്ല, ഞാന് അത് ചെയ്യണം. ഞാന് യുദ്ധം ചെയ്യും, അദ്ദേഹം പറഞ്ഞു.
കീവ് ഭീഷണിയിലാണെന്നും പൗരന്മാര്ക്ക് വൈദ്യുതി, ഗ്യാസ്, വെള്ളം എന്നിവ ഉള്പ്പെടെയുള്ള നിര്ണായക അടിസ്ഥാന സൗകര്യങ്ങളെ എത്തിക്കുന്നതിന് പൊലീസുമായും സൈനിക സേനകളുമായും ചേര്ന്ന് പ്രവര്ത്തിക്കുക എന്നതാണ് പ്രധാന മുന്ഗണനയെന്നും വിറ്റാലി ക്ലിറ്റ്ഷ്കോ പറഞ്ഞു. സൈനികരെന്ന നിലയില് കീവിനെ പ്രതിരോധിക്കാന് സാധാരണക്കാര് തയ്യാറാണെന്നും അദ്ദേഹം കൂട്ടിച്ചേര്ത്തു. ഞാന് യുക്രൈനില് വിശ്വസിക്കുന്നു, ഞാന് എന്റെ രാജ്യത്തെ വിശ്വസിക്കുന്നു, എന്റെ ജനങ്ങളില് ഞാന് വിശ്വസിക്കുന്നു,' വിറ്റാലി ക്ലിറ്റ്ഷ്കോ പറഞ്ഞു.
വ്ളാഡിമിര് ക്ലിറ്റ്ഷ്കോ ഈ മാസം ആദ്യമാണ് യുക്രൈനിന്റെ റിസര്വ് ആര്മിയില് ചേര്ന്നത്. തന്റെ രാജ്യത്തോടുള്ള സ്നേഹമാണ് അധിനിവേശത്തെ പ്രതിരോധിക്കാന് തയ്യാറാകുന്നതെന്നും അദ്ദേഹം കൂട്ടിച്ചേര്ത്തു. യുക്രേനിയന് ജനത ശക്തരാണ്. ഈ ഭയാനകമായ അഗ്നിപരീക്ഷയിലും ആ സത്യം തുടരും. പരമാധികാരത്തിനും സമാധാനത്തിനും വേണ്ടി കാംക്ഷിക്കുന്ന ഒരു ജനത. റഷ്യന് ജനതയെ തങ്ങളുടെ സഹോദരന്മാരായി കരുതുന്ന ഒരു ജനത,' വിറ്റാലി ക്ലിറ്റ്ഷ്കോ സോഷ്യല് മീഡിയയില് എഴുതി. അടിസ്ഥാനപരമായി ഈ യുദ്ധം ആവശ്യമില്ലെന്ന് അവര്ക്കറിയാം. യുേ്രകനിയന് ജനത ജനാധിപത്യത്തെ തിരഞ്ഞെടുത്തു.
'പക്ഷേ ജനാധിപത്യം ദുര്ബലമായ ഭരണമാണ്. ജനാധിപത്യത്തിന് സ്വയം പ്രതിരോധിക്കാന് കഴിയില്ല. അതിന് പൗരന്മാരുടെ ഇച്ഛ, എല്ലാവരുടെയും പ്രതിബദ്ധത ആവശ്യമാണ്. അടിസ്ഥാനപരമായി, ജനാധിപത്യവാദികളില്ലാതെ ജനാധിപത്യമില്ല, അദ്ദേഹം പറഞ്ഞു. റഷ്യന് പ്രസിഡന്റ് വ്ളാഡിമിര് പുടിന്റെ യുദ്ധ പ്രഖ്യാപനത്തെ തുടര്ന്നാണ് വ്യാഴാഴ്ചയാണ് കര, വ്യോമ, കടല് വഴിയുള്ള ആക്രമണം റഷ്യ ആരംഭിച്ചത്. സ്ഫോടനങ്ങളും വെടിവെപ്പും പ്രധാന നഗരങ്ങളെ നടുക്കിയതോടെ 100,000 ആളുകള് പലായനം ചെയ്തതായി കണക്കാക്കപ്പെടുന്നു. നൂറിലേറെ കൊല്ലപ്പെട്ടെന്നാണ് യുക്രേനിയന് പ്രസിഡന്റ് അറിയിച്ചത്.
അതേസമയം യുക്രെയിനിലെ സൈനിക നടപടിയുമായി റഷ്യ മുന്നോട്ടു പോകുകയാണ്. എന്ത് സംഭവിച്ചാലും യുദ്ധത്തില് നിന്ന് പിന്നോട്ടില്ലെന്ന നിലപാടില് ഉറച്ച് നില്ക്കുകയാണ് റഷ്യ. അതിനിടെ യുക്രേനിയന് പ്രസിഡന്റ് വോളോഡിമര് സെലെന്സ്കി ഒരു പൊതു സൈനിക സന്നാഹത്തിന് ഉത്തരവിട്ടിരിക്കുകയാണ്. 18 നും 60 നും ഇടയില് പ്രായമുള്ള എല്ലാ യുക്രേനിയന് പുരുഷന്മാര്ക്കും രാജ്യം വിടുന്നതിന് വിലക്കേര്പ്പെടുത്തിയിരിക്കുകയാണ് യുക്രൈന്. വ്യാഴാഴ്ച രാവിലെ പ്രസിഡന്റ് വോലോഡൈമര് സെലെന്സ്കി ഏര്പ്പെടുത്തിയ പട്ടാള നിയമത്തിന്റെ കാലാവധി വരെ നിരോധനം നിലനില്ക്കുമെന്നാണ് റിപ്പോര്ട്ട്.
കഴിഞ്ഞ ദിവസം പൗരന്മാരോട് യുദ്ധത്തില് പങ്കെടുക്കാന് യുക്രെയിന് പ്രസിഡന്റ് ആവശ്യപ്പെട്ടിരുന്നു. അവര്ക്ക് ആയുധങ്ങള് നല്കുമെന്നും അദ്ദേഹം അറിയിച്ചിരുന്നു. റഷ്യന് സേനയില് നിന്ന് രാജ്യത്തെ പ്രതിരോധിക്കണമെന്നും അതിന് തയ്യാറായ എല്ലാ പൗരന്മാരോടും മുന്നോട്ട് വരാന് ആഹ്വാനം ചെയ്യുന്നതായും യുക്രേനിയന് പ്രസിഡന്റ് വോളോഡിമര് സെലെന്സ്കി വ്യാഴാഴ്ച ആഹ്വാനം ചെയ്തിരുന്നു. റഷ്യയില് ഇതുവരെ മനസാക്ഷി നഷ്ടപ്പെട്ടിട്ടില്ലാത്ത എല്ലാവര്ക്കും, യുക്രെയ്നുമായുള്ള യുദ്ധത്തിനെതിരെ പ്രതിഷേധിക്കേണ്ട സമയമാണിതെന്നും അദ്ദേഹം കൂട്ടിച്ചേര്ത്തു. യുദ്ധത്തിന്റെ രണ്ടാം ദിനമായ ഇന്നും കനത്ത നാശനഷ്ടമാണ് റഷ്യ, യുക്രൈനില് വിതയ്ക്കുന്നത്. തിരിച്ചടിക്കാനുള്ള ശ്രമങ്ങള് യുക്രൈനിന്റെ ഭാഗത്ത് നിന്നും ഉണ്ടാകുന്നുണ്ട്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google