സൂപ്പര് ഡാഡി സച്ചിന്!! യൂനിസെഫ് സൂപ്പര് ഡാഡി ക്യാംപെയ്ന് നയിക്കാന് സച്ചിനും...
സൂപ്പര് ഡാഡിമാരുടെ കൂടെ യൂനിസെഫ് ക്രിക്കറ്റ് ദൈവം സച്ചിന് തെന്ഡുല്ക്കറിനെയും തിരഞ്ഞെടുത്തിരിക്കുന്നു. ലോക പിതൃദിനത്തോടനുബന്ധിച്ചാണ് യൂനിസെഫ് 'സൂപ്പര് ഡാഡി' ക്യാംപെയ്നിങ് നടത്തുന്നത്. കുട്ടികളുടെ ശാരീരിക മാനസിക വളര്ച്ചയില് പിതാക്കന്മാര്ക്ക് ഏതെല്ലാം വിധത്തില് പങ്കു വഹിക്കാന് കഴിയും എന്നതിനാണ് സൂപ്പര് ഡാഡി ക്യാംപെയ്ന് ഊന്നല് കൊടുക്കുന്നത്.
സച്ചിനെ കൂടാതെ കായിക, വിനോദ രംഗങ്ങളിലുള്ള മറ്റു പലരും ക്യാംപെയ്ന്റെ മുന്നിരയില് ഉണ്ടാകും. ഡേവിഡ് ബെക്കാം, നൊവാക്ക് ദ്യോക്കോവിച്ച്, മഹര്ഷല അലി, ലൂയിസ് ഹാമില്ട്ടണ്, ഹ്യൂ ജാക്ക്മാന് എന്നിവരും സൂപ്പര് ഡാഡി ക്യാംപെയ്ന്റെ പ്രചാരണാര്ത്ഥം രംഗത്തെത്തും. സെലിബ്രിറ്റി അച്ഛന്മാരുടെ മക്കളുമൊത്തുള്ള ഫോട്ടോകള് ക്യാംപെയ്നിലുടനീളം പ്രദര്ശിപ്പിക്കും.
താന് ഇന്ന് എന്തായിരിക്കുന്നുവോ അതില് ഒരു പ്രധാന പങ്ക് വഹിച്ചത് തന്റെ അച്ഛനാണെന്നും തനിക്ക് സ്നേഹവും സ്വാതന്ത്ര്യവും പരിഗണനയും നല്കിയിട്ടുള്ള വ്യക്തിയാണ് അദ്ദേഹമെന്നും സച്ചിന് പറഞ്ഞു. ഒരച്ഛനെന്ന നിലക്ക് തന്റെ കുട്ടിയുടെ വളര്ച്ചയില് തനിക്ക് പല രീതീയിലും പങ്കു വഹിക്കാനാകുമെന്ന് നൊവാക്ക് ദ്യോക്കോവിച്ച് പറഞ്ഞു.
നല്ലൊരച്ഛനാകുക എന്നത് അത്ര എളുപ്പമുള്ള കാര്യമല്ല. അത് ധാരാളം വെല്ലുവിളികള് അടങ്ങിയതാണ്. ലോകം മുഴുവനുമുള്ള എല്ലാ പിതാക്കന്മാരെയും പ്രോത്സാഹിപ്പിക്കാനാണ് ഈ ക്യാംപെയ്നിങ്. അങ്ങനെ എല്ലാവര്ക്കും സൂപ്പര് ഡാഡിമാരാകാം, യൂനിസെഫ് ഗുഡ്വില് അംബാസിഡര് പറഞ്ഞു.