• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സുരക്ഷയില്‍ മിഡിലീസ്റ്റ് നഗരങ്ങളില്‍ ഒന്നാമത് അബുദാബി, രണ്ടാമത് ദോഹ

  • By desk

അബുദാബി: ജീവിത സുരക്ഷയും കുറ്റകൃത്യ നിരക്കുകളും സംബന്ധിച്ച ഇക്കണോമിക്‌സ് ഇന്റലിജന്‍സ് യൂനിറ്റിന്റെ സേഫ് സിറ്റീസ് ഇന്റക്‌സ് 2017 പ്രകാരം കുറ്റകൃത്യം ഏറ്റവും കുറവുള്ള മിഡിലീസ്റ്റ് നഗരങ്ങളില്‍ ഒന്നാം സ്ഥാനം അബൂദബിക്ക്. ഖത്തര്‍ തലസ്ഥാനമായ ദോഹയാണ് രണ്ടാം സ്ഥാനത്ത്. ലോകാടിസ്ഥാനത്തില്‍ ടോക്കിയോയ്ക്കാണ് ഒന്നാം സ്ഥാനം. സിംഗപ്പൂരും ഒസാക്കയും രണ്ടും മൂന്നും സ്ഥാനങ്ങളില്‍. ആഗോളനഗരങ്ങളില്‍ അബൂദബിക്ക് 28ഉം ദോഹയ്ക്കും 30ഉമാണ് സ്ഥാനം.

89.8 പോയിന്റുകളുമായാണ് ടോക്കിയോ മുന്നിലെത്തിയത്. 2015ലും ടോക്കിയോ തന്നെയായിരുന്നു മുന്നില്‍. രണ്ടും മൂന്നും സ്ഥാനങ്ങളിലും ഇത്തവണ മാറ്റമില്ല. തെരഞ്ഞെടുക്കപ്പെട്ട 60 രാജ്യങ്ങളില്‍ സുരക്ഷ ഏറ്റവും കുറഞ്ഞ രാജ്യം പാകിസ്താനിലെ കറാച്ചിയാണ്. 38.77 ആണ് കറാച്ചിയുടെ പോയിന്റ്. യാങ്കോണും ധക്കയുമാണ് തൊട്ടുമുകളില്‍. പോയിന്റുകള്‍ യഥാക്രമം 46.47ഉം 47.37ഉം.

ഇന്ത്യന്‍ നഗരങ്ങളില്‍ ഡല്‍ഹിയും മുംബൈയുമാണ് 60 നഗരങ്ങളില്‍ സ്ഥാനം പിടിച്ചത്. ഡല്‍ഹി 62.34 പോയിന്റുകളുമായി 43ാം സ്ഥാനത്തും 61.84 പോയിന്റുകളുമായി മുംബൈ 45ാം സ്ഥാനത്തുമാണുള്ളത്. 76.91 പോയിന്റുകളോടെയാണ് അബൂദബി മേഖലയില്‍ ഒന്നാം സ്ഥാനത്തെത്തിയത്. രണ്ടാം സ്ഥാനത്തുള്ള ദോഹയ്ക്ക് 73.59 പോയിന്റ് ലഭിച്ചു. സുരക്ഷിതമായ ആദ്യ 60 രാജ്യങ്ങളില്‍ മിഡിലീസ്റ്റിലെ കുവൈത്ത് സിറ്റി (36), സൗദിയിലെ ജിദ്ദ (42), റിയാദ് (47) എന്നിവയുമുണ്ട്.

പകലും രാത്രിയും നഗരത്തിലൂടെയുള്ള യാത്രാ സുരക്ഷ, വ്യക്തിഗത സുരക്ഷ, ആരോഗ്യ സുരക്ഷ, ഡിജിറ്റല്‍ സുരക്ഷ തുടങ്ങിയ വിവിധ ഘടകങ്ങളെ അടിസ്ഥാനപ്പെടുത്തിയാണ് സൂചിക തയാറാക്കുന്നത്.

English summary
Abdu Dhabi and Doha have been ranked 1st and 2nd safest cities in the Middle East, and 28yh and 30th globally, in the Safe Cities Index 2017 by the Economist's Intelligence Unit.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X