ബ്രിട്ടീഷ് പ്രധാനമന്ത്രിയുടെ ഭാര്യയുടെ ബിക്കിനി ചിത്രങ്ങള്‍ പുറത്ത്, 'അടിവസ്ത്രം' വിവാദമാകുന്നു

ലണ്ടന്‍: ബ്രിട്ടനില്‍ രാഷ്ട്രീയത്തെക്കാള്‍ ചൂടേറിയ മറ്റൊരു ചര്‍ച്ച നടക്കുകയാണ്. ബ്രിട്ടീഷ് പ്രധാനമന്ത്രി ഡേവിഡ് കാമറോണിന്റെ ഭാര്യ സാമന്ത കാമറോണിന്റെ ബിക്കിനി ചിത്രങ്ങളാണ് ബ്രിട്ടീഷ് മാധ്യമങ്ങളില്‍ ചൂടന്‍ ചര്‍ച്ചകള്‍ക്ക് വഴി തെളിച്ചത്. സ്പെയിനിലെ ഇബിസ ഐലന്റില്‍ നടന്ന പാര്‍ട്ടിയില്‍ കറുത്ത നിറത്തിലുളള ക്ളാസിക്ക് ബിക്കിനിയണിഞ്ഞെത്തിയ സമാന്തയുടെ ചിത്രങ്ങളാണ് പുറത്ത് വന്നത്.

തിരഞ്ഞെടുപ്പ് പ്രചാരണാര്‍ത്ഥം ഭര്‍ത്താവ് ഡേവിഡ് കാമറോണിനൊപ്പം ഉണ്ടായിരുന്ന സാമന്തയ്ക്ക് ഇബിസ ഐലന്റില്‍ ചെലവഴിയ്ക്കാന്‍ സമയം എങ്ങനെ കിട്ടിയെന്ന് ചോദിയ്ക്കുകയാണ് ഡെയ്‌ലി മെയില്‍ ഉല്‍പ്പടെയുള്ള പ്രമുഖ മാധ്യമങ്ങള്‍.

അവധിക്കാല ആഘോഷത്തിന്റെ ഗ്ളാമര്‍ ചിത്രങ്ങള്‍ ഉള്‍പ്പടെ പുറത്ത് വിട്ടാണ് സാമന്തയെ മാധ്യമങ്ങള്‍ ;ചോദ്യം ചെയ്യുന്നത്. 44കാരിയായ സാമന്ത കാല നോവ ബീച്ചില്‍ വച്ചാണ് പാപ്പരാസികളുടെ കണ്ണില്‍ പെട്ടത്. സാമന്തയെ കണ്ടുവെന്ന അവകാശ വാദവുമായി മറ്റ് ചിലരും രംഗത്തെത്തിയിട്ടുണ്ട്.

കണ്ടതോ കണ്ടു എന്നിട്ടെന്താ? സാമന്തയുടെ ബിക്കിനി ടോപ്പിന്റെയും മറ്റും വില തിരഞ്ഞ് മിനക്കെടുകയാണ് ചിലര്‍. വില കൂടിയ ബിക്കിനിയാണെന്ന് വാദിയ്ക്കുന്നവരാണ് അധികവും. അതേ സമയം ഇവര്‍ വ്യായാമം ചെയ്യാറില്ലെന്നും ചിത്രത്തിലൂടെ അത് വ്യക്തമാണെന്നും ഒരുകൂട്ടര്‍ വാദിയ്ക്കുന്നു.

2011 ല്‍ ഇബിസ ഐലന്റിലേയ്ക്ക് കുടുംബ സമേതം യാത്ര നടത്തിയപ്പോഴും സാമന്ത ശ്രദ്ധ കേന്ദ്രമായിരുന്നു. അന്നും ബിക്കിനി ധരിച്ചെത്തിയ സാമന്തയുടെ മേനിയഴകിനെ മാധ്യമങ്ങള്‍ വാഴ്ത്തിയിരുന്നു. ഫ്‌ളോറന്‍സ് എന്ന മകള്‍ക്ക് ജന്മം നല്‍കി ഒന്‍പത് മാസത്തിന് ശേഷമായിരുന്നു ഇബിസിലേയ്ക്കുളള സാമന്തയുടെ യാത്ര.കാമറോണിനും കുടുംബത്തിനും ഏറെ പ്രിയപ്പെട്ട സ്ഥലങ്ങളിലൊന്നാണ് ഇബിസ ഐലന്റ്.

English summary

Samantha Cameron Shows off her Bikini Body in Spain