ഈ വര്‍ഷത്തെ ലോക സുന്ദരി ഈ അമ്പത് കാരി... ഞെട്ടിയോ!!!

ലോസ് ആഞ്ജലീസ്: വിശ്വ സുന്ദരി, ലോക സുന്ദരി എന്നൊക്കെ കേള്‍ക്കുമ്പോള്‍ ചെറുപ്പക്കാരികളെ ആയിരിയ്ക്കും എല്ലാവരും മനസ്സില്‍ കാണുക. എന്നാല്‍ ഒരു അമ്പത് വയസ്സുകാരിയെ ലോക സുന്ദരിയായി തിരഞ്ഞെടുത്താല്‍ എങ്ങനെയിരിയ്ക്കും?

സംഗതി സത്യമാണ്. ഇത്തവണത്തെ ലോക സുന്ദരി ഒരു അമ്പത് കാരിയാണ്. എന്നാല്‍ പതിവ് സൗന്ദര്യ മത്സരത്തിലൂടെ തിരഞ്ഞെടുത്തതല്ലെന്ന് മാത്രം. പീപ്പിള്‍സ് മാഗസിനാണ് 2015 ലെ ഏറ്റവും സുന്ദരിയായ സ്ത്രീയെ തിരഞ്ഞെടുത്തത്.

പേര് പറഞ്ഞാല്‍ ഒരു പക്ഷേ എല്ലാവരും അറിയും. സാന്ദ്ര ബുള്ളോക്ക്. നമ്മുടെ ഗ്രാവിറ്റി ഫെയിം സാന്ദ്ര തന്നെ. ഇപ്പോള്‍ കുറച്ചൊരു ആശ്വാസം തോന്നുന്നില്ലേ....!

അമ്പത് വയസ്സുകാരിയായ ഈ ഹോളിവുഡ് സുന്ദരി അഞ്ച് വയസ്സുള്ള ഒരു കുഞ്ഞിന്റെ അമ്മ കൂടിയാണ്. സൗന്ദര്യവും പ്രായവും തമ്മില്‍ വലിയ ബന്ധമൊന്നും ഇല്ലെന്നാണ് സാന്ദ്ര പറയുന്നത്. സൗന്ദര്യം ഒരു വ്യക്തിയുടെ ഉളളിലാണ്, പെരുമാറ്റത്തിലാണ്, ജീവിതത്തിലാണ് എന്നൊക്കെയാണ് സാന്ദ്ര പറയുന്നത്.

മികച്ച നടിയ്ക്കുള്ള ഓസ്‌കാര്‍ പുരസ്‌കാരവും ഗോള്‍ഡന്‍ ഗ്ലോബ് പുരസ്‌കാരവും ഒക്കെ ലഭിച്ച ആളാണ് സാന്ദ്ര ബുള്ളോക്ക്. ഓസ്‌കാറിന് രണ്ട് തവണയും ഗോള്‍ഡന്‍ ഗ്ലോബിന് അഞ്ച് തവണയും നോമിനേറ്റ് ചെയ്യപ്പെട്ടിട്ടുണ്ട്.

English summary

Sandra Bullock Is PEOPLE's 2015 World's Most Beautiful Woman!