വിവാഹമോചനം ഉറപ്പിച്ച് സാനിയയും മാലിക്കും, മകന്റെ കാര്യവും തീരുമാനമായി..; ഇനി തടസം ഒരു കടമ്പ മാത്രം
ദുബായ്: ഇന്ത്യന് ടെന്നീസ് താരം സാനിയ മിര്സയും പാകിസ്ഥാന് ക്രിക്കറ്റ് താരം ഷൊയ്ബ് മാലിക്കും തമ്മില് വേര്പിരിയാന് പോകുന്നു എന്നതാണ് സോഷ്യല് മീഡിയയില് ചൂടുള്ള വാര്ത്ത. ഇരുവരും ഇതിനോട് ഇതുവരെ ഔദ്യോഗികമായി പ്രതികരിച്ചിട്ടില്ല. എന്നാല് ഷൊയ്ബ് മാലിക്കുമായി അടുത്ത ബന്ധമുള്ളവര് വാര്ത്ത ശരിയാണ് എന്ന തരത്തില് പ്രതികരിച്ചിരുന്നു. ഇത് ഒന്നുകൂടി ഉറപ്പിക്കുന്ന വാര്ത്തകളാണ് ഇപ്പോള് പുറത്ത് വരുന്നത്.
സാനിയ മിര്സയും ഷൊയ്ബ് മാലിക്കും വിവാഹബന്ധം വേര്പെടുത്താനുള്ള തീരുമാനം കൈക്കൊണ്ടു എന്നാണ് ഇപ്പോള് പുറത്ത് വരുന്ന റിപ്പോര്ട്ട്. പിരിയുക എന്നതിലേക്കാണ് ഇരുവരും അന്തിമമായി എത്തിയിട്ടുള്ളത് എന്നാണ് പാകിസ്ഥാനില് നിന്നുള്ള പല മാധ്യമങ്ങളും റിപ്പോര്ട്ട് ചെയ്യുന്നത്. വിശദമായ വിവരങ്ങള് നോക്കാം.
പാകിസ്ഥാന് വാര്ത്താ ചാനലായ ജിയോ ന്യൂസ് ആണ് ഇന്ത്യന് ടെന്നീസ് താരം സാനിയ മിര്സയും പാകിസ്ഥാന് ക്രിക്കറ്റ് താരം ഷൊയ്ബ് മാലിക്കും തമ്മില് വേര്പിരിയാന് പോകുന്നു എന്ന കാര്യം വീണ്ടും ഊട്ടിയുറപ്പിക്കുന്നത്. അടുത്തവൃത്തങ്ങളെ ഉദ്ധരിച്ച് ജിയോ ന്യൂസ് റിപ്പോര്ട്ട് ചെയ്യുന്നത് ഇരുവരും ഇതിനോടകം തന്നെ മാനസികമായി വേര്പിരിഞ്ഞ് കഴിഞ്ഞു എന്ന തരത്തിലാണ്.
സാനിയ മിര്സയും ഷൊയ്ബ് മാലിക്കും വിവാഹമോചനം നേടാന് തീരുമാനിച്ചു. ഇനിനിയമപരമായ നടപടിക്രമങ്ങള് മാത്രമാണ് അവശേഷിക്കുന്നത് എന്നാണ് ജിയോ ന്യൂസ് പറയുന്നത്. അതായത് നിയമപരമായ സങ്കീര്ണതകള് അവസാനിച്ചാല് സാനിയ മിര്സയും ഷൊയ്ബ് മാലിക്കും ഔദ്യോഗികമായി തന്നെ വിവാഹമോചനം പ്രഖ്യാപിക്കും എന്നാണ് ജിയോ ന്യൂസ് റിപ്പോര്ട്ടില് പറയുന്നത്.
അതേസമയം മകന് ഇഹ്സാന് മിര്സ മാലികിന്റെ കാര്യത്തില് ഇരുവരും സഹകരിക്കും. മാതാപിതാക്കള് എന്ന നിലയില് ഇഹ്സാന് ലഭിക്കേണ്ട വാത്സല്യവും കരുതലും ഇരുവരില് നിന്നും ലഭിക്കും. അടുത്തിടെ ആയിരുന്നു ഇഹ്സാന് മിര്സ മാലിക്ക് തന്റെ നാലാം ജന്മദിനം ആഘോഷിച്ചത്. ഇതില് സാനിയ മിര്സയും ഷൊയ്ബ് മാലിക്കും ഒന്നിച്ച് പങ്കെടുത്തിരുന്നു. ഇതിന്റെ ചിത്രം ഷൊയ്ബ് മാലിക് തന്റെ ഇന്സ്റ്റഗ്രാം പേജില് പങ്ക് വെച്ചിരുന്നു.
എന്നാല് സാനിയ മകനൊപ്പമുള്ള ചിത്രവും ഒപ്പം ഒരു വൈകാരികമായ കുറിപ്പുമായിരുന്നു ജന്മദിനത്തില് പങ്ക് വെച്ചിരുന്നത്. ഇതിന് പിന്നാലെ ബുദ്ധിമുട്ടേറിയ നിമിഷങ്ങളിലൂടെയാണ് താന് കടന്ന് പോകുന്നത് എന്ന് സാനിയ മിര്സ പറഞ്ഞിരുന്നു. ഇതോടെയാണ് ഇരുവരും തമ്മില് പ്രശ്നങ്ങളുണ്ട് എന്ന കാര്യം വെളിവാകുന്നത്. അതിനിടെ ഇരുവരും വേര്പിരിഞ്ഞാണ് താമസിക്കുന്നത് എന്ന് മാലിക്കുമായി അടുത്തവൃത്തങ്ങള് പറഞ്ഞിരുന്നു.
2010 ഏപ്രിലിലാണ് സാനിയ മിര്സയും ഷൊയ്ബ് മാലിക്കും വിവാഹിതരായത്. 2018 ലാണ് ഇരുവര്ക്കും ഇഹ്സാന് എന്ന മകന് ജനിക്കുന്നത്. സാനിയ ഇന്ത്യക്കാരിയും മാലിക്ക് പാകിസ്ഥാന്കാരനുമായതിനാല് ഇരുവരും ദുബായില് ആയിരുന്നു താമസിച്ചിരുന്നത്. ഇന്ത്യന് ടെന്നീസിന്റെ ലോകത്ത് പരിചയപ്പെടുത്തിയവരില് മുന്നിരയിലാണ് സാനിയ മിര്സയുടെ സ്ഥാനം. ലിയാണ്ടര് പേസ്, മഹേഷ് ഭൂപതി എന്നിവരെ പോലെ ലോക ടെന്നീസില് സാനിയ ഇന്ത്യയുടെ മുഖമായിരുന്നു.
ഡബിള്സിലും മിക്സഡ് ഡബിള്സിലും മികച്ച വിജയങ്ങള് സാനിയ മിര്സ ഇന്ത്യയ്ക്കായി കൊണ്ടുവന്നു. ഇക്കഴിഞ്ഞ ജനുവരിയിലാണ് പ്രൊഫഷണല് ടെന്നീസ് കരിയറിന് വിരാമം കുറിക്കാന് പോകുന്നുവെന്ന് സാനിയ മിര്സ പ്രഖ്യാപിച്ചത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google