സഹോദരിയുടെ കല്യാണം അടിപൊളിയാക്കി; സല്ക്കാരത്തിന് കഞ്ചാവ് കേക്കുമായി പൊന്നാങ്ങള; വീഡിയോ വൈറൽ
സാന്റിയോഗോ: സഹോദരിയുടെ വിവാഹം ഗംഭീരം ആക്കാത്തതായി ആരും തന്നെ ഉണ്ടാകില്ല. ആഘോഷ പരിപാടികൾക്ക് വേണ്ടി പല വിധ വ്യത്യസ്ത മാർഗ്ഗങ്ങൾ സ്വീകരിക്കുവരാണ് നാം ഓരോരുത്തരും. എന്നാൽ, വൈററ്റി മാറ്റി പിടിച്ച് സഹോദരിയുടെ വിവാഹം അടിപൊളി ആക്കിയിരിക്കുകയാണ് യുവാവ്. ആഘോഷത്തിന്റെ ഭാഗമായി കഞ്ചാവ് കലര്ത്തിയ വലിയ കേക്കാണ് വിവാഹ സല്ക്കാരത്തിന് എത്തിയത്.
സംഭവം നടന്നത് ചിലിയിലെ സാന്റിയോഗോയിൽ ആണ്. അല്വരോ റോഡ്രിക്വിസ് എന്ന ചെറിപ്പക്കാരനാണ് സഹോദരിയുടെ വിവാഹത്തിന് കഞ്ചാവ് കലര്ത്തിയ എത്തിച്ച് ആഘോഷിച്ചത്.
29 വയസ്സ് പ്രായമുണ്ട് യുവാവിന്. ഏഴ് തട്ടുകളുള്ള വലിയ കേക്കായിരുന്നു. ഇതിൽ ഒരു തട്ടിലാണ് ഈ യുവാവ് കഞ്ചാവ് കലർത്തിയത്. തുടർന്ന് വിവാഹത്തിന് പങ്കെടുക്കാൻ എത്തിയ അതിഥികള്ക്ക് കഞ്ചാവ് കേക്ക് നൽകി. ചിലര്ക്ക് ഇത് ലഹരി ആയി മാറി. മാജിക്കല് കേക്ക് ആണെന്ന് പറഞ്ഞ് നിരവധി അതിഥികള് വീണ്ടും ആവേശത്തോടെ കേക്ക് കഴിക്കുകയായിരുന്നു. കേക്ക് ഉണ്ടാക്കാൻ അലങ്കരിക്കാനും ഏകദേശം 20 മണിക്കൂർ വേണ്ടി വന്നു.
അതേസമയം, വിവാഹത്തിൽ പങ്കെടുക്കാൻ എത്തിയ അതിഥികള്ക്ക് കേക്കിൽ കഞ്ചാവ് കലർത്തിയ വിവരം അറിയാമെന്നും കുട്ടികൾക്ക് കേക്ക് നൽകിയില്ലെന്നും യുവാവ് വ്യക്തമാക്കി. തന്റെ സഹോദരിയും താനും ഒരുമിച്ച് ഇത്തരത്തിലുള്ള ലഹരി കേക്കുകൾ ഉപയോഗിച്ച് നോക്കിയിട്ടുണ്ട്. തന്റെ സഹോദരിയുടെ പ്രത്യേക ആവശ്യ പ്രകാരമായിരുന്നു ഈ കഞ്ചാവ് കേക്ക് വിവാഹ ചടങ്ങിൽ എത്തിച്ചതെന്നും അല്വരോ വ്യക്തമാക്കി.
സിൽവർ ലൈൻ ഭൂമി ഏറ്റെടുക്കൽ: സർക്കാർ വാദങ്ങൾ പൊളിയുന്നു; ഈ വിവരങ്ങൾ ഞെട്ടിക്കുന്നത്
അതേസമയം, കേക്ക് കഴിച്ച് വിവാഹ ചടങ്ങിൽ അതിഥികൾ ആഘോഷിക്കുന്ന വീഡിയോ സമൂഹ മാധ്യമങ്ങളിൽ ശ്രദ്ധ പിടിച്ച് പറ്റിയിരുന്നു. ചിലിയിലെ നിരവധി പേർ വീഡിയോ പോസ്റ്റ് ചെയ്തിരുന്നു. ദമ്പതികൾ കേക്ക് മുറിക്കുന്നതും അതിഥികൾ നൃത്തം ചെയ്യുന്നതും വൈറലായ വീഡിയോയിൽ കാണാൻ സാധിക്കും. 13 മില്യൺ പേർ ഈ വീഡിയോ കണ്ടിരുന്നു. എന്നാൽ, ചിലിയിൽ കഞ്ചാവ് പൊതു സ്ഥലത്ത് ഉപയോഗിക്കുന്നത് കുറ്റ കൃത്യമാണ്. എന്നാൽ, സ്വകാര്യ ചടങ്ങുകൾക്ക് ഇവ ഉപയോഗിക്കുന്നതിൽ തെറ്റില്ല.