മോദിയുടെ സന്ദര്ശനത്തിനിടെ തിളങ്ങി സാറ നെതന്യാഹു; എയര് ഹോസ്റ്റസില് നിന്ന് അധികാര നിഴലായ കഥ
പ്രധാനമന്ത്രി നരേന്ദ്ര മോദിയുടെ ഇസ്രായേല് സന്ദര്ശനത്തിനിടെ തിളങ്ങി ബെഞ്ചമിന് നെതന്യാഹുവിന്റെ ഭാര്യ സാറ നെതന്യാഹു. ടെല് അവീവ് വിമാനത്താവളത്തില് മോദിയെ സ്വീകരിക്കാന് നെതന്യാഹുവിനൊപ്പം സാറയും എത്തിയിരുന്നു. മോദിയുടെയും സാറയുടെയും വസ്ത്രത്തിലെ ചില സാമ്യതകള് നെതന്യാഹു ചൂണ്ടിക്കാട്ടി. കാവി നിറമുള്ള കാര്യം മോദി എടുത്തു പറഞ്ഞു.
ഇന്ത്യ മനോഹരമായ രാജ്യമാണ് എന്ന് സാറ സംസാരത്തിനിടെ പറഞ്ഞു. മോദി അല്ഭുതകരമായ നേതാവാണ് എന്ന് നെതന്യാഹുവും പ്രശംസിച്ചു. ഇസ്രായേലി പാര്ലമെന്റായ നെസറ്റില് മോദി പ്രസംഗിച്ചു. ആദ്യമായിട്ടാണ് ഒരു ഇന്ത്യന് പ്രധാനമന്ത്രി നെസറ്റില് പ്രസംഗിക്കുന്നത്. മോദിയെ സ്വീകരിക്കുകയും സംസാരിക്കുകയും ചെയ്യുന്ന സാറയുടെ നിരവധി ചിത്രങ്ങള് പുറത്തുവന്നിട്ടുണ്ട്. ആരാണ് സാറ എന്ന് അറിയാം...
1958ല് ഹൈഫയോട് ചേര്ന്ന കിരിയാത് തിവോണിലാണ് സാറ ജനിച്ചത്. പോളിഷ് ജൂതനായ എഴുത്തുകാരന് സാമുവല് ബെന് അര്ട്സിയാണ് അച്ഛന്. അമ്മയുടെ പേര് ചാവ. മൂന്ന് സഹോദരങ്ങളുണ്ട്. പഠന ശേഷം മാരിവ് ലാനോര് എന്ന ആഴ്ചപ്പതിപ്പില് ജോലി ചെയ്തിരുന്നു സാറ. ടെല് അവീവ് യൂണിവേഴ്സിറ്റിയില് നിന്ന് സൈക്കോളജി ബിരുദം നേടിയ അവര് സൈന്യത്തിലും പ്രവര്ത്തിച്ചിട്ടുണ്ട്.
ഇസ്രായേലിന്റെ ഔദ്യോഗിക വിമാന കമ്പനിയായ എല് അല്ലില് ഫ്ളൈറ്റ് അസിസ്റ്റന്റ് ആയി പ്രവര്ത്തിച്ചിട്ടുണ്ട്. 1980ല് ആയിരുന്നു ആദ്യ വിവാഹം. ഏഴ് വര്ഷത്തിന് ശേഷം ബന്ധം വേര്പ്പെടുത്തി. 1991ലാണ് നെതന്യാഹുവുവിനെ വിവാഹം ചെയ്തത്. നെതന്യാഹുവിന്റെ മൂന്നാം വിവാഹമായിരുന്നു ഇത്. ഇരുവര്ക്കും രണ്ടു ആണ്മക്കളുണ്ട്.
വിവാദം ഒഴിയാത്ത സാറ നെതന്യാഹു
നിരവധി വിവാദങ്ങളിലൂടെ മാധ്യമങ്ങളില് നിറഞ്ഞ വ്യക്തി കൂടിയാണ് സാറ. ഒരുകാലത്ത് പത്രങ്ങളിലെ ഗോസിപ്പ് കോളങ്ങളില് നിറഞ്ഞിരുന്നു അവര്. ഇതിനെതിരെ നിയമ നടപടി സ്വീകരിക്കുകയും ചെയ്തിട്ടുണ്ട് സാറ. വിദേശ യാത്രയ്ക്കിടെ ധൂര്ത്ത് നടത്തി, സര്ക്കാരിന്റെ പണം വഴിവിട്ട് ചെലവഴിച്ചു, വീട്ടുജോലിക്കാരുടെ ശമ്പളം തടഞ്ഞുവച്ചു, വിശ്വാസ വഞ്ചന തുടങ്ങി നിരവധി കേസുകളും ആരോപണങ്ങളും സാറക്കെതിരെ ഉയര്ന്നിരുന്നു.
നെതന്യാഹുവിന്റെ ഔദ്യോഗിക തീരുമാനങ്ങളെ സ്വാധീനിക്കുന്ന ഒരു നിഴല്ശക്തിയായാണ് പലരും സാറാ നെതന്യാഹുവിനെ കാണുന്നത്. എയര്ഹോസ്റ്റസ് റോളില് നിന്ന് ഇസ്രായേലിന്റെ പ്രഥമ വനിതയായി മാറിയ സാറാ നെതന്യാഹുവിന്റെ ജീവിതം പലപ്പോഴും വിവാദമായിട്ടുണ്ട്. എയര്ഹോസ്റ്റസ് റോളില് തുടരവെയാണ് ബെഞ്ചമിന് നെതന്യാഹുവുമായി കണ്ടുമുട്ടിയത്,
രാജ്യത്തെ പ്രധാന നിയമനങ്ങളിലും ഭര്ത്താവിന്റെ രാഷ്ട്രീയ തീരുമാനങ്ങളിലും അവര് സ്വാധീനം ചെലുത്തുന്നുവെന്ന ആരോപണങ്ങളും നിലവിലുണ്ട്. നെതന്യാഹു തന്റെ പ്രസ്താവനകളില് 'എന്റെ ഭാര്യയും ഞാനും' എന്ന് പതിവായി ഉപയോഗിക്കുന്നത് ചര്ച്ചാ വിഷയവുമാണ്. സാറയെ രാഷ്ട്രീയ ഇടപെടലുകാരിയായി വിമര്ശകര് ചിത്രീകരിക്കുമ്പോള്, നെതന്യാഹു അവരെ 'ധീര വനിത' എന്ന് വിശേഷിപ്പിക്കുന്നു. മാധ്യമങ്ങള് തന്റെ ഭാര്യയെ മനഃപൂര്വം 'ബലിമൃഗമാക്കുകയാണെ'ന്നും അദ്ദേഹം വാദിക്കുന്നു.
സാറാ നെതന്യാഹുവിന്റെ പേരിനൊപ്പം വിവാദങ്ങളും എപ്പോഴും ചേര്ന്നുനില്ക്കുന്നു. അഴിമതി, വഞ്ചന തുടങ്ങിയ ഗുരുതരമായ ആരോപണങ്ങള് അവര്ക്കെതിരെയുണ്ട്. സര്ക്കാര് ഫണ്ടുകള് വ്യക്തിപരമായ ആവശ്യങ്ങള്ക്കായി ദുരുപയോഗം ചെയ്തുവെന്ന കേസുകളില് സാറ വിചാരണ നേരിട്ടിട്ടുണ്ട്. ഭര്ത്താവിനെതിരായ അഴിമതി കേസില് സാക്ഷികളെ ഭീഷണിപ്പെടുത്താന് ശ്രമിച്ചെന്ന ആരോപണങ്ങളെ തുടര്ന്ന് പോലീസ് ഇപ്പോള് ക്രിമിനല് അന്വേഷണവും ആരംഭിച്ചു.
-
'ഹോർമുസ് കടലിടുക്ക് തുറക്കേണ്ടത് ലോകത്തിൻ്റെ ആവശ്യം';ഫോണിൽ സംസാരിച്ച് മോദിയും ട്രംപും -
ഊര്ജ പ്രതിസന്ധി; അവലോകന യോഗവുമായി പ്രധാനമന്ത്രി; ആഭ്യന്തര വിപണിയില് ക്ഷാമം ഉണ്ടാകരുതെന്ന് നിര്ദേശം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം"
Click it and Unblock the Notifications
Sign in with Google