പ്രവാസികൾക്ക് തിരിച്ചടിയായി സൗദിയുടെ പുതിയ പ്രഖ്യാപനം; ജോലി സ്വദേശികൾക്ക്, ലക്ഷ്യം 17000 തൊഴിലവസരം
റിയാദ്: പ്രവാസികള്ക്ക് കനത്ത തിരിച്ചടിയായി സൗദി അറേബ്യയുടെ പുതിയ തീരുമാനം. സ്വദേശി വത്കരണത്തിന്റെ ഭാഗമായാണ് സൗദിയുടെ പുതിയ തീരുമാനം. സൗദിയിലെ യുവാക്കള്ക്കും യുവതികളുമുള്പ്പടെ 17000 തൊഴിലവസരങ്ങള് സൃഷ്ടിക്കുന്നതിന്റെ ഭാഗമായാണ് സര്ക്കാരിന്റെ പുതിയ നീക്കം. ഇതിനായി രൂപം നല്കിയ പ്രത്യേക പദ്ധതിക്ക് സൗദി മാനവ വിഭവശേഷി സമൂഹിക വികസന മന്ത്രാലയം അനുമതി നല്കി. ഗ്രോസറി കടകളിലെ സ്വദേശിവത്കരണത്തിന്റെ ഭാഗമായാണ് പുതിയ തീരുമാനം. വിശദാംശങ്ങളിലേക്ക്..
സൂപ്പര് മാര്ക്കറ്റുകള്
100 മുതല് 499 ചതുരശ്ര മീറ്റര് വിസ്തൃതിയുള്ള സൂപ്പര് മാര്ക്കറ്റുകള് 500 ചതുരശ്ര മീറ്ററില് കൂടുതല് ഹൈപ്പര് മാര്ക്കറ്റുകള് സ്വദേശി വത്കരിക്കാനാണ് സര്ക്കാര് ഇപ്പോള് പദ്ധതി തയ്യാറാക്കിയിരിക്കുന്നത്. ഇതിന് വേണ്ട ഒഴിവിലേക്കുള്ള യുവതി യുവാക്കളടക്കമുള്ള തൊഴിലന്വേഷകരില് നിന്ന് മന്ത്രാലയം അപേക്ഷ ക്ഷണിച്ചു. ഒരാഴ്ചയ്ക്കുള്ളില് ഇതിനുള്ള അപേക്ഷകള് അയയ്ക്കണം.
ശരാശരി തൊഴിലാളികള്
രാജ്യത്തെ സൂപ്പര് മാര്ക്കറ്റുകളില് നിലവില് 105,000 തൊഴിലാളികള് ജോലി ചെയ്യുന്നുണ്ടെന്നാണ് സര്ക്കാര് കണക്കാക്കുന്നത്. ഇവരില് 37000 പേരും സ്വദേശികളാണ്. ആകെ ജീവനക്കാരുടെ 35 ശതമാനത്തോളം വരും ഇത്. ഒരു സൂപ്പര് മാര്ക്കറ്റില് ശരാശരി 10ഓളം തൊഴിലാളികളാണ് കണക്കാക്കുന്നത്.
ഹൈപ്പര് മാര്ക്കറ്റുകള്
500 ചതുരശ്ര മീറ്ററില് കൂടുതലുള്ള 1200 ഹൈപ്പര് മാര്ക്കറ്റുകളാണ് സൗദിയിലുള്ളത്. ഇത്തരം സ്ഥാനപങ്ങളില് ആകെ 48000ഓളം പേരാണ് തൊഴിലെടുക്കുന്നത്. ഒരു ഹൈപ്പര് മാര്ക്കറ്റില് ശരാശരി 250ഓളം ജീവനക്കാരാണ് തൊഴിലെടുക്കുന്നത്. ഇവയില് മിക്ക സ്ഥാപനങ്ങളും വലുതാണ്. ഇവിടങ്ങളില് ആകെ മുഴുവന് ജീവനക്കാരുടെ 35 ശതമാനം മാത്രമാണ് സ്വദേശികളുള്ളതെന്നാണ് സൗദി പറയുന്നത്.
സ്വദേശികള്ക്ക് ജോലി
ഗ്രോസറി മാര്ക്കറ്റുകളിലേക്ക് കൂടുതല് സ്വദേശികളെ എത്തിക്കുന്നതിനാണ് സര്ക്കാര് ശ്രമം. ഇതിനായി ഈ രംഗത്തെ പ്രധാന കമ്പനികളെയും വികസിത കമ്പനികളെയും തിരിച്ചറിയുകയാണ് പുതിയ സ്വദേശിവത്കരണ പദ്ധതി പ്രധാനമായു ലക്ഷ്യമിടുന്നത്. ഇതിന് പിന്നാലെ സ്വദേശികള്ക്ക് തൊഴില് ലഭ്യമാക്കാനുള്ള കരാറുകളില് ഒപ്പിടും.
സുരക്ഷ ഉറപ്പുവരുത്തും
കൂടാതെ തൊഴില് നടപടി ക്രമങ്ങള് സുഗമമാക്കുന്നതിനും തൊഴില് സുരക്ഷയും സ്ഥിരതയും ഉറപ്പ് വരുത്തുന്നതിനും വ്യവസ്ഥ ചെയ്യുമെന്നും അധികൃതര് അറിയിച്ചിട്ടുണ്ട്. പുതിയ നിയമം നടപ്പിലാക്കുന്നതോടെ പ്രവാസികള്ക്ക് ഇത്തരം കടകളിലുള്ള ജോലി സാധ്യത അടയും. ഇത്തരം ജോലികളെ ആശ്രയിച്ച് കഴിയുന്ന പ്രവാസികള്ക്ക് ഇത് കനത്ത തിരിച്ചടിയാകും.
-
മികച്ച വരുമാനം നാട്ടിൽ തന്നെ, ഇനി യുവാക്കൾ ജോലി തേടി നാടുവിടേണ്ട, തൊഴിലുറപ്പാക്കി സംസ്ഥാന സർക്കാർ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ?
Click it and Unblock the Notifications
Sign in with Google