Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
സൗദി അറേബ്യ ഒരാഴ്ചകൂടി അടച്ചിടും; യാത്ര നിരോധനം തുടരാന്‍ തീരുമാനം, വിദേശികള്‍ക്ക് രാജ്യംവിടാം
റിയാദ്: കൊറോണ വ്യാപന ഭീതി നിലനില്‍ക്കുന്നതിനിടെ ഒരാഴ്ച കൂടി അതിര്‍ത്തികള്‍ അടച്ചിടാന്‍ സൗദി അറേബ്യ തീരുമാനിച്ചു. കര, വ്യോമ, നാവിക അതിര്‍ത്തികള്‍ തുറക്കില്ലെന്ന് സൗദി ആഭ്യന്തര മന്ത്രാലയം അറിയിച്ചു. കൊറോണയുടെ പുതിയ വകഭേദം അതിവേഗം വ്യാപിക്കുന്നു എന്ന് പല രാജ്യങ്ങളില്‍ നിന്നും റിപ്പോര്‍ട്ട് ചെയ്യപ്പെട്ടിരുന്നു. തുടര്‍ന്നാണ് കഴിഞ്ഞാഴ്ച അതിര്‍ത്തി അടയ്ക്കാന്‍ സൗദി തീരുമാനിച്ചത്. ഇപ്പോള്‍ നിയന്ത്രണങ്ങള്‍ വീണ്ടും ഒരാഴ്ച കൂടി നീട്ടി.
Recommended Video
സൗദിക്കാരല്ലാത്തവര്‍ക്ക് രാജ്യത്തിന് പുറത്തുപോകാന്‍ അനുമതിയുണ്ടാകും. ഇന്ത്യയുടെ വന്ദേഭാരത് മിഷന്‍ വീണ്ടും ആരംഭിക്കാന്‍ സാധിക്കുമെന്നാണ് കരുതുന്നത്. കഴിഞ്ഞ ഒരാഴ്ചയായി ഇക്കാര്യത്തില്‍ അനിശ്ചിതത്വം നിലനില്‍ക്കുകയായിരുന്നു. ഒട്ടേറെ ഇന്ത്യക്കാര്‍ നാട്ടിലേക്ക് മടങ്ങാന്‍ ആഗ്രഹിച്ച് നില്‍ക്കെയാണ് പെട്ടെന്ന് അതിര്‍ത്തി അടച്ച് ഉത്തരവ് വന്നത്. വിദേശത്ത് നിന്ന് സൗദിയിലേക്ക് ആര്‍ക്കും പ്രവേശനം ഇല്ല. അതേസമയം, സൗദി വിട്ടു പോകാന്‍ അവസരമുണ്ട്. ഒരാഴ്ചയ്ക്ക് ശേഷം വീണ്ടും സാഹചര്യം പരിശോധിച്ച് നടപടികള്‍ സ്വീകരിക്കും.
ബ്രിട്ടനിലാണ് പുതിയ കൊറോണ വകഭേദം കണ്ടെത്തിയത്. മറ്റുള്ള രാജ്യങ്ങളിലും പിന്നീട് റിപ്പോര്‍ട്ട് ചെയ്തിരുന്നു. ഈ രാജ്യങ്ങളില്‍ നിന്ന് സൗദിയിലെത്തിയവര്‍ നിരീക്ഷണത്തിലാണ്. തൊട്ടുപിന്നാലെയാണ് അതിര്‍ത്തി അടച്ചത്. സൗദിയില്‍ ഇതുവരെ പുതിയ വൈറസ് റിപ്പോര്‍ട്ട് ചെയ്തിട്ടില്ല. അതേസമയം, ജോര്‍ദാനില്‍ ഞായറാഴ്ച രണ്ടു പേര്‍ക്ക് രോഗം സ്ഥിരീകരിച്ചു. ബ്രിട്ടനില്‍ നിന്നെത്തിയ ദമ്പതികള്‍ക്കാണ് രോഗം സ്ഥിരീകരിച്ചത്. ലബ്‌നാനില്‍ വെള്ളിയാഴ്ച പുതിയ കൊറോണ രോഗം റിപ്പോര്‍ട്ട് ചെയ്തു. ഇവരും ബ്രിട്ടനില്‍ നിന്നെത്തിയവരാണ്.
ബ്രിട്ടനിലേക്കുള്ള യാത്രകള്‍ 50 രാജ്യങ്ങള്‍ നിരോധിച്ചിരിക്കുകയാണ്. ഇന്ത്യയും ഇതില്‍പ്പെടും. സൗദിക്ക് പുറമെ, കുവൈത്ത്, ഒമാന്‍ എന്നീ ഗള്‍ഫ് രാജ്യങ്ങളും അതിര്‍ത്തി അടച്ചിരുന്നു. ഒമാന്‍ ചൊവ്വാഴ്ച അതിര്‍ത്തി തുറക്കുമെന്നാണ് അറിയിച്ചിട്ടുള്ളത്.
