യുഎഇയില് മാസപ്പിറവി ദൃശ്യമായി; മുഹറം ഒന്ന് ശനിയാഴ്ച
അബുദാബി: യുഎഇയില് മാസപ്പിറവി ദൃശ്യമായി. മാസപ്പിറവി ദൃശ്യമായതിന്റെ ചിത്രം ഇന്റര്നാഷണല് അസ്ട്രോണമി സെന്റര് പങ്കുവെച്ചു. ജൂലൈ 29 വെള്ളിയാഴ്ച ഉച്ചയ്ക്ക് ഒരു മണിക്കാണ് അബുദാബിയില് മാസപ്പിറവി ദൃശ്യമായത്. ജൂലൈ 30 ശനിയാഴ്ച ആണ് മുഹറം ഒന്ന്. യുഎഇയിലെ പൊതു, സ്വകാര്യ മേഖലാ ജീവനക്കാര്ക്ക് ജൂലൈ 30 ശനിയാഴ്ച ശമ്പളത്തോട് കൂടിയ ഔദ്യോഗിക അവധി ആയിരിക്കും.
അതേസമയം, സൗദി അറേബ്യയില് മുഹറം ഒന്ന് ശനിയാഴ്ചയാണ് സൗദി അറേബ്യയില് മാസപ്പിറവി ദൃശ്യമാവാത്തതിനാല് ശനിയാഴ്ച മുഹറം ഒന്നാം തീയ്യതിയായി കണക്കാക്കുമെന്ന് അറിയിപ്പ്.
ഹിജറ കലണ്ടര് പ്രകാരമുള്ള പുതുവര്ഷാരംഭ ദിനമാണ് മുഹറം ഒന്ന്. വ്യാഴാഴ്ച മാസപ്പിറവി ദൃശ്യമാവാത്തതിനാല് ഉമ്മുല്ഖുറ കലണ്ടര് പ്രകാരം ഹിജ്റ വര്ഷം 1444ലെ ഒന്നാമത്തെ ദിവസമായ മുഹറം - 1, ജൂലൈ 30 ശനിയാഴ്ചയായിരിക്കുമെന്നാണ് സുപ്രീം കോടതിയുടെ അറിയിപ്പ്.
ഹിജ്റ കലണ്ടര് പ്രകാരം വെള്ളിയാഴ്ച (ജൂലൈ 29), ദുല്ഹജ്ജ് 30 ആണ്. ഹിജ്റ വര്ഷം 1443ലെ അവസാന ദിനമാണ് ഇന്ന്. വിവിധ ഗള്ഫ് രാജ്യങ്ങളില് ഹിജ്റ വര്ഷാരംഭത്തോടനുബന്ധിച്ച് അവധി പ്രഖ്യാപിച്ചിട്ടുണ്ട്.
Click it and Unblock the Notifications
Sign in with Google