സൗദിയില് പുതിയ തൊഴില് അവസരങ്ങള്; ഇന്ത്യയുമായി കരാര്, എന്താണ് ഡിജിറ്റല് ഇക്കോണമി
ന്യൂഡല്ഹി/റിയാദ്: സൗദി അറേബ്യ അടിമുടി മാറുകയാണ്. ഡിജിറ്റല് രംഗം കൂടുതല് കാര്യക്ഷമമായി ഉപയോഗിക്കാനാണ് തീരുമാനം. ഇതിന്റെ ഭാഗമായി ഇന്ത്യയുമായി പുതിയ കരാര് ഒപ്പുവച്ചു. ഇരുരാജ്യങ്ങളും ഡിജിറ്റല് രംഗത്ത് കൂടുതല് സഹകരിച്ച് പ്രവര്ത്തിക്കും. ഇരുരാജ്യങ്ങള്ക്കിടയില് നിക്ഷേപവും തൊഴില് അവസരങ്ങളും സൃഷ്ടിക്കപ്പെടുന്നതാണ് പുതിയ കരാര്.
സൗദി അറേബ്യയുടെ സാങ്കേതിക വകുപ്പ് മന്ത്രി അബ്ദുല്ല അല് സ്വാഹയും ഇന്ത്യന് വിവര സാങ്കേതിക മന്ത്രി അശ്വനി വൈഷ്ണവുമാണ് കരാര് ഒപ്പുവച്ചത്. സൗദി മന്ത്രിയും പ്രതിനിധികളും കഴിഞ്ഞ ദിവസം ഡല്ഹി സന്ദര്ശിച്ചിരുന്നു. സൗദി സംഘം ജാപ്പനീസ് പ്രതിനിധികളുമായും യൂറോപ്യന് യൂണിയന് പ്രതിനിധികളുമായും ചര്ച്ച നടത്തുകയും ചെയ്തു.
ഡിജിറ്റല് സമ്പദ് വ്യവസ്ഥാ രംഗത്തുള്ള സഹകരണമാണ് പുതിയ കരാര് കൊണ്ട് ഉദ്ദേശിക്കുന്നത്. ഡിജിറ്റല് രംഗം വിപുലീകരിക്കാന് അടിസ്ഥാന സൗകര്യമൊരുക്കല്, ഇ-ഹെല്ത്ത്, ഇ-ലേണിങ്, ഡിജിറ്റല് ഗവേഷണ സഹകരണം, നവ സാങ്കേതിക വിദ്യകളുടെ ഉപയോഗം എന്നിവയാണ് കരാറിന്റെ ഭാഗമായി വരുന്നത്. ഐടി രംഗത്ത് തിളങ്ങിയവര്ക്ക് നിരവധി തൊഴില് അവസരങ്ങളാണ് ഇതുവഴി ഒരുങ്ങുക.
നവീന സാങ്കേതി വിദ്യയുടെ കേന്ദ്രമായി മാറാനുള്ള ശ്രമത്തിലാണ് സൗദി അറേബ്യ. ഇതിന്റെ ഭാഗമായിട്ടാണ് ഇന്ത്യയുമായി കരാര് ഒപ്പുവച്ചിരിക്കുന്നത്. കൂടാതെ ജപ്പാന് ഉള്പ്പെടെയുള്ള രാജ്യങ്ങളുമായും സൗദി സഹകരിക്കും. ഡിജിറ്റല് ഇക്കോണമി എന്ന സ്വപ്നത്തിലേക്ക് അടുക്കുകയാണ് സൗദി അറേബ്യ. ഇതിന്റെ ഭാഗമായി നിരവധി തൊഴില് അവസരങ്ങള് സൃഷ്ടിക്കപ്പെടും.
സൗദി അറേബ്യ അടുത്ത കാലത്തായി വലിയ പരിഷ്കാരങ്ങളാണ് നടപ്പാക്കി വരുന്നത്. വിഷന് 2030 എന്ന പദ്ധതിയുടെ ഭാഗമായിട്ടാണ് ഈ പരിഷ്കാരങ്ങള്. സ്ത്രീകള്ക്ക് കൂടുതല് അവസരങ്ങള് ഒരുക്കുന്നതും ടൂറിസം പ്രോല്സാഹിപ്പിക്കുന്നതുമെല്ലാം ഇതിന്റെ ഭാഗമാണ്. സാങ്കേതിക വിദ്യയ്ക്ക് പ്രാധാന്യം നല്കിയുന്ന നിയോം സിറ്റി സൗദി രാജകുമാരന്റെ സ്വപ്ന പദ്ധതിയാണ്.
ഡിജിറ്റല് രംഗം ശക്തിപ്പെടുത്തിയാല് കൂടുതല് നിക്ഷേപം ആകര്ഷിക്കാന് സാധിക്കുമെന്ന പ്രതീക്ഷയിലാണ് സൗദി ഭരണകൂടം. പുതിയ കരാര് അനുസരിച്ച് സൗദിയിലും ഇന്ത്യയിലും തൊഴില് അവസരങ്ങള് വര്ധിക്കും. നിക്ഷേപവും വന്തോതില് പ്രതീക്ഷിക്കുന്നു. ഇ-വാലറ്റ് വഴി ഇന്ത്യക്കാര്ക്ക് സൗദിയില് ഇടപാട് നടത്താന് പറ്റുന്ന സാഹചര്യവും വൈകാതെ വന്നേക്കും.
സംയുക്ത സംരഭങ്ങള് കരാറിന്റെ ഭാഗമായി നിലവില് വരും. ഇന്ത്യക്കാര്ക്ക് ഇത്തരം സംരഭങ്ങളില് തൊഴിലില് മുന്ഗണന ലഭിക്കും. സൗദിയിലെ വിദ്യാഭ്യാസ, ആരോഗ്യ രംഗത്ത് ഇലക്ട്രോണിക്-സാങ്കേതിക വിദ്യ മെച്ചപ്പെടുത്താന് ഇന്ത്യന് കമ്പനികള്ക്ക് അവസരം കിട്ടും. ഈ വേളയിലെല്ലാം വിദഗ്ധ തൊഴില് രംഗത്ത് മികച്ച പ്രകടനം കാഴ്ചവയ്ക്കുന്നവര്ക്ക് അവസരമൊരുങ്ങും.
-
സൗദി അറേബ്യ മൂന്നാം സ്ഥാനത്ത്; എല്പിജി കൂടുതല് ഉല്പ്പാദിപ്പിക്കുന്നത് മറ്റൊരു രാജ്യം, ചൈന മുന്നില് -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ -
ഗ്രാമിന് 100 ദിര്ഹത്തോളം കുറവ്!! ആഭരണങ്ങളും സ്വര്ണനാണയങ്ങളും വാരിക്കൂട്ടി ദുബായ് ജനത -
ഗൾഫ് രാജ്യങ്ങളിലെ വിദ്യാർത്ഥികൾക്ക് ആശ്വാസം; ബദൽ മൂല്യനിർണയ പദ്ധതിയുമായി സിബിഎസ്ഇ -
ഇറാന്റെ തന്ത്രം 'പൊളിക്കാന്' യുഎഇ, സൗദി, ഇറാഖ് നീക്കം; എങ്കിലും അളവ് എത്തില്ല, 3 കുഴലുകള് -
ഖത്തറിന് മറ്റൊരു വന് തിരിച്ചടി; ഡൊണാള്ഡ് ട്രംപ് പോലും വീഴും, ആരും അറിയാതെ എത്തുന്ന കെണി -
സ്വർണം കൂട്ടത്തോടെ വിറ്റ് റഷ്യ; 25 വർഷത്തിനിടെ ആദ്യം..വില ഇനി കുത്തനെ ഇടിയും? -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള്
Click it and Unblock the Notifications
Sign in with Google