• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

രക്ഷാസമിതിയില്‍ അംഗത്വം വേണ്ടെന്ന് സൗദി

  • By Soorya Chandran

റിയാദ്: ഐക്യരാഷ്ട്ര സഭയുടെ രക്ഷാസമിതിയില്‍ തങ്ങള്‍ക്ക് അംഗത്വം വേണ്ടെന്ന് സൗദി അറേബ്യ ഭരണകൂടം. അന്താരാഷ്ട്രതലത്തില്‍ സമാധാനം നിലനിര്‍ത്താന്‍ ബാധ്യസ്ഥരായ രക്ഷാസമിതി സിറിയന്‍ പ്രശ്നത്തില്‍ ഇരട്ടത്താപ്പ് നയമാണ് സ്വീകരിക്കുന്നതെന്ന് പറഞ്ഞാണ് സൗദി രക്ഷാസമിതി അംഗത്വം നിരസിച്ചത്.

ലോകത്തിലെ പ്രശ്‌നങ്ങള്‍ പരിഹരിക്കുന്നതില്‍ രക്ഷാ സമിതി പരാജയമാണ്. പ്രത്യേകിച്ച് സിറിയയിലെ പ്രശ്‌നങ്ങളില്‍ രക്ഷാസമിതി ശരിയായ ഇടപെടല്‍ നടത്തിയില്ലെന്നും സൗദി അറേബ്യ ആരോപിക്കുന്നു. സിറിയയില്‍ പ്രസിഡന്റ് അസദിനെതിരെ പോരാടുന്ന വിമതര്‍ക്കാണ് സൗദി അറേബ്യയുടെ പിന്തുണ.

ഐക്യരാഷ്ട്ര സഭയുടെ രക്ഷാ സമിതിയലേക്ക് തിരഞ്ഞെടുക്കപ്പെട്ട് മണിക്കൂറുകള്‍ക്കകമാണ് സൗദി അംഗത്വം തിരസ്‌കരിച്ചത്. 15 അംഗ രക്ഷാസമിതിയില്‍ അമേരിക്ക, റഷ്യ, ഫ്രാന്‍സ്, ചൈന, ബ്രിട്ടന്‍ എന്നീ രാജ്യങ്ങളാണ് സ്ഥിര അംഗങ്ങള്‍. ബാക്കി 10 രാജ്യങ്ങളെ രണ്ട് വര്‍ഷം കൂടുമ്പോള്‍ ആണ് തിരഞ്ഞെടുക്കുക. കഴിഞ്ഞ മാസം സൗദി വിദേശ കാര്യമന്ത്രി സൗദ് അല്‍ ഫൈസല്‍ ഐക്യരാഷ്ട്ര പൊതുസഭയെ അഭിസംബോധനചെയ്യാന്‍ വിസമ്മതിച്ചതും ഏറെ ചര്‍ച്ചയായിരുന്നു.

ദീര്‍ഘകാല സുഹൃത്തുക്കളായ സൗദിയും അമേരിക്കയും തമ്മിലുള്ള പ്രശ്‌നങ്ങളാണ് രക്ഷാസമിതി അംഗത്വം തിരസ്‌കരിച്ചതിലൂടെ പുറത്ത് വരുന്നതെന്നും വിലയിരുത്തപ്പെടുന്നുണ്ട്. ഈജിപ്തിലേയും സിറിയയിലേയും പ്രശ്നങ്ങളിലെ അമേരിക്കന്‍ ഇടപെടലുകള്‍ സൗദിക്ക് തൃപ്തികരമല്ല. അമേരിക്ക ഇറാനുമായി നടത്തിയ സൗഹാര്‍ദ്ദപരമായ ചര്‍ച്ചകളേയും സൗദി സംശയത്തോടെയാണ് വീക്ഷിക്കുന്നത്.

സിറിയന്‍ പ്രശ്‌നം തന്നെയാണ് അംഗത്വം നിരസിക്കുന്നതിനുള്ള പ്രധാന കാരണമായി സൗദി ഉയര്‍ത്തിക്കാട്ടുന്നത്. രാസായുധം ഉപയോഗിച്ച് രാജ്യത്തെ ആയിരക്കണക്കിന് പേരെ കുരുതി കൊടുത്ത അസദിനെതിരെ ഒരു ശിക്ഷാനടപടിയും രക്ഷാസമിതി സ്വീകരിച്ചില്ലെന്നത് തന്നെയാണ് പ്രശ്‌നം. 65 വര്‍ഷമായി തുടരുന്ന പലസ്തീന്‍ പ്രശ്‌നം രക്ഷാ സമിതിക്ക് ഇതുവരേയും പരിഹരിക്കാനായിട്ടില്ല. മധ്യേഷ്യയെ ആണവ ഭീഷണിയില്‍ നിന്ന് മുക്തമാക്കാന്‍ കഴിഞ്ഞിട്ടില്ല. മധ്യേഷ്യയിലെ സംഘര്‍ഷങ്ങള്‍ അവസാനിപ്പിക്കാനും രക്ഷാ സമിതിക്ക് കഴിഞ്ഞിട്ടില്ല. പല കാര്യങ്ങളിലും ഇരട്ടത്താപ്പാണ് എടുക്കുന്നത്. ഇത്തരമൊരു സാഹചര്യത്തില്‍ രക്ഷാസമിതി അംഗമായിക്കൊണ്ട് പ്രവര്‍ത്തിക്കാന്‍ സാധിക്കില്ലെന്നാണ് സൗദിയുടെ നിലപാട്.

രക്ഷാസമിതി അംഗമായി തിരഞ്ഞെടുക്കപ്പെട്ട ഉടന്‍ സൗദിയുടെ യുഎന്‍ അംബാസഡര്‍ ആഹ്ലാദം പ്രകടിപ്പിക്കുകയാണ് ചെയ്തത്. രാഷ്ട്രം ഇത്രകാലം തുടര്‍ന്നുപോന്ന നിലപാടുകള്‍ക്കുള്ള അംഗീകാരമായാണ് ഇതിനെ കാണുന്നതെന്നായിരുന്നു അദ്ദേഹത്തിന്റെ പ്രതികരണം. എന്നാല്‍ മണിക്കൂറുകള്‍ക്കം അംഗത്വം തിരസ്‌കരിച്ചുകൊണ്ടുള്ള അറിയിപ്പാണ് സൗദിയില്‍ നിന്ന് പുറത്ത് വന്നത്.

English summary
Saudi Arabia on Friday rejected its freshly-acquired seat on the UN Security Council, saying the 15-member body is incapable of resolving world conflicts such as the Syrian civil war
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more