സൗദിയില് പെണ്കുട്ടികള് അബായ ധരിക്കരുത്; പരീക്ഷാ വേളയില് നിയന്ത്രണം കടുപ്പിച്ച് സര്ക്കാര്
റിയാദ്: സൗദി അറേബ്യയില് വിദ്യാര്ഥിനികളുടെ വസ്ത്രധാരണത്തില് ചില നിയന്ത്രണങ്ങള് കൊണ്ടുവരുന്നു. പരീക്ഷ വേളയില് അബായ ധരിക്കരുത് എന്നാണ് പുതിയ നിര്ദേശം. സ്കൂള് യൂണിഫോം ധരിച്ചുവേണം പരീക്ഷാ ഹാളില് പ്രവേശിക്കാന് എന്ന് സര്ക്കാര് ഏജന്സിയായ സൗദി വിദ്യാഭ്യാസ-പരിശീലന അവലോകന കമ്മീഷന് (ഇടിഇസി) അറിയിച്ചു.
സാധാരണ സൗദിയിലെ യുവതികള് അബായ ധരിച്ചാണ് പുറത്തിറങ്ങാറ്. വളരെ അയഞ്ഞ വസ്ത്രമാണിത്. എന്നാല് പരീക്ഷാ ഹാളില് ഇത് ധരിക്കരുത് എന്നാണ് നിര്ദേശം...
യുവതികളായ വിദ്യാര്ഥിനികളെ അബായ ധരിച്ച് പരീക്ഷാ ഹാളില് പ്രവേശിപ്പിക്കില്ലെന്ന് ഇടിഇസി അറിയിച്ചു. പരീക്ഷ വേളയില് മാത്രമാണ് ഈ നിര്ദേശം ബാധകമാകുക. പരീക്ഷാ ഹാളില് കയറുമ്പോള് സ്കൂളിലെ യൂണിഫോം ആയിരിക്കണം വേഷം. രാജ്യത്തെ നിയമങ്ങള് പാലിക്കുന്നതും മാന്യമായതുമായിരിക്കണം യൂണിഫോം എന്നും ഇടിഇസി പുതിയ നിര്ദേശത്തില് പറയുന്നു.
സൗദിയില് സാധാരണ സത്രീകള് അബായ ആണ് ധരിക്കാറ്. വളരെ അയഞ്ഞ രീതിയിലുള്ള മേല്വസ്ത്രമാണിത്. ഇറുകിയതും നേര്ത്തതുമായ വസ്ത്രങ്ങള് ധരിക്കുന്നത് സൗദിയില് പ്രോല്സാഹിപ്പിക്കാറില്ല. എന്നാല് പരീക്ഷാ ഹാളില് മാത്രമാണ് പുതിയ നിര്ദേശം നടപ്പാക്കുക. യൂണിഫോം നിര്ബന്ധമായും പരീക്ഷാ ഹാളില് ധരിക്കണം എന്നാണ് നിര്ദേശം.
2017ലാണ് ഇടിഇസി രൂപീകരിച്ചത്. സര്ക്കാര് നിയന്ത്രണത്തിലുള്ള വിഭാഗമാണിത്. വിദ്യാഭ്യാസ മന്ത്രാലയത്തെ സഹായിക്കലാണ് ദൗത്യം. വിദ്യാഭ്യാസവുമായി ബന്ധപ്പെട്ട ആസൂത്രണം, അവലോകനം, പരിശോധന, വിദ്യാഭ്യാസ സ്ഥാപനങ്ങള്ക്കുള്ള അംഗീകാരം, പരിശീലന രീതി എന്നിവയെല്ലാം നിര്ദേശിക്കുക ഇടിഇസിയാണ്. വിദ്യാഭ്യാസ മന്ത്രാലയത്തിന് അവശ്യം വേണ്ട നിര്ദേശങ്ങള് സമയാസമയങ്ങളില് നല്കുകയാണ് ഇടിഇസി ചെയ്യുക.
നിയമപരമായും സാമ്പത്തികമായും സ്വതന്ത്രമായിട്ടാണ് ഇടിഇസി പ്രവര്ത്തിക്കുന്നത്. വിദ്യാഭ്യാസ മേഖലയില് നടപ്പാക്കേണ്ട പരിഷ്കാരങ്ങള് സംബന്ധിച്ച് പ്രധാനമന്ത്രിക്ക് നേരിട്ടാണ് ഈ സമിതി റിപ്പോര്ട്ട് സമര്പ്പിക്കുക. സൗദിയുടെ പുതിയ പ്രധാനമന്ത്രി മുഹമ്മദ് ബിന് സല്മാന് രാജകുമാരനാണ്. കിരീടവകാശിയായ ഇദ്ദേഹത്തെ അടുത്തിടെയാണ് സല്മാന് രാജാവ് പ്രധാനമന്ത്രിയായി നിയമിച്ചത്.
സൗദി അറേബ്യ പരിഷ്കരണത്തിന്റെ പാതയിലാണ്. ഒട്ടേറെ പരിഷ്കാരങ്ങളാണ് അടുത്തിടെ നടപ്പാക്കിയത്. മുഹമ്മദ് ബിന് സല്മാന് 2017ലാണ് സൗദിയുടെ കിരീടവകാശിയായി ചുമതലയേറ്റത്. അതിന് ശേഷമാണ് പരിഷ്കാര പദ്ധതികള് നടപ്പാക്കി തുടങ്ങിയത്. വനിതകള്ക്ക് ഒട്ടേറെ ആനുകൂല്യങ്ങളും ഇളവുകളും സൗദി അടുത്തിടെ പ്രഖ്യാപിച്ചിരുന്നു. ഡ്രൈവിങ് ലൈസന്സ് എടുക്കാനുള്ള അനുമതിയും വനിതകള്ക്ക് ലഭിച്ചിട്ടുണ്ട്.
-
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ...
Click it and Unblock the Notifications
Sign in with Google