Click it and Unblock the Notifications
Just In
Don't Miss
-
IPL 2024: സാറ സൂക്ഷിച്ചോ, ഗാലറിയിലെ സുന്ദരിയെ കണ്ട് കണ്ണുതള്ളി ഗില്! സ്പാനിഷ് നടിയോ, വീഡിയോ -
വെറുപ്പിന്റെ അങ്ങേയറ്റം ജാസ്മിനും ഗബ്രിക്കും സപ്പോര്ട്ട്; വൈല്ഡ് കാര്ഡ് എന്ട്രികളുടെ ശ്രമം പാളുന്നു? -
നൂറ് യാഗങ്ങള്ക്ക് തുല്യമായ ഫലം, മോക്ഷപ്രാപ്തിയോടെ ജീവിതം; കാമദ ഏകാദശി വ്രതം -
സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ് -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്! -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ഇറാനെതിരായ യുദ്ധത്തിന് തങ്ങളില്ലെന്ന് ഖത്തര്‍ പ്രതിരോധ മന്ത്രി; സൗദിക്ക് പരോക്ഷ വിമര്‍ശനം
സിംഗപ്പൂര്‍: ഇറാനെതിരായ യുദ്ധത്തെ തങ്ങള്‍ പിന്തുണയ്ക്കുന്നില്ലെന്ന് ഖത്തര്‍ ഉപപ്രധാനമന്ത്രിയും പ്രതിരോധ മന്ത്രിയുമായ ഖാലിദ് ബിന്‍ മുഹമ്മദ് അല്‍ അത്തിയ്യ. ഇറാനുമായുള്ള സംഘര്‍ഷത്തില്‍ തങ്ങളെ കൂടി വലിച്ചിഴക്കേണ്ടതില്ലെന്നും അദ്ദേഹം പറഞ്ഞു. സിംഗപ്പൂരില്‍ നടന്ന അന്താരാഷ്ട്ര സുരക്ഷാ സമ്മേളനത്തിലാണ് ഇറാന്‍ വിഷയത്തില്‍ ഖത്തര്‍ പ്രതിനിധി നിലപാട് വ്യക്തമാക്കിയത്. ഇറാനുമായി ഖത്തറിന് അഭിപ്രായ വ്യത്യാസങ്ങള്‍ നിരവധിയുണ്ട്. എന്നു കരുതി ഇറാനെതിരായ യുദ്ധത്തിന് ഇന്ധനം നിറയ്ക്കാന്‍ തങ്ങളെ കിട്ടില്ലെന്നും അദ്ദേഹം വ്യക്തമാക്കി.
ഇറാനെതിരായി യുദ്ധം ചെയ്യാന്‍ അമേരിക്കയെയും ഇസ്രായേലിനെയും ക്ഷണിക്കുന്നത് ശരിയാണോയെന്ന് സൗദി അറേബ്യയെ പരോക്ഷമായി സൂചിപ്പിച്ച് അല്‍ അത്തിയ്യ ചോദിച്ചു. ഏതെങ്കിലും മൂന്നാം കക്ഷി മേഖലയെയോ മേഖലയിലെ ഏതെങ്കിലും രാജ്യത്തെയോ ഇറാനുമായി യുദ്ധത്തിലേക്ക് തള്ളിയിടാന്‍ ശ്രമിക്കുന്നുണ്ടെങ്കില്‍ അത് അത്യന്തം അപകടകരമാവുമെന്നും അദ്ദേഹം മുന്നറിയിപ്പ് നല്‍കി. ഖത്തര്‍ പ്രതിരോധ മന്ത്രി പേരെടുത്തു പറഞ്ഞില്ലെങ്കിലും സൗദി അറേബ്യയെയാണ് ഇതിലൂടെ ലക്ഷ്യമിട്ടതെന്നാണ് പൊതുവെയുള്ള വിലയിരുത്തല്‍. സൗദിയുടെ നേതൃത്വത്തില്‍ കഴിഞ്ഞ ജൂണില്‍ ഖത്തറിനെതിരേ ഉപരോധം ഏര്‍പ്പെടുത്തിയതിന് പറഞ്ഞ കാരണങ്ങളിലൊന്ന് ഖത്തറിന്റെ ഇറാന്‍ ബന്ധമായിരുന്നു.
ഇറാന്‍ നമ്മുടെ അയല്‍രാജ്യമാണ്. അവരുമായി അഭിപ്രായ വ്യത്യാസമുണ്ടെങ്കില്‍ യുദ്ധത്തിന് പോകുന്നതിന് പകരം മേശയ്ക്കു ചുറ്റുമിരുന്ന് കാര്യങ്ങള്‍ ചര്‍ച്ച ചെയ്യുകയാണ് വേണ്ടതെന്നും അല്‍ അത്തിയ്യ പറഞ്ഞു. ഖത്തറിലെ അമേരിക്കന്‍ വ്യോമതാവളം ഇറാനെതിരായ ആക്രമണത്തിന് ഉപയോഗിക്കുമോ എന്ന ചോദ്യത്തിന് ഖത്തര്‍ യുദ്ധക്കൊതിയുള്ള രാജ്യമല്ല, ചര്‍ച്ചയിലൂടെയുള്ള പ്രശ്‌നപരിഹാരമാണ് തങ്ങള്‍ ആഗ്രഹിക്കുന്നതെന്നായിരുന്നു അദ്ദേഹത്തിന്റെ മറുപടി. 10,000ത്തോളം യു.എസ് സൈനികരുള്ള ഖത്തറിലെ അല്‍ ഉദൈദ് താവളം ഇസ്ലാമിക് സ്‌റ്റേറ്റ് ഭീകരര്‍ക്കും അഫ്ഗാനിലെ താലിബാനുമെതിരായ യുദ്ധത്തില്‍ ഉപയോഗിച്ചിരുന്നു.
