ആദ്യ രാത്രിക്ക് മുമ്പ് വധുവിനെ ഞെട്ടിച്ച് വരന്‍, വില്ലനായി സ്‌നാപ് ചാറ്റ്

എന്തും സമൂഹമാധ്യമങ്ങള്‍ വഴി സുഹൃത്തുക്കള്‍ക്ക് പങ്കു വയ്ക്കുന്നത് മിക്ക ആളുകളുടെയും ജീവിതത്തിന്റെ തന്നെ ഭാഗമായിരിക്കുകയാണ്.

ദുബായ് : എന്തും സമൂഹമാധ്യമങ്ങള്‍ വഴി സുഹൃത്തുക്കള്‍ക്ക് പങ്കു വയ്ക്കുന്നത് മിക്ക ആളുകളുടെയും ജീവിതത്തിന്റെ തന്നെ ഭാഗമായിരിക്കുകയാണ്.വിവാഹം കഴിഞ്ഞ് മണിക്കൂറുകള്‍ക്കുള്ളില്‍ തന്നെ വിവാഹ ഫോട്ടോ സ്‌നാപ്പ് ചാറ്റിലിട്ട വധുവിന് വരന്‍ നല്‍കിയ ആദ്യ വിവാഹ സമ്മാനം വിവാഹമോചനം. സൗദി സ്വദേശിയായ യുവാവാണ് വിവാഹം കഴിഞ്ഞ് മണിക്കൂറുകള്‍ക്കുള്ളില്‍ തന്നെ ഭാര്യയെ ഉപേക്ഷിച്ചത്‌.

വിവാഹ ചിത്രങ്ങള്‍ സോഷ്യല്‍ മീഡിയവഴി പങ്കുവയ്ക്കില്ലെന്ന് വിവാഹത്തിനു മുമ്പ് ഇരുവരും ധാരണയിലെത്തിയിരുന്നു. ഇത് ലംഘിച്ചതാണ് വരനെ ചൊടിപ്പിച്ചത്. വിവാഹം കഴിഞ്ഞ് മണിക്കൂറുകള്‍ക്കുള്ളില്‍ തന്നെ വധു സ്‌നാപ് ചാറ്റിലൂടെ ചിത്രങ്ങള്‍ ഷെയര്‍ ചെയ്തിരുന്നു. തുടര്‍ന്നാണ് വധുവിനെ ഉപേക്ഷിച്ച് വരന്‍ പോയത്.

വിവാഹത്തിനു മുമ്പ് ഇരുവരും ഇത്തരത്തിലൊരു ധാരണയിലെത്തിയിരുന്നുവെന്നും എന്നാല്‍ തന്റെ സഹോദരി ഇത് തെറ്റിച്ചതാണ് വരനെ പ്രകോപിപ്പിച്ചതെന്നും വധുവിന്റെ സഹോദരന്‍ വ്യക്തമാക്കി. സ്‌നാപ് ചാറ്റ്, ഇന്‍സ്റ്റഗ്രാം, ട്വിറ്റര്‍ എന്നിവയിലൂടെ ചിത്രങ്ങള്‍ പങ്കുവയ്ക്കരുതെന്നായിരുന്നു ധാരണയെന്നും അയാള്‍ പറഞ്ഞു.തെറ്റ് തന്റെ സഹോദരിയുടെ ഭാഗത്താണെന്നും തന്റെ സഹോദരിക്ക് വാക്ക് പാലിക്കാന്‍ കഴിഞ്ഞില്ലെന്നും അയാള്‍ പറഞ്ഞു. അതേസമയം പെണ്‍ സുഹൃത്തുക്കള്‍ക്കു മാത്രമാണ് വധു ചിത്രങ്ങള്‍ അയച്ചു നല്‍കിയതെന്ന് സഹോദരന്‍ പറഞ്ഞു.

English summary

A Saudi man dumped his bride of two hours after she broke the prenup where she had agreed to not share pictures of the wedding on social media.